ಹೆಡ್ ಮೈನರ್

ಅದಕ್ಕೆ ಏನು ಕಾರಣ

ಹೆಲಿಯೊಚೈಲಸ್ ಅಲ್ಬಿಪುನ್ಕ್ಟೆಲ್ಲಾ ಎಂಬ ಮಿಲ್ಲೆಟ್ ಹೆಡ್ ಮೈನರ್ ನಿಂದ ಈ ರೋಗಲಕ್ಷಣಗಳು ಉಂಟಾಗುತ್ತವೆ. ವಯಸ್ಕ ಚಿಟ್ಟೆಯ ಹಾರಾಟದ ಅವಧಿ ಸಿರಿಧಾನ್ಯದ ಹೂಗೊಂಚಲು ಹೊರಹೊಮ್ಮುವಿಕೆ ಮತ್ತು ಹೂಬಿಡುವಿಕೆಯೊಂದಿಗೆ ಹೊಂದಿಕೆಯಾಗುತ್ತದೆ. ಹೆಣ್ಣು ಪತಂಗಗಳು ತೆನೆಯ ಆರಂಭಿಕ ಬೆಳವಣಿಗೆಯ ಸಂದರ್ಭದಲ್ಲಿ ಪ್ರತ್ಯೇಕವಾಗಿ ಅಥವಾ ಚಿಕ್ಕ ಗುಂಪುಗಳಲ್ಲಿ ಅಕ್ಷದಿಂಡುವಿನ ಮೇಲೆ ಅಂಟಿಕೊಂಡಂತೆ ಅಥವಾ ಹೂವುಗಳ ಬುಡದಲ್ಲಿ ಅಥವಾ ಮುಖ್ಯದಂಟುವಿನ ಮೇಲೆ ಮೊಟ್ಟೆಗಳನ್ನು ಇಡುತ್ತವೆ. ಮೊಟ್ಟೆಯೊಡೆದು ಹೊರಬಂದ ನಂತರ ಮರಿ ಲಾರ್ವಾಗಳು ಗೊಂಚಲನ್ನು ತಿನ್ನುತ್ತವೆ. ಮತ್ತು ಬೆಳೆದ ಲಾರ್ವಾಗಳು ವಿಶಿಷ್ಟ ಸುರುಳಿಯಾಕಾರದ ಸುರಂಗಗಳನ್ನು ಉಂಟುಮಾಡುತ್ತವೆ. ಪೂರ್ಣ ಬೆಳೆದ ಲಾರ್ವಾಗಳು ಕೆಂಪು ಅಥವಾ ಗುಲಾಬಿ ಬಣ್ಣಕ್ಕೆ ತಿರುಗಿ ನೆಲದ ಮೇಲೆ ಬೀಳುತ್ತವೆ. ಅಲ್ಲಿ ಅದು ಮಣ್ಣನ್ನು ಪ್ರವೇಶಿಸಿ ಕೋಶಾವಸ್ಥೆಗೆ ತೆರಳುತ್ತದೆ. ನೆಲದ ಮೇಲೆ, ಅವು ಇಡೀ ಶುಷ್ಕ ಋತುವನ್ನು ಕಳೆದು ನಂತರದ ಮಳೆಗಾಲದಲ್ಲಿ ಪ್ರೌಢಕೀಟಗಳಾಗಿ ಹೊರಹೊಮ್ಮುತ್ತವೆ. ಈ ಕೀಟ ಪಶ್ಚಿಮ ಆಫ್ರಿಕಾದ ಸೇಹೇಲಿಯನ್ ಪ್ರದೇಶದಲ್ಲಿ ಬಾಜ್ರದ ಹೂಗೊಂಚಲನ್ನು ಹಾಳುಗೆಡಹುವ ಅತ್ಯಂತ ಹಾನಿಕಾರಕ ಕೀಟ ಎಂದು ಪರಿಗಣಿತವಾಗಿದೆ.