ద్రాక్ష

ద్రాక్షలో చేదు కుళ్ళు వ్యాధి

Greenaria uvicola

శీలీంధ్రం

మీ పంట వ్యాధులను నయం చేయండి

ఒక ఫోటో తీయండి

వ్యాధి నిర్ధారణను చూడండి

మందును పొందండి

ప్లాంటిక్స్ యాప్ ని డౌన్‌లోడ్ చేసుకోండి

క్లుప్తంగా

పరిపక్వత చెందిన పండ్లపై ముదురు రంగు గాయాలు.
క్రమరహిత పరిమాణంలో ఉన్న మసి లాంటి నల్లటి పండ్లు.
చేదు మరియు బూజు లాంటి రుచి.

లో కూడా చూడవచ్చు

1 పంటలు

ద్రాక్ష

లక్షణాలు

బెర్రీలపై చాలా స్పష్టమైన లక్షణాలు కనిపిస్తాయి. ప్రారంభ లక్షణంగా, పక్వానికి వచ్చిన పండ్లలో గోధుమరంగు, నీటిలో తడిసినట్టు వున్న గాయం కనిపిస్తుంది. పండ్లు పండినప్పుడు సంక్రమణకు గురవుతాయి. పండ్లు సంక్రమణకు గురైన తర్వాత అవి మెత్తగా మారుతాయి మరియు చిన్న ఫంగల్ ఫలాల నిర్మాణాలు ఉపరితలంపై కేంద్రీకృత వలయాలుగా ఏర్పడతాయి. గాయం కేంద్రీకృత వలయాలలో త్వరగా వ్యాపిస్తుంది మరియు మొత్తం పండు తక్కువ వ్యవధిలో ప్రభావితమవుతుంది. లేత రంగు పండ్లకు సోకినప్పుడు, అవి గోధుమ రంగులోకి మారుతాయి. 2 నుండి 3 రోజుల తరువాత, నల్లటి పొక్కుల వలన బెర్రీ యొక్క పైతొక్క చీలిపోతుంది. తేమతో కూడిన పరిస్థితులలో, ఈ పొక్కులు కలిసిపోయి పండు ఉపరితలంపై క్రమరహిత బొబ్బలు ఏర్పడతాయి. పండు యొక్క పైతొక్క చిరిగిపోతుంది మరియు నల్ల తెగులు మరియు ఫిలోస్టిక్టా ఆంపెలిసిడా లాంటి వ్యాధులు సోకినప్పుడు అయ్యే విధంగా నల్ల మమ్మీలుగా పండు మారిపోతుంది. చిన్న రెమ్మలు మరియు పండ్ల సమూహాల కాడలపై కూడా లక్షణాలు వృద్ధి చెందుతాయి, కానీ తక్కువ స్పష్టంగా ఉంటాయి. వ్యాధి సోకిన ఆకులపై చిన్న, గుంతలు పడినట్టు వుండే పసుపు రంగు వలయంతో కూడిన ఎర్రటి గోధుమ రంగు మచ్చలు కనిపిస్తాయి. రెమ్మలు, ఆకు కాడలు మరియు పూరెమ్మలకు కూడా ఈ బీజాంశం సోకుతుంది. పూరెమ్మలకు ఈఫంగస్ సోకినప్పుడు పండ్లు పక్వానికి వచ్చే వరకు క్రియారహితంగా ఉండవచ్చు.

సిఫార్సులు

సేంద్రీయ నియంత్రణ

చేదు కుళ్ళు తెగులు సంభవాన్ని తగ్గించడానికి నూనెలు, ఫాస్ఫరస్ ఆమ్లం, పొటాషియం బై-కార్బోనేట్, పొటాషియం మోనోఫాస్ఫేట్, ఆక్సిడేట్, కంపోస్ట్ టీ వంటి సేంద్రీయ లేదా తక్కువ రిస్క్ వుండే సమ్మేళనాలను ఉపయోగించవచ్చు.

రసాయన నియంత్రణ

అందుబాటులో ఉంటే జీవసంబంధమైన చికిత్సలతో పాటు నివారణా చర్యలతో కూడిన సమగ్ర సస్యరక్షణ విధానాన్ని ఎల్లప్పుడూ పరిగణలోకి తీసుకోండి. వెచ్చని సీజన్ లో, ముఖ్యంగా సందేహాస్పద సాగు రకాలతో, పువ్వులు వికసించినప్పటి నుండి పండ్లు కోసేవరకు శిలీంద్ర నాశినులతో పంటను రక్షించండి. వేసవి ప్రారంభం నుండి మధ్య వేసవి వరకు డౌనీ బూజు తెగులు మరియు నల్ల కుళ్ళు తెగులు వంటి ఇతర వ్యాధులను లక్ష్యంగా చేసుకుని శిలీంద్ర నాశినులతో పిచికారీలతో ద్వారా ఈ వ్యాధిని నియంత్రించవచ్చు. పొలంలో మరియు స్టోరేజ్‌లో సమర్థవంతమైన నియంత్రణ కోసం, ఐప్రొడియన్ 75 డబ్ల్యుజి (0.2%), బిట్టర్‌టనాల్ 25 డబ్ల్యుపి (0.1%) మరియు థియోఫనేట్ మిథైల్ (0.1%) లను పిచికారి చేయండి.

దీనికి కారణమేమిటి?

గ్రీన్రియా యువికోలా అనే ఫంగస్ వల్ల నష్టం సంభవిస్తుంది, ఇది ద్రాక్షతోటలో, దాదాపు ఏ మొక్క అవశేషాలపైనా అయినా, ముఖ్యంగా బెర్రీ మమ్మీలపై, జీవించి ఉంటుంది. మొక్కల చెత్తపై పెరుగుతున్న ఫంగస్ కణజాలం బీజాంశాలను ఉత్పత్తి చేస్తుంది. వెచ్చని, తేమ మరియు వర్షపు పరిస్థితులు వంటి వాతావరణ పరిస్థితులు ఫంగస్ పెరుగుదల మరియు బీజాంశం ఏర్పడటానికి అనుకూలంగా ఉంటాయి. బీజాంశం ఆరోగ్యకరమైన బెర్రీని తాకిన తర్వాత ఒక వారం తర్వాత బెర్రీలపై లక్షణాలు గమనించబడతాయి మరియు ద్రాక్ష పండ్లకు గాయమైతే ఇంకా ముందుగానే లక్షణాలు కనపడతాయి. సాధారణంగా ఇవి తక్కువ ఉష్ణోగ్రతలలో చురుకుగా ఉంటాయి. పండ్లపై ఉండే బీజాంశం వర్షపు తుంపర్ల ద్వారా ఇతర పండ్లకు వ్యాపించి తదుపరి సంక్రమణాలకు కారణం కావచ్చు. చేదు కుళ్ళు తెగులు తరచుగా నల్ల తెగులుగా పొరబడేట్టట్టు చేస్తుంది; అయితే, నల్ల తెగులు కలిగించే ఫంగస్ అపరిపక్వ పండ్లకు సోకుతుంది, అయితే చేదు తెగులు కలిగించే ఫంగస్ పక్వానికి వచ్చిన పండ్లకు సోకుతుంది.

నివారణా చర్యలు

అందుబాటులో ఉన్న చోట నిరోధక సాగు రకాలు లేదా ఆలస్యంగా పరిపక్వతకు వచ్చే సాగులను ఉపయోగించండి.
మంచి గాలి ప్రసరణ మరియు కాంతిని ప్రోత్సహించడానికి కలుపు మొక్కలు మరియు పీల్చే మొక్కలను నియంత్రించండి.
ఏకరీతి ఆకు అభివృద్ధి కోసం సరైన కత్తిరింపు మరియు రెమ్మలను ఉంచడం లేదా తొలగించడాన్ని సాధన చేయండి.
సాధ్యమైతే గాలి వీచే దిశలో వరుసలను నాటండి.
బెర్రీలు గాయపడకుండా ఉండడానికి కీటకాలు, పక్షులు మరియు ఇతర ద్రాక్ష వ్యాధులను నియంత్రించాలి.
మీ ద్రాక్షతోటలో మంచి పరిశుభ్రతను పాటించండి.
తీగలు నుండి మమ్మీగా మారిన ద్రాక్ష పండ్లను తొలగించండి.
శిలీంధ్రాల వలన కలిగే నష్టాన్ని పరిమితం చేయడానికి మొక్కల అవశేషాలను తొలగించి నాశనం చేయండి.
బీజాంశాల సంఖ్యను గణనీయంగా తగ్గించడానికి పాత కొమ్మలు, తీగలు మరియు ఇతర మొక్కల భాగాలను కత్తిరించి నాశనం చేయండి.
పందిరి నుండి మమ్మీలను (రాసిన్ లాంటివి, పండ్ల గట్టి అవశేషాలు) తొలగించడం ద్వారా ద్రాక్షతోటలో గాలి ప్రసరణను పెంచండి.
గాలి ప్రవాహాన్ని పెంచడానికి మరియు ఆకు తడి వ్యవధిని తగ్గించడానికి సీజన్‌లో పందిరిని సరిగా నిర్వహించండి.
వ్యూహాత్మక ఆకు కత్తిరింపు, ఆకులు పొడిగా అయ్యే సమయాన్ని తగ్గిస్తుంది.