ആപ്പിളിൻ്റെ വേരും ചുവടും ചീയൽ

അതിന് എന്താണ് കാരണം

ഫൈറ്റോഫ്‌തോറ കാക്റ്റോറം എന്ന മണ്ണിലൂടെ വ്യാപിക്കുന്ന കുമിളുകളാണ് രോഗലക്ഷണങ്ങൾക്ക് കാരണം, ഇവയ്ക്ക് വളരെ വിപുലമായ എണ്ണത്തിലുള്ള ആതിഥേയ വിളകൾ ഉണ്ട്. അവ ഈർപ്പമുള്ള മണ്ണിലാണ് കൂടുതലായും കണ്ട് വരുന്നത്, അതുകൊണ്ട് തന്നെ വെള്ളപ്പൊക്ക സാധ്യതയുള്ള താഴ്ന്ന പ്രദേശങ്ങളിലും, ഈർപ്പമുള്ള കൃഷിയിടങ്ങളിലും ഇവ പ്രശ്നങ്ങളുണ്ടാക്കിയേക്കാം. ഊഷ്മളമായ കാലാവസ്ഥ ബീജകോശങ്ങളുടെ ഉത്പാദനത്തിനും അതുമൂലം ബാധിപ്പിനും അനുകൂലമാണ്. ഇവ ആപ്പിളുകളെയും പിയർ മരങ്ങളെയും ആക്രമിക്കുന്നു, പക്ഷേ പിയർ മരങ്ങളിൽ വിരളമായേ പ്രശ്നങ്ങൾ ഉണ്ടാക്കുന്നുള്ളൂ. പൂവിടുന്നതിന് മുമ്പാണ് ഇവയുടെ ആക്രമണം രൂക്ഷമാകുന്നത്. കൊഴിഞ്ഞു വീണ ഫലങ്ങളിൽനിന്നും പുറത്തുവരുന്ന കുമിൾ ബീജങ്ങളോ അല്ലെങ്കിൽ ബാധിക്കപ്പെട്ട നടീൽ വസ്തുക്കളോ ആണ് ബാധിപ്പിൻ്റെ പ്രധാന സ്രോതസ്സ്. ബാധിപ്പ് മണ്ണിൻ്റെ ഉപരിതലത്തിനു താഴെയാണെങ്കിൽ, വേരിൻ്റെയും ചുവടിൻ്റെയും ചീയൽ ലക്ഷണങ്ങൾ ഉണ്ടാകുന്നു. ചുവടു ചീയൽ മണ്ണിൻ്റെ ഉപരിതലത്തിനു മുകളിൽ തടിയുടെ താഴ്ഭാഗത്ത് ഉണ്ടാകുന്നു. ഈ രണ്ട് സാഹചര്യങ്ങളിലും കാണപ്പെടുന്ന ഇലകളിലുണ്ടാകുന്ന ലക്ഷണങ്ങളുടെ കാരണം, വേരുകളിലെ ആന്തരിക കലകളുടെ അഴുകലും സംവഹന കലകൾ പ്രവർത്തന രഹിതമാകുകയും ചെയ്യുന്നതാണ്.