ಸಿರಿಧಾನ್ಯ

ಚಾಫರ್ ಬೀಟಲ್

Chiloloba acuta

ಕೀಟ

ನಿಮ್ಮ ಬೆಳೆಯನ್ನು ಗುಣಪಡಿಸಿ

ಒಂದು ಚಿತ್ರವನ್ನು ತೆಗೆಯಿರಿ

ರೋಗನಿರ್ಣಯವನ್ನು ನೋಡಿ

ಔಷಧ ಪಡೆಯಿರಿ

ಪ್ಲಾಂಟಿಕ್ಸ್ ಅಪ್ಲಿಕೇಶನ್ ಪಡೆಯಿರಿ

ಸಂಕ್ಷಿಪ್ತವಾಗಿ

ಹಸಿರು ಲೋಹ ರೀತಿಯ ಜೀರುಂಡೆಗಳು ಧಾನ್ಯಗಳ ಹೂವುಗಳನ್ನು ತಿನ್ನುವುದು ಕಂಡುಬರುತ್ತದೆ.
ಹೂವುಗಳಿಗೆ ಆದ ಹಾನಿಯಿಂದಾಗಿ ಧಾನ್ಯ ರಚನೆ ಕಳಪೆಯಾಗುತ್ತದೆ.
ಉತ್ಪತ್ತಿಯಾದ ಹಿಕ್ಕೆ ಹೂವುಗಳ ಬಣ್ಣಗೆಡಿಸಬಹುದು.
ಅಗತ್ಯವಿದ್ದರೆ ಅವು ಮೊಗ್ಗುಗಳು ಮತ್ತು ಎಲೆಗಳನ್ನು ಕೂಡಾ ಆಕ್ರಮಿಸಬಹುದು.

ಇವುಗಳಲ್ಲಿ ಸಹ ಕಾಣಬಹುದು

3 ಬೆಳೆಗಳು

ಮೆಕ್ಕೆ ಜೋಳ

ಸಿರಿಧಾನ್ಯ

ಹುಲ್ಲುಜೋಳ

ಸಿರಿಧಾನ್ಯ

ರೋಗಲಕ್ಷಣಗಳು

ದಕ್ಷಿಣ ಭಾರತದಲ್ಲಿ, ಈಶಾನ್ಯ ಮುಂಗಾರಿನ ನಂತರ ಲೋಹೀಯ ಹಸಿರು ಜೀರುಂಡೆಯಾದ ಚಿಲೋಲೋಬ ಎಕ್ಯೂಟಾ ಸಾಮಾನ್ಯವಾಗಿ ಹುಲ್ಲುಗಳಲ್ಲಿ ಕಂಡುಬರುತ್ತದೆ. ಆದರೂ, ಇವು ಕೆಲವೊಮ್ಮೆ ರಾಗಿ, ಮೆಕ್ಕೆ ಜೋಳ ಮತ್ತು ಹುಲ್ಲುಜೋಳಗಳನ್ನು ತಿನ್ನುತ್ತದೆ. ಮುಖ್ಯವಾಗಿ ಪರಾಗವನ್ನು ಹುಡುಕುತ್ತವೆ. (ಆದ್ದರಿಂದ ಇದರ ಇತರ ಸಾಮಾನ್ಯ ಹೆಸರೆಂದರೆ, ಪರಾಗ ಜೀರುಂಡೆ). ತಿನ್ನುವಾಗ ಇದು ಹೂವುಗಳನ್ನು ಹಾನಿಗೊಳಿಸಬಹುದು. ಇದರಿಂದ ಧಾನ್ಯ ರಚನೆ ಕಳಪೆಯಾಗುತ್ತದೆ. ಉತ್ಪತ್ತಿಯಾದ ಹಿಕ್ಕೆ ಹೂವುಗಳ ಬಣ್ಣಗೆಡಿಸಬಹುದು. ಅವುಗಳನ್ನು ಪರಾಗ ಮತ್ತು ಹೂವಿನ-ಹುಳ ಎಂದು ಪರಿಗಣಿಸಲಾಗುತ್ತದೆಯಾದರೂ, ಅವುಗಳು ಅಗತ್ಯವಿದ್ದರೆ ಮೊಗ್ಗುಗಳು ಮತ್ತು ಎಲೆಗಳನ್ನು ಕೂಡಾ ಆಕ್ರಮಿಸಬಹುದು. ಲಾರ್ವಾಗಳು ಸಡಿಲವಾದ, ಕೊಳೆಯುವ ಸಾವಯವ ವಸ್ತುಗಳ ಮೇಲೆ ಕಂಡುಬರುತ್ತವೆ ಮತ್ತು ಅವು ಹಾನಿಕಾರಕ ಕೀಟವೆಂದು ಪರಿಗಣಿಸಲಾಗುವುದಿಲ್ಲ.

ಶಿಫಾರಸುಗಳು

ಜೈವಿಕ ನಿಯಂತ್ರಣ

ಚಾಫರ್ ಜೀರುಂಡೆಯ ಬೆಳೆದ ಲಾರ್ವಾಗಳು ಹಿಟೆರೋರ್ಹ್ಯಾಬಿಡಿಟಿಸ್ ಬ್ಯಾಕ್ಟೀರಿಯೊಫೊರಾ ಮತ್ತು ಕೆಲವು ಸ್ಟೈನೆರ್ನೆಮಾ ಜಾತಿಗಳ (ಎಸ್ ಸಿಯಾಮ್ಕಾಯಿ, ಎಸ್ ಥರ್ಮೋಫಿಲುಮ್ ಮತ್ತು ಎಸ್ ಅಬ್ಬಾಸಿ) ರೋಗಕಾರಕ ನೆಮಟೋಡ್ ಗಳ ಮಧ್ಯಮದಿಂದ ಹೆಚ್ಚಿನ ಪ್ರಮಾಣಕ್ಕೆ ಹೆಚ್ಚು ಸೂಕ್ಷ್ಮತೆಯನ್ನು ಹೊಂದಿರುತ್ತವೆ. ಕೆಲವು ಶಿಲೀಂಧ್ರಗಳ ಜಾತಿಗಳು, ಉದಾಹರಣೆಗೆ ಮೆಟಾಹಾರ್ಜಿಯಾಮ್ ಅನಿಸೊಪ್ಲಿಯೆ, ಗ್ರುಬ್ ಗಳನ್ನು ನಿರ್ವಹಿಸುವಲ್ಲಿ ಪರಿಣಾಮಕಾರಿ ನಿಯಂತ್ರಣ ಏಜೆಂಟ್ ಆಗಿರಬಹುದು. ಈ ನೆಮಟೋಡ್ ಗಳನ್ನು ಆಧರಿಸಿರುವ ಉತ್ಪನ್ನಗಳು ನಿಮ್ಮ ಪ್ರದೇಶದಲ್ಲಿ ಲಭ್ಯವಿದೆಯೇ ಕಂಡುಕೊಳ್ಳಿ. ಬೇವಿನ ಕೇಕ್ ನೊಂದಿಗೆ ಮಣ್ಣಿನ ಚಿಕಿತ್ಸೆಗಳು, ಗ್ರಬ್ ಗಳು ತಿನ್ನುವುದನ್ನು ತಡೆಯಬಹುದು ಮತ್ತು ಅವುಗಳ ಗಾತ್ರವನ್ನು ಕಡಿಮೆ ಮಾಡುತ್ತದೆ.

ರಾಸಾಯನಿಕ ನಿಯಂತ್ರಣ

ಲಭ್ಯವಿದ್ದರೆ, ತಡೆಗಟ್ಟುವ ಕ್ರಮಗಳು ಮತ್ತು ಜೈವಿಕ ಚಿಕಿತ್ಸೆಗಳಿರುವ ಸಮಗ್ರ ವಿಧಾನವನ್ನು ಯಾವಾಗಲೂ ಪರಿಗಣಿಸಿ. ವಯಸ್ಕ ಕೀಟಗಳನ್ನು ಗುರಿಯಾಗಿಸಲು ಕೀಟನಾಶಕಗಳನ್ನು ಬಳಸಬಹುದು

ಅದಕ್ಕೆ ಏನು ಕಾರಣ

ಭಾರತೀಯ ಉಪಖಂಡದಲ್ಲಿ ವ್ಯಾಪಕವಾಗಿ ಹರಡಿರುವ ಕೀಟವಾದ ಚಿಲೋಲೋಬ ಎಕ್ಯುಟಾ ಎಂಬ ಚಾಫರ್ ಬೀಟಲ್ ನಿಂದ ಹಾನಿ ಉಂಟಾಗುತ್ತದೆ. ವಯಸ್ಕ ಕೀಟಗಳು ಸಾಮಾನ್ಯವಾಗಿ ಹೊಳೆಯುವ ಲೋಹೀಯ ಹಸಿರು ಬಣ್ಣದಲ್ಲಿರುತ್ತವೆ. ಆದರೆ ಕೆಲವು ಮಾದರಿಗಳು ಕೆಂಪು ಅಥವಾ ಗಾಢ ನೀಲಿ ಬಣ್ಣಗಳನ್ನು ಹೊಂದಿರುತ್ತದೆ. ಅವುಗಳು ಅನಿಯಮಿತವಾಗಿ ಕೂದಲಿನ ಗೊಂಚಲಿನಿಂದ ಮುಚ್ಚಲ್ಪಟ್ಟಿರುತ್ತವೆ. ದೇಹದ ಬದಿ ಮತ್ತು ಕೆಳಭಾಗದಲ್ಲಿ ಇವು ಹೆಚ್ಚು ಎದ್ದು ಕಾಣುತ್ತವೆ. ಹೆಣ್ಣು ಕೀಟಗಳು, ಎಲೆಗಳು ಅಥವಾ ಕೊಳೆತ ಮರಗಳಲ್ಲಿ ಒಂದೇ ಕೆನೆ ಬಿಳಿ ಬಣ್ಣದ ಮೊಟ್ಟೆ ಇಡುತ್ತವೆ. ಮರಿಗಳು C-ಆಕಾರದಲ್ಲಿರುತ್ತವೆ ಮತ್ತು ಮಣ್ಣಿನಲ್ಲಿರುವ ಸಾವಯವ ಪದಾರ್ಥವನ್ನು (ಕಾಂಡಗಳು, ಶಾಖೆಗಳು ಅಥವಾ ಕೊಂಬೆಗಳನ್ನು) ತಿನ್ನುತ್ತವೆ. ಈಶಾನ್ಯ ಮಾನ್ಸೂನ್ ನಂತರ ದಕ್ಷಿಣ ಭಾರತದಲ್ಲಿ ಹುಲ್ಲುಗಳಲ್ಲಿ ವಯಸ್ಕ ಕೀಟಗಳನ್ನು ಸಾಮಾನ್ಯವಾಗಿ ಕಾಣಬಹುದು. ಇವು ಕೆಲವೊಮ್ಮೆ ರಾಗಿ, ಮೆಕ್ಕೆ ಜೋಳ ಮತ್ತು ಹುಲ್ಲುಜೋಳಗಳನ್ನು ತಿನ್ನುತ್ತವೆ. ಇದು ಹೂವುಗಳನ್ನು ಮತ್ತು ಧಾನ್ಯಗಳನ್ನು ಹಾನಿಗೊಳಿಸಬಹುದು.