പരുത്തിയിലെ ആൾട്ടര്‍നേരിയ ഇലപ്പുള്ളികള്‍

ലക്ഷണങ്ങൾ

ബാധിപ്പിന്റെ ആരംഭത്തിൽ ഇലകളിലും സഹപത്രങ്ങളിലും വൃത്താകൃതിയിൽ 1 മുതൽ 10 മി.മി. വരെ വ്യാസമുള്ള, പർപ്പിൾ നിറത്തിലുള്ള അരികുകളോട് കൂടിയ, തവിട്ടു മുതൽ കരുവാളിച്ച നിറം വരെയുള്ള പുള്ളിക്കുത്തുകൾ രൂപപ്പെടുത്തുന്നു. ഈ പുള്ളിക്കുത്തുകൾ പലപ്പോഴും ഏകകേന്ദ്രീകൃതമായ വളർച്ച ദൃശ്യമാക്കുകയും, ഇലകളുടെ മുകൾ പ്രതലത്തിൽ കൂടുതൽ വ്യക്തമായ മാതൃക രൂപപ്പെടുത്തുകയും ചെയ്യുന്നു. അവ വളരുന്നതോടെ അവയുടെ മധ്യഭാഗം ഉണങ്ങി ചാരനിറമാകുന്നു, ചിലപ്പോഴൊക്കെ ഈ ഭാഗം പൊട്ടി അടര്‍ന്നു വീണേക്കാം (വെടിയുണ്ട ഏറ്റതുപോലെയുള്ള രൂപം). ഈ പുള്ളിക്കുത്തുകൾ ഒന്നിച്ചു ചേർന്ന് ഇലപത്രത്തിൻ്റെ മധ്യഭാഗത്ത് ക്രമരഹിതമായ മൃത ഭാഗങ്ങളായി മാറുന്നു. എന്തായാലും, ഈർപ്പമുള്ള സാഹചര്യങ്ങളിൽ കുമിളുകള്‍ നിരവധി ബീജങ്ങള്‍ ഉത്പാദിപ്പിച്ച് പുറത്തു വിടുന്നു, ഇത് വടുക്കളില്‍ അഴുക്കുപുരണ്ട കറുത്ത നിറത്തിലുള്ള ആകാരമായി മാറുന്നു. ചെറിയ, കുഴിഞ്ഞ പുള്ളികളായാണ് തണ്ടുകളിൽ ക്ഷതങ്ങളുടെ വളർച്ച ആരംഭിക്കുന്നത്, ഇവ പിന്നീട് കലകൾ പിളര്‍ന്നും പൊട്ടിയും വ്രണങ്ങളായി വികസിച്ചേക്കാം. സാരമായ ബാധിപ്പുകളിൽ, പൂമൊട്ടുകൾ കൊഴിയുകയും തത്‌ഫലമായി ക്രമേണ പരുത്തിഗോളങ്ങൾ ഉണ്ടാകുന്നത് തടസ്സപ്പെടുകയും ചെയ്യുന്നു.