ಕಪ್ಪು ಕಾಯಿ ರೋಗ

ರೋಗಲಕ್ಷಣಗಳು

ದುಂಡಗಿನ ಕಂದು ಕಲೆಗಳು ಸಾಮಾನ್ಯವಾಗಿ ಕಾಯಿಯ ಮೇಲ್ಭಾಗ ಅಥವಾ ಕೆಳಭಾಗದಲ್ಲಿ ಪ್ರಾರಂಭವಾಗಿ ಕೇವಲ ಒಂದರಿಂದ ಎರಡು ವಾರಗಳಲ್ಲಿ ಇಡೀ ಕಾಯಿಯನ್ನು ಆವರಿಸುವಷ್ಟು ವೇಗವಾಗಿ ಹರಡುತ್ತವೆ. ತೇವಾಂಶದ ಹವಾಮಾನದಲ್ಲಿ ಈ ಕಂದು ಕಲೆಗಳ ಮೇಲೆ ಬಿಳಿ ಬಣ್ಣದ ಬೀಜಕಗಳು ಕಾಣಿಸಿಕೊಳ್ಳುತ್ತವೆ ಮತ್ತು ಸೋಂಕಿತ ಕೋಕೋ ಕಾಯಿಗಳಿಂದ ಬಲವಾದ ಮೀನಿನ ವಾಸನೆ ಬರುತ್ತದೆ. ಅಂತಹ ಕಾಯಿಗಳು ಕಪ್ಪಾಗಿ ಒಣಗುತ್ತವೆ ಮತ್ತು ಗಿಡಕ್ಕೆ ಅಂಟಿಕೊಂಡೇ ಒಣಗುತ್ತವೆ. ಎಳೆಯ ಕಾಯಿಗಳಲ್ಲಿ ಒಳಗಿನ ಬೀಜಗಳು ಕೊಳೆಯುತ್ತವೆ ಆದರೆ ಬಲಿತ ಕಾಯಿಗಳಲ್ಲಿ ಬೀಜಗಳು ಆರೋಗ್ಯಕರವಾಗಿರುವ ಸಾಧ್ಯತೆ ಇದೆ. ಎಳೆಯ ಚಿಗುರುಗಳು ವೇಗವಾಗಿ ಕಂದು ಬಣ್ಣಕ್ಕೆ ತಿರುಗಿ ಸಂಪೂರ್ಣವಾಗಿ ಸತ್ತುಹೋಗಬಹುದು. ಕಾಂಡಗಳ ಮೇಲೆ ತೊಗಟೆಯ ಕೆಳಗೆ ಹೊಳೆವ ಗುಲಾಬಿ ಅಥವಾ ವೈನ್ ಬಣ್ಣವಿರುವ ಅಂಡಾಕಾರದ ತುಕ್ಕು-ಕಂದು ಬಣ್ಣದ ಚುಕ್ಕೆಗಳನ್ನು ಗಮನಿಸಬಹುದು. ಎಲೆಗಳು ಎಲೆಯ ನಾಳಗಳ ಉದ್ದಕ್ಕೂ ಬಣ್ಣ ಕಳೆದುಕೊಳ್ಳಬಹುದು. ಬುಡ ಮತ್ತು ಕಾಂಡದ ಮೇಲೆ ಕೆಂಪು-ಕಂದು ಅಂಟಂಟಾದ ಸ್ರಾವದೊಂದಿಗೆ ಕಪ್ಪು ಕಂದು ಬಣ್ಣದ ನೀರಿನಿಂದ ಕೂಡಿದ ಗಾಯಗಳನ್ನು ಗಮನಿಸಬಹುದು.