లీఫ్-ఫుట్ నల్లి

దీనికి కారణమేమిటి?

లీఫ్-ఫుట్ బగ్స్ అనేవి చదునుగా, ఆకు ఆకారంలో ఉండి వెనుక కాళ్లను కలిగి ఉండే కీటకాలు.. ఇవి మధ్యస్థ పరిమాణంలో ఉంటాయి. సాధారణంగా 20 మి.మీ పొడవు ఉంటాయి. ఇవి సాధారణంగా గోధుమరంగు లేదా ఆకుపచ్చ రంగులో ఉంటాయి మరియు పండ్లు, కూరగాయలు మరియు గింజలు వంటి మొక్కల రసాన్ని తింటాయి. ఆడ పురుగు మొక్కలపై గుడ్లు పెట్టినప్పుడు లీఫ్ ఫుట్ నల్లి యొక్క జీవిత చక్రం ప్రారంభమవుతుంది. గుడ్లు సుమారు 1.4 మి.మీ పొడవు, ఓవల్ ఆకారంలో, కాంస్య నుండి ముదురు గోధుమ రంగులో ఉంటాయి ఇవి వరుసలలో గుడ్లు పెడతాయి. గుడ్లు చిన్న పిల్లలుగా పొడగబడతాయి. ఇవి పెద్ద పురుగులపోలికలతో ఉంటాయి. ఇవి పెద్దవి కావడానికి ముందు అనేక రకాలుగా రూపాంతరం చెందుతాయి. ప్రతి రూపాంతరం సమయంలో, పిల్ల పురుగు తన పాత చర్మాన్ని విసర్జిస్తుంది మరియు కొత్త చర్మం పెరుగుతుంది. ఇవి పెరిగేకొద్దీ, పెద్ద పురుగులు వలే కనిపించడం ప్రారంభిస్తాయి మరియు వాటి రెక్కలు వృద్ధి చెందుతాయి. లీఫ్ ఫుట్ నల్లులు పెద్ద పురుగులుగా మారిన తర్వాత అవి జతకట్టి గుడ్లు పెడతాయి. ఆలా మళ్లీ వాటి జీవిత చక్రం ప్రారంభమవుతుంది. లీఫ్ ఫుట్ నల్లులు వాతావరణం మరియు ఆహార లభ్యతను బట్టి సంవత్సరానికి అనేక తరాలను కలిగివుంటాయి. వర్షాలు ఎక్కువగా కురిసినప్పుడువీటి వల్ల ఇబ్బందులు తలెత్తే అవకాశం ఉంది. పెద్ద పురుగులు చనిపోయిన మొక్కలు లేదా రక్షక కవచం కింద దాగి ఉండి చలికాలం గడిపిన తర్వాత వసంతకాలంలో బయటకు వస్తాయి. శీతాకాలంలో వాతావరణం వెచ్చగా ఉంటే, ఎక్కువ పెద్ద కీటకాలు మనుగడ సాగిస్తాయి మరియు మరిన్ని సమస్యలను కలిగిస్తాయి. కొన్ని రకాల లీఫ్ ఫుట్ నల్లులు కలుపు మొక్కలపై మాత్రమే పునరుత్పత్తి చేస్తాయి, మరికొన్ని రకాల నల్లులు కూరగాయలపై పునరుత్పత్తి చేస్తాయి. ఈ కీటకాలతో పండ్ల నష్టం ప్రధాన సమస్య మరియు పండ్లు ఏర్పడటం ప్రారంభించిన సమయంలో అవి సమస్యలను కలిగిస్తాయి.