ಬೆಂಡೆಕಾಯಿ
ಬ್ಲಿಸ್ಟರ್ ಬೀಟಲ್ ( ಬ್ಲಿಸ್ಟರ್ ಜೀರುಂಡೆ)
Mylabris pustulata
ಕೀಟ
5 mins to read
ಸಂಕ್ಷಿಪ್ತವಾಗಿ
- ದಳಗಳನ್ನು ತಿನ್ನುವ ಮೂಲಕ ಜೀರುಂಡೆಗಳು ಹೂವುಗಳನ್ನು ಹಾನಿಗೊಳಿಸುತ್ತವೆ.
- ಶಲಾಕಾಗ್ರ ಮತ್ತು ಅಂಡಾಶಯವು ಹಾನಿಗೊಳಗಾಗುತ್ತದೆ.
- ಬೀಜಕೋಶದ ರಚನೆಯಾಗುವುದಿಲ್ಲ.
ಇವುಗಳಲ್ಲಿ ಸಹ ಕಾಣಬಹುದು
ಬೆಂಡೆಕಾಯಿ
ರೋಗಲಕ್ಷಣಗಳು
ವಯಸ್ಕ ಬ್ಲಿಸ್ಟರ್ ಜೀರುಂಡೆಗಳು ಮೂಲದಲ್ಲಿ ಹೂವುಗಳನ್ನು ತಿನ್ನುತ್ತದೆ. ಕೋಮಲ ಎಲೆಗಳು ಮತ್ತು ಚಿಗುರುಗಳ ಮೇಲೂ ತಿಂದ ಕಾರಣ ಆದ ಹಾನಿಯನ್ನು ಕಾಣಬಹುದು. ಜೀರುಂಡೆಗಳು ಸಾಮಾನ್ಯವಾಗಿ ಹಿಂಡುಗಳಲ್ಲಿ, ಆದರೆ ಹೊಲದೊಳಗೆ ಸಾಮಾನ್ಯವಾಗಿ ಸಣ್ಣ ತೇಪೆಗಳಲ್ಲಿ ಬೀನ್ಸ್ ಮೇಲೆ ದಾಳಿ ಮಾಡುತ್ತವೆ. ಅವು ಸಾಮಾನ್ಯವಾಗಿ ಬೇರೆಡೆಗೆ ತೆರಳುವ ಮೊದಲು ದೀರ್ಘಕಾಲದವರೆಗೆ ಅಲ್ಲೇ ಆಹಾರ ತಿನ್ನುತ್ತಾ ಉಳಿಯುವುದಿಲ್ಲ.
Recommendations
ಜೈವಿಕ ನಿಯಂತ್ರಣ
ಅಪಾಯಕ್ಕೊಳಗಾದ ಸಸ್ಯಗಳ ಸುತ್ತಲೂ ಡೇಟೋಮೇಶಿಯಸ್ ಎರ್ಥ್ ಹರಡುವ ಮೂಲಕ ಜೀರುಂಡೆಗಳ ವ್ಯಾಪ್ತಿ ಮತ್ತು ಸಂಖ್ಯೆಯನ್ನು ಕಡಿಮೆ ಮಾಡಿ. ಚಿಕ್ಕರೆ(ಕೀರೆ) ಸೊಪ್ಪು (ಅಮರಾಂತಸ್ ಎಸ್ಪಿಪಿ.), ಸಹದೇವಿ(ಒಕರ್ಚೆಂಡಿ) ಗಿಡ(ವೆರೋನಿಯಾ ಎಸ್ಪಿಪಿ.), ಮತ್ತು ರಾಗ್ ವೀಡ್ (ಅಂಬ್ರೋಸಿಯಾ ಎಸ್ಪಿಪಿ.) ನಂತಹ ಜಾತಿಗಳನ್ನು ನಿಮ್ಮ ಕೃಷಿಭೂಮಿಯಿಂದ ಹೊರಗಿಡಿ. ಏಕೆಂದರೆ ಅವುಗಳು ಬ್ಲಿಸ್ಟರ್ ಜೀರುಂಡೆಗಳನ್ನು ಹೆಚ್ಚಾಗಿ ಆಕರ್ಷಿಸುತ್ತವೆ. ಸ್ಪಿನೋಸಾಡ್ ಹೊಂದಿರುವ ಸ್ಪ್ರೇಗಳು, OMRI ಪಟ್ಟಿಮಾಡಿದ ಜೈವಿಕ ಕೀಟನಾಶಕವು 24 ರಿಂದ 48 ಗಂಟೆಗಳಲ್ಲಿ ಜೀರುಂಡೆಗಳನ್ನು ಕೊಲ್ಲಲು ಶಕ್ಯವಾಗಿವೆ.
ರಾಸಾಯನಿಕ ನಿಯಂತ್ರಣ
ಲಭ್ಯವಿದ್ದಲ್ಲಿ ಜೈವಿಕ ಚಿಕಿತ್ಸೆಗಳ ಜೊತೆಗೆ ತಡೆಗಟ್ಟುವ ಕ್ರಮಗಳಿರುವ ಸಂಯೋಜಿತ ವಿಧಾನವನ್ನು ಯಾವಾಗಲೂ ಪರಿಗಣಿಸಿ. ಕೆಲವು ವಿಶ್ವವಿದ್ಯಾನಿಲಯಗಳು ಇಂಡೋಕ್ಸಾಕಾರ್ಬ್ ಮತ್ತು ಡೆಲ್ಟಾಮೆಥ್ರಿನ್ ಆಧಾರಿತ ಉತ್ಪನ್ನಗಳನ್ನು ಶಿಫಾರಸು ಮಾಡುತ್ತವೆ.
ಅದಕ್ಕೆ ಏನು ಕಾರಣ
ವಯಸ್ಕ ಬ್ಲಿಸ್ಟರ್ ಜೀರುಂಡೆಯಿಂದ ಹಾನಿ ಉಂಟಾಗುತ್ತದೆ, ಇದು ಪ್ರಮುಖವಾಗಿ ಹೂವುಗಳನ್ನು ತಿನ್ನುತ್ತದೆ ಮತ್ತು ಇದರ ಆರ್ಥಿಕ ಪ್ರಾಮುಖ್ಯತೆ ತುಂಬಾ ಕಡಿಮೆಯಾಗಿದೆ. ವಯಸ್ಕ ಜೀರುಂಡೆಗಳು ಸೋಯಾಬೀನ್ ಹೂವುಗಳು, ಎಳೆಯ ಬೀಜಕೋಶಗಳು ಅಥವಾ ಕೋಮಲ ಕಾಂಡಗಳನ್ನು ತಿನ್ನಬಹುದು. ಆದಾಗ್ಯೂ ಈ ಭಾಗಗಳು ಸಾಮಾನ್ಯವಾಗಿ ಹಾನಿಗೊಳಗಾಗುವುದಿಲ್ಲ. ವಯಸ್ಕ ಬ್ಲಿಸ್ಟರ್ ಜೀರುಂಡೆಗಳು ತಮ್ಮ ಕುತ್ತಿಗೆಯ ಪ್ರದೇಶಗಳಿಗಿಂತ ಅಗಲವಾದ ತಲೆಗಳನ್ನು ಹೊಂದಿರುತ್ತವೆ ಮತ್ತು ಅವು ಮಧ್ಯಮ ಉದ್ದವಾದ ಆಂಟೆನಾಗಳು ಮತ್ತು ಕಾಲುಗಳನ್ನು ಹೊಂದಿರುತ್ತವೆ. ಅಂಚಿರುವ ಬ್ಲಿಸ್ಟರ್ ಜೀರುಂಡೆ ಕಪ್ಪು, ಬೂದು ಅಥವಾ ಎರಡರ ಮಿಶ್ರಣವಾಗಿದೆ. ಆದರೆ ಪಟ್ಟೆ ಬ್ಲಿಸ್ಟರ್ ಜೀರುಂಡೆ ಕಪ್ಪು ಪಟ್ಟಿಗಳೊಂದಿಗೆ ಕಿತ್ತಳೆ ಬಣ್ಣದಲ್ಲಿರುತ್ತದೆ.
ಮುಂಜಾಗ್ರತಾ ಕ್ರಮಗಳು
- ಮುತ್ತಿಕೊಳ್ಳುವಿಕೆಯನ್ನು ತಪ್ಪಿಸಿ.
- ಜೀರುಂಡೆಗಳು ಇವೆ ಎಂದು ಅನಿಸಿದ ನಂತರ ಬೆಳೆಗಳನ್ನು ಎಚ್ಚರಿಕೆಯಿಂದ ಮೇಲ್ವಿಚಾರಣೆ ಮಾಡಿ ಮತ್ತು ಚಿಕಿತ್ಸೆ ನೀಡಿ.
- ಸಾಲು ಹೊದಿಕೆಗಳೊಂದಿಗೆ ನಿಮ್ಮ ಸಸ್ಯಗಳನ್ನು ರಕ್ಷಿಸಿ.
- ಜೀರುಂಡೆಗಳನ್ನು ಒಂದು ಕೋಲಿನಿಂದ ಹಿಡಿದು ಒಂದು ಬಕೆಟ್ ಸಾಬೂನು ಅಥವಾ ಸೀಮೆ ಎಣ್ಣೆಯಲ್ಲಿ ಸಂಗ್ರಹಿಸುವ ಮೂಲಕ ನಿಯಂತ್ರಿಸಿ (ಏನಾದರೂ ಅವುಗಳನ್ನು ಮುಟ್ಟಬೇಡಿ).
- ಜೀರುಂಡೆಗಳು ನಿಮ್ಮ ಹೊಲವನ್ನು ಗುರಿಯಾಗಿಸಿಕೊಳ್ಳುವುದನ್ನು ತಡೆಯಲು ಪ್ರತಿ ಬೆಳವಣಿಗೆಯ ಋತುವಿನ ಆರಂಭದಲ್ಲಿ ಸಿಂಪಿ ಸುಣ್ಣದ ಚಿಪ್ಪನ್ನು ಹಾಕಿ.
ಶೇರ್ ಮಾಡು
ಪ್ಲಾಂಟಿಕ್ಸ್ ಡೌನ್‌ಲೋಡ್ ಮಾಡಿಕೊಳ್ಳಿ
