Phytophthora drechsleri f. sp. cajani
കുമിൾ
5 mins to read
ഇളം തൈകളിലെ രോഗബാധ പെട്ടന്നുള്ള നാശത്തിലേക്ക് (ദ്രുത മരണം) നയിക്കുന്നു. ചെടി നശിച്ചില്ല എങ്കില് തണ്ടില് വലിയ വ്രണങ്ങള് വികസിക്കുന്നു. രോഗം ബാധിച്ച ചെടികളുടെ ഇലകളില്, വെള്ളത്തിൽ കുതിർന്ന വടുക്കള് പ്രത്യക്ഷപ്പെടും. തണ്ടുകളിലും ഇല ഞെട്ടുകളിലും കുഴിഞ്ഞ തവിട്ടു മുതല് കറുപ്പ് നിറം വരെയുള്ള വടുക്കള് പ്രത്യക്ഷപ്പെടുന്നു. തണ്ടിലെ വടുക്കള്ക്ക് മുകളിലായി ചെടി വാടാന് തുടങ്ങുകയും അവസാനം നശിക്കുകയും ചെയ്യുന്നു.
സ്യൂഡോമോണസ് ഫ്ലൂറസെൻസും ബാസിലസ് സബ്റ്റിലിസും, കൂടാതെ ട്രൈക്കോഡെർമ വിരിഡേയും ഹാമറ്റവും തണ്ട് ചീയലിനെതിരെ ഫലപ്രദമാണ്.
ലഭ്യമെങ്കിൽ എപ്പോഴും ജൈവ പരിചരണത്തോടൊപ്പം പ്രതിരോധ നടപടികളും ചേര്ന്ന ഒരു സംയോജിത സമീപനം പരിഗണിക്കുക. ഫൈറ്റോഫ്തോറ ബ്ലൈറ്റ് നിയന്ത്രിക്കാന് ഒരു കിലോ വിത്തിന് 4 ഗ്രാം മെറ്റലക്സില് ഉപയോഗിച്ച് താങ്കള്ക്ക് വിത്തുകൾ പരിചരിക്കാം.
ഫൈറ്റോഫ്തോറ ബ്ലൈറ്റ് മണ്ണിലൂടെ വ്യാപിക്കുന്ന കുമിളാണ്. ചെടിയുടെ അവശിഷ്ടങ്ങളില് അവ സുഷുപ്തകാലം അതിജീവിക്കും. ഈര്പ്പമുള്ള അവസ്ഥകളായ ചാറ്റല് മഴയും ഏകദേശം 25°C -ന് അടുത്തുള്ള താപനിലയും രോഗബാധയ്ക്ക് അനുകൂലമാണ്. 8 മണിക്കൂര് വരെയുള്ള ഇലയുടെ നനവ് അണുബാധയ്ക്ക് ആവശ്യമാണ്. കുറച്ചു കാലങ്ങൾക്ക് ശേഷം തുവര ചെടി രോഗത്തിനെതിരെ പ്രതിരോധ ശക്തി നേടിയെടുക്കും.