ಕಾಫಿ
ಕಾಫಿ ಹಣ್ಣಿನ ರೋಗ
Colletotrichum kahawae
ಶಿಲೀಂಧ್ರ
ಸಂಕ್ಷಿಪ್ತವಾಗಿ
- ಹಣ್ಣುಗಳ ಮೇಲೆ ಚಿಕ್ಕ ತೂತು.
- ಹಸಿರು ಕಾಯಿಗಳ ಮೇಲೆ ದಟ್ಟವಾದ ಗುಳಿಬಿದ್ದ ಗಾಯಗಳು.
- ಮಾಗುವ ಮುನ್ನವೇ ಕಾಯಿಗಳು ಒಣಗಿ ಗಿಡದಿಂದ ಉದುರುವುದು.
ಇವುಗಳಲ್ಲಿ ಸಹ ಕಾಣಬಹುದು
ಕಾಫಿ
ರೋಗಲಕ್ಷಣಗಳು
ಕಾಯಿಗಳ ಮೇಲೆ ದಟ್ಟ ಗುಳಿಬಿದ್ದ ಗಾಯಗಳು ಮೂಡಿ ಕಾಯಿಗಳು ಮಾಗುವ ಮುನ್ನವೇ ಒಣಗಿ ಉದುರಲು ಕಾರಣವಾಗುತ್ತದೆ. ಕೆಲವೊಮ್ಮೆ ಇದು ಎಲೆಗಳನ್ನೂ ಬಾಧಿಸುತ್ತದೆ. ಈ ರೋಗ ಗಿಡದ ಬೆಳವಣಿಗೆಯ ಎಲ್ಲಾ ಹಂತದಲ್ಲೂ ಬಾಧಿಸುತ್ತದೆ. ರೋಗ ಮೊಗ್ಗಾಗುವ ಹಂತದಲ್ಲೇ ಶುರುವಾಗಬಹುದು ಆದರೆ ರೋಗಲಕ್ಷಣಗಳು ಹಸಿರು ಕಾಯಿ ಮತ್ತು ಮಾಗಿದ ಹಣ್ಣುಗಳ ಮೇಲೆ ಮಾತ್ರ ಕಾಣಿಸಿಕೊಳ್ಳುತ್ತವೆ.
ಶಿಫಾರಸುಗಳು
ಜೈವಿಕ ನಿಯಂತ್ರಣ
ರೋಗನಿರೋಧಕ ಪ್ರಬೇಧಗಳನ್ನ ನೆಡಿ.
ರಾಸಾಯನಿಕ ನಿಯಂತ್ರಣ
ಯಾವಾಗಲೂ ಮುನ್ನೆಚ್ಚರಿಕೆ ಕ್ರಮಗಳು ಮತ್ತು ಲಭ್ಯವಿರುವ ಜೈವಿಕ ಚಿಕಿತ್ಸೆಯ ಜೊತೆಗೆ ಸಮಗ್ರವಾದ ಮಾರ್ಗವನ್ನು ಆಯ್ದುಕೊಳ್ಳಿ. ಮೊಗ್ಗಿನ ಸಮಯದಲ್ಲಿ ಮೊದಲ ಸಿಂಪಡಣೆ ಮಾಡಿ. ಶಿಲೀಂಧ್ರನಿರೋದಕವಿರುವ ಕಾಪರ್ (copper) ಅನ್ನು ತಿಂಗಳಿಗೆ ಎರಡು ಬಾರಿ ಸಿಂಪಡಿಸುವುದು ಈ ರೋಗದ ನಿಯಂತ್ರಣಕ್ಕೆ ಸಹಾಯ ಮಾಡುತ್ತದೆ. ಒಂದು ವೇಳೆ ನೀವು ಮುನ್ನೆಚ್ಚರಿಕೆ ಚಿಕಿತ್ಸೆಗಳನ್ನ ಮಾಡಿಲ್ಲವೆಂದಾದರೆ ಮೊದಲ ಲಕ್ಷಣಗಳು ಕಾಣುತ್ತಿದ್ದಂತೆ ಕ್ರಮ ತೆಗೆದುಕೊಳ್ಳಿ.
ಅದಕ್ಕೆ ಏನು ಕಾರಣ
ಈ ರೋಗಕ್ಕೆ ಕಾರಣ ಕಲೆಟೋಟ್ರಿಚಮ್ ಕಹಾವೇ (Colletotrichum kahawae) ಎನ್ನುವ ಶಿಲೀಂಧ್ರ. ಮಳೆನೀರು ಸಿಡಿಯುವ ಮೂಲಕ, ಕಾಫಿ ತಿನ್ನುವ ಹಕ್ಕಿಗಳ ಮೂಲಕ ಮತ್ತು ರೋಗ ಹಿಡಿದ ಹಣ್ಣುಗಳು ಚಲಿಸುವ ಮೂಲಕ ಈ ರೋಗ ಹರಡುತ್ತದೆ. ಇದೊಂದು ಗಂಭೀರ ರೋಗವಾಗಿದ್ದು ಇಳುವರಿಯ 80%ರಷ್ಟನ್ನ ಕಡಿಮೆ ಮಾಡಬಹುದು.
ಮುಂಜಾಗ್ರತಾ ಕ್ರಮಗಳು
- ಸ್ವಚ್ಛವಾಗಿ ಮತ್ತು ಸಮಯಕ್ಕೆ ಸರಿಯಾಗಿ ಕೊಯ್ಲು ಮಾಡಿ.
- ಆಯಾ ಪ್ರಭೇದಕ್ಕೆ ಅನುಗುಣವಾಗಿ ಸಲಹೆಯ ಪ್ರಕಾರ ಅಂತರವನ್ನ ಅನುಸರಿಸಿ.
- ಸುಗ್ಗಿಯಲ್ಲದ ಕಾಲದಲ್ಲಿ ಮೂಡುವ ಕಾಯಿಗಳನ್ನ ಮತ್ತು ಚಿಗುರುಗಳನ್ನ ತೆಗೆಯಿರಿ.
- ರೋಗ ಹರಡುವುದನ್ನ ಕಡಿಮೆ ಮಾಡಲು ನೀರು ನಿಲ್ಲದಂತೆ ನೋಡಿಕೊಳ್ಳಿ.
- ಹಳೇ ಕಾಂಡಗಳನ್ನ ತೆಗೆಯಿರಿ ಮತ್ತು ರೋಗ ಹಿಡಿದ ಕಾಯಿಗಳನ್ನ ಕಿತ್ತು ಹಾಕಿ.
- ಅಥವಾ ರೋಗದ ಮೂಲಗಳನ್ನ ಕಡಿಮೆ ಮಾಡಿ.
- ಎಲೆಗಳ ನಡುವೆ ಹೆಚ್ಚಾಗಿ ಗಾಳಿಯಾಡಲು ಕಾಫಿಗಿಡಗಳನ್ನ ಸವರಿ.
ಶೇರ್ ಮಾಡು
ಪ್ಲಾಂಟಿಕ್ಸ್ ಡೌನ್ಲೋಡ್ ಮಾಡಿಕೊಳ್ಳಿ
