ತೆಂಗು
ತೆಂಗಿನ ನುಸಿ ರೋಗ
Aceria guerreronis
ಹುಳು
ಸಂಕ್ಷಿಪ್ತವಾಗಿ
- ಎಳನೀರಿನ ಅಥವಾ ಹೊಸ ಕಾಯಿಯ ತೊಟ್ಟಿನ (ಕೊಪ್ಪರಿಗೆ) ಹತ್ತಿರ ಬಿಳಿ ಅಥವಾ ತಿಳಿ ಹಳದಿ ಬಣ್ಣದ ತ್ರಿಕೋನಾಕಾರದ ಮಚ್ಚೆಗಳು ಕಾಣಿಸಿಕೊಳ್ಳುತ್ತವೆ.
- ನಂತರ ಈ ಮಚ್ಚೆಗಳು ಕಂದು ಅಥವಾ ಕಪ್ಪು ಬಣ್ಣಕ್ಕೆ ತಿರುಗಿ, ಆಳವಾದ ಬಿರುಕುಗಳು ಉಂಟಾಗುತ್ತವೆ.
- ಪೀಡಿತ ಕಾಯಿಗಳು ಸಣ್ಣದಾಗಿ, ವಿಕಾರವಾಗಿ ಬೆಳೆಯುತ್ತವೆ ಮತ್ತು ಅವುಗಳ ಆಕಾರವನ್ನು ಕಳೆದುಕೊಳ್ಳುತ್ತವೆ.
- ಕೊಯ್ಲಿಗೆ ಸಿದ್ಧವಾಗುವ ಮೊದಲೇ ಎಳವೆಯಲ್ಲೇ ಉದುರಿಹೋಗಬಹುದು.
- ಇದರಿಂದ ತೆಂಗಿನ ತಿರುಳು ಮತ್ತು ಸಿಪ್ಪೆಯ ನಾರಿನ ಗುಣಮಟ್ಟ ಬಹಳ ಕಡಿಮೆಯಾಗುತ್ತದೆ.
ಇವುಗಳಲ್ಲಿ ಸಹ ಕಾಣಬಹುದು
ತೆಂಗು
ರೋಗಲಕ್ಷಣಗಳು
ರೋಗ ದಾಳಿಯ ಮೊದಲ ಚಿಹ್ನೆಗಳು ಚಿಕ್ಕ, ತಿಳಿ ಹಳದಿ ಅಥವಾ ಬಿಳಿ ತ್ರಿಕೋನ ಕಲೆಗಳು. ಇವು ಚಿಕ್ಕ ಕಾಯಿಗಳ ಮೇಲೆ, ಕಾಯಿಯ ತೊಟ್ಟಿನ ಕೆಳಭಾಗದಲ್ಲಿ ಕಾಣಿಸಿಕೊಳ್ಳುತ್ತವೆ. ಕಾಯಿಗಳು ಬೆಳೆದಂತೆ, ಈ ತೇಪೆಗಳು ಕಂದು ಅಥವಾ ಕಪ್ಪು ಬಣ್ಣಕ್ಕೆ ತಿರುಗುತ್ತವೆ ಮತ್ತು ಆಳವಾದ, ಉದ್ದವಾದ ಬಿರುಕುಗಳೊಂದಿಗೆ ಒರಟಾಗುತ್ತದೆ. ಹುಳಗಳು ನಿರ್ದಿಷ್ಟ ಕಲೆಗಳನ್ನು ತಿನ್ನುವುದರಿಂದ, ಕಾಯಿ ಅಸಮಾನವಾಗಿ ಬೆಳೆಯುತ್ತದೆ, ಇದು ಚಿಕ್ಕದಾಗಿ ಅಥವಾ ವಿರೂಪಗೊಂಡಂತೆ ಕಾಣುತ್ತದೆ. ಅನೇಕ ಸಂದರ್ಭಗಳಲ್ಲಿ, ಎಳೆಯ ಕಾಯಿಗಳು ಮರದಿಂದ ಬೇಗನೆ ಉದುರಬಹುದು. ಕೊಯ್ಲು ಮಾಡಿದ ಕಾಯಿಗಳಲ್ಲಿ ಕೊಬ್ಬರಿ ಪ್ರಮಾಣ ಕಡಿಮೆ ಇರುತ್ತದೆ ಮತ್ತು ಸಿಪ್ಪೆಯ ನಾರು ಹಾನಿಗೊಳಗಾಗಿರುತ್ತದೆ ಮತ್ತು ಬಳಸಲು ಕಷ್ಟವಾಗುತ್ತದೆ.
ಶಿಫಾರಸುಗಳು
ಜೈವಿಕ ನಿಯಂತ್ರಣ
ಕಾಯಿಗಳ ತೊಟ್ಟಿನ ಅಡಿಯಲ್ಲಿರುವ ಹುಳಗಳನ್ನು ನೈಸರ್ಗಿಕವಾಗಿ ಬೇಟೆಯಾಡಿ ತಿನ್ನುವ ಸಹಾಯಕ ಪರಭಕ್ಷಕ ಹುಳಗಳನ್ನು ಬಳಸುವುದು ಒಂದು ಆಯ್ಕೆಯಾಗಿದೆ. ಕೆಲವು ರೀತಿಯ ಪ್ರಯೋಜನಕಾರಿ ಶಿಲೀಂಧ್ರಗಳನ್ನು ಸಹ ಬಳಸಬಹುದು; ಇವು ಹುಳಗಳ ಮೇಲೆ ಬೆಳೆಯುತ್ತವೆ ಮತ್ತು ಅವುಗಳನ್ನು ನೈಸರ್ಗಿಕವಾಗಿಯೇ ಕೊಲ್ಲುತ್ತವೆ. ಬೇವು ಅಥವಾ ಬೆಳ್ಳುಳ್ಳಿಯಿಂದ ತಯಾರಿಸಿದ ನೈಸರ್ಗಿಕ ದ್ರಾವಣಗಳನ್ನು ಬೆಳೆಯುತ್ತಿರುವ ಕಾಯಿಯ ತೊಟ್ಟಿನ ಮೇಲೆ ಸಿಂಪಡಿಸಬಹುದು. ಇದು ನಿವಾರಕವಾಗಿ ಕಾರ್ಯನಿರ್ವಹಿಸುತ್ತದೆ ಮತ್ತು ಹುಳಗಳ ತಿನ್ನುವ ಸಾಮರ್ಥ್ಯವನ್ನು ನಿಧಾನಗೊಳಿಸುತ್ತದೆ. ಕಾಯಿಗಳು ರೂಪುಗೊಳ್ಳಲು ಪ್ರಾರಂಭಿಸಿದ ತಕ್ಷಣ ಈ ವಿಧಾನಗಳನ್ನು ಪ್ರಾರಂಭಿಸಿದಾಗ ಹೆಚ್ಚು ಪರಿಣಾಮಕಾರಿಯಾಗಿರುತ್ತದೆ.
ರಾಸಾಯನಿಕ ನಿಯಂತ್ರಣ
ಜೈವಿಕ/ಪರಿಸರ ಸ್ನೇಹಿ ಚಿಕಿತ್ಸೆಗಳೊಂದಿಗೆ ತಡೆಗಟ್ಟುವ ಕ್ರಮಗಳನ್ನು ಹೊದಿರುವ ಸಂಯೋಜಿತ ವಿಧಾನವನ್ನು ಯಾವಾಗಲೂ ಪರಿಗಣಿಸಿ. ಈ ಹುಳಗಳನ್ನು ದ್ರವಗಳೊಂದಿಗೆ ನಿಯಂತ್ರಿಸುವುದು ಒಂದು ಸವಾಲಾಗಿದೆ ಏಕೆಂದರೆ ಅವು ತೊಟ್ಟಿನ ಮರೆಯಲ್ಲಿ, ಕಿರಿದಾದ ರಂಧ್ರಗಳಲ್ಲಿ ಅಡಗಿರುವುದರಿಂದ ದ್ರವ ರೂಪದ ಔಷಧಗಳು ಅವುಗಳನ್ನು ತಲುಪುವುದು ಕಷ್ಟ. ಯಾವುದೇ ಚಿಕಿತ್ಸೆಯು ಕೆಲಸ ಮಾಡಲು, ಸಿಂಪಡಣೆಯನ್ನು ನೇರವಾಗಿ ಮರದ ಸುಳಿ ಮತ್ತು ಎಳೆಯ ಕಾಯಿಗಳ ಗೊಂಚಲುಗಳ ಮೇಲೆ ಮಾಡಬೇಕು. ಸಂಖ್ಯೆ ಬೆಳೆಯುವುದನ್ನು ತಡೆಯಲು ರೋಗ ಹರಡುವ ಮೊದಲೇ ಅಂದರೆ ವರ್ಷದ ಆರಂಭದಲ್ಲೇ ಕ್ರಮ ಕೈಗೊಳ್ಳುವುದು ಉತ್ತಮ. ಕೇವಲ ಒಂದು ವಿಧಾನದ ಮೇಲೆ ಅವಲಂಬಿತವಾಗದೆ ವಿವಿಧ ವಿಭಿನ್ನ ನಿರ್ವಹಣಾ ವಿಧಾನಗಳನ್ನು ಬಳಸುವುದು ಉತ್ತಮ. ಏಕೆಂದರೆ ಇದು ಕಾಲಾನಂತರದಲ್ಲಿ ರೋಗವನ್ನು ನಿರ್ವಹಿಸಲು ಕಷ್ಟವಾಗದಂತೆ ತಡೆಯುತ್ತದೆ.
ಅದಕ್ಕೆ ಏನು ಕಾರಣ
ಇದು ಕಣ್ಣಿಗೆ ಕಾಣದಷ್ಟು ಅತ್ಯಂತ ಸಣ್ಣದಾದ, ಕ್ಯಾರೆಟ್ ಆಕಾರದ ನುಸಿಗಳಿಂದ ಉಂಟಾಗುತ್ತದೆ. ಇವು ಗುಪು ಗುಂಪಾಗಿ ತೆಂಗಿನ ಕಾಯಿಯ ತೊಟ್ಟಿನ ಒಳಗೆ ಅಡಗಿಕೊಂಡು ಎಳೆಯ, ಮೃದು ಭಾಗಗಳಿಂದ ರಸವನ್ನು ಹೀರುತ್ತವೆ. ಈ ಹುಳಗಳು ಬಹಳ ವೇಗದ ಜೀವನಚಕ್ರವನ್ನು ಹೊಂದಿವೆ. ಪ್ರತಿ 7 ರಿಂದ 10 ದಿನಗಳಿಗೊಮ್ಮೆ ಹೊಸ ಪೀಳಿಗೆಯನ್ನು ಹುಟ್ಟುಹಾಕುವುದರಿಂದ ಇವುಗಳ ಸಂಖ್ಯೆ ವೇಗವಾಗಿ ಹೆಚ್ಚುತ್ತದೆ. ಗಾಳಿ, ಪಕ್ಷಿಗಳು ಮತ್ತು ಕೀಟಗಳ ಮೂಲಕ ಇವು ಒಂದು ಮರದಿಂದ ಮತ್ತೊಂದು ಮರಕ್ಕೆ ಸುಲಭವಾಗಿ ಹರಡುತ್ತವೆ. ಅವು ವರ್ಷಪೂರ್ತಿ ಇರುತ್ತವಾದರೂ, ಶುಷ್ಕ ಹವಾಮಾನದಲ್ಲಿ ಅಥವಾ ಹೆಚ್ಚಿನ ಆರ್ದ್ರತೆಯ ಸಮಯದಲ್ಲಿ ಅವು ಹೆಚ್ಚಿನ ಹಾನಿಯನ್ನುಂಟುಮಾಡುತ್ತವೆ.
ಮುಂಜಾಗ್ರತಾ ಕ್ರಮಗಳು
- ನೈಸರ್ಗಿಕವಾಗಿಯೇ ಹುಳಗಳಿಗೆ ನಿರೋಧಕವಾದ ತೆಂಗಿನ ಪ್ರಭೇದಗಳು ಅಥವಾ ಮಿಶ್ರತಳಿಗಳನ್ನು ಆರಿಸಿ, ನೆಡಿ.
- ಮರಗಳಿಗೆ ಸಮತೋಲಿತ ಪೋಷಕಾಂಶಗಳನ್ನು ನೀಡಿ, ಅವುಗಳಿಗೆ ಸಾಕಷ್ಟು ಸಾರಜನಕ, ರಂಜಕ ಮತ್ತು ಪೊಟ್ಯಾಸಿಯಮ್ ಸಿಗುವಂತೆ ನೋಡಿಕೊಳ್ಳಿ.
- ಮರದ ನೈಸರ್ಗಿಕ ರೋಗ ನಿರೋಧಕ ಶಕ್ತಿಯನ್ನು ಬಲಪಡಿಸಲು ಬೊರಾಕ್ಸ್ ಅಥವಾ ಜಿಪ್ಸಮ್ ನಂತಹ ಮಣ್ಣಿನ ಪೂರಕಗಳನ್ನು ಸೇರಿಸಿ.
- ಸಸ್ಯದ ಒತ್ತಡವನ್ನು ಕಡಿಮೆ ಮಾಡಲು, ವಿಶೇಷವಾಗಿ ಶುಷ್ಕ ಋತುಗಳಲ್ಲಿ ಮರಗಳಿಗೆ ಚೆನ್ನಾಗಿ ನೀರು ಹಾಕಿ.
- ಬಿದ್ದ ಎಲ್ಲಾ ಸಣ್ಣ ಕಾಯಿಗಳನ್ನು ತೆಗೆದುಹಾಕಿ ಮತ್ತು ನಾಶಮಾಡಿ.
- ಇದು ಹುಳಗಳ ಅಡಗಿರುವ ಸ್ಥಳಗಳನ್ನು ತೊಡೆದುಹಾಕುತ್ತದೆ.
- ಹುಳಗಳನ್ನು ಹೊತ್ತೊಯ್ಯುವ ಗಾಳಿಯನ್ನು ತಡೆಯಲು ತೋಟದ ಸುತ್ತಲೂ ಎತ್ತರದ ಮರಗಳು ಅಥವಾ ಗಾಳಿತಡೆಗಳನ್ನು ನೆಡಬೇಕು.
- ಸನ್ ಹೆಂಪ್ನಂತಹ (ಸೆಣಬು) ಹೊದಿಕೆ ಬೆಳೆಗಳನ್ನು ಬೆಳೆಸಬೇಕು.
- ಇದು ಮಣ್ಣನ್ನು ಸುಧಾರಿಸುತ್ತದೆ ಮತ್ತು ಸಹಾಯಕ ಕೀಟಗಳನ್ನು ಬೆಂಬಲಿಸುತ್ತದೆ.
- ಹಳದಿ ಬಣ್ಣಕ್ಕೆ ತಿರುಗುವ ಆರಂಭಿಕ ಚಿಹ್ನೆಗಳಿಗಾಗಿ ಮರದ ಮೇಲ್ಭಾಗದಲ್ಲಿರುವ ಹೊಸ ಕಾಯಿ ಗೊಂಚಲುಗಳನ್ನು ನಿಯಮಿತವಾಗಿ ಪರಿಶೀಲಿಸಿ.
ಶೇರ್ ಮಾಡು
ಪ್ಲಾಂಟಿಕ್ಸ್ ಡೌನ್ಲೋಡ್ ಮಾಡಿಕೊಳ್ಳಿ
