ప్రత్తి

తడి వాతావరణంలో ప్రత్తిలో ఎండు తెగులు

Ascochyta gossypii

శీలీంధ్రం

మీ పంట వ్యాధులను నయం చేయండి

ఒక ఫోటో తీయండి

వ్యాధి నిర్ధారణను చూడండి

మందును పొందండి

ప్లాంటిక్స్ యాప్ ని డౌన్‌లోడ్ చేసుకోండి

క్లుప్తంగా

గుండ్రని లేత గోధుమరంగు లేదా తెల్లని చుక్కలు విత్తనం నుండి వచ్చిన మొదటి ఆకులు మరియు మొలకల క్రింది భాగంలోని ఆకులపైన ఏర్పడతాయి.
పక్వానికి వచ్చిన ఆకులపైన ముదురు గోధుమ రంగు అంచులతో టాన్ రంగు మచ్చలు మరియు పొడవుగా వున్న నల్లని లేదా బూడిద రంగు పొక్కులు కాండంపైన ఏర్పడతాయి.
ఇవి పువ్వులపైన దాడి చేయవు కానీ ప్రత్తి కాయలు సగం తెరుచుకుని లోపల ప్రత్తి రంగు మారిపోతుంది.

లో కూడా చూడవచ్చు

1 పంటలు

ప్రత్తి

లక్షణాలు

అస్కోచ్యత ఎండు తెగులు సాధారణంగా సీజన్ మొదట్లో సంక్రమిస్తుంది. గుండ్రని లేత గోధుమ రంగు లేదా తెల్లని చుక్కలు మొలకల మొదటి ఆకులపైన మరియు మొలకల క్రింది ఆకులపైన ఏర్పడతాయి. ఈ మచ్చలు బాగా పెద్దది అయ్యి వంగ పండు- గోధుమ రంగు అంచులు కలిగి ఉంటాయి. తరువాత ముదురు ఆకులపైన ముదురు గోధుమ రంగు అంచుతో రాగి రంగు మచ్చలు ఏర్పడతాయి. ఈ మచ్చలు ఒకదానితో మరొకటి కలసిపోయి చాలా అధికంగా రాగి మచ్చలు ఏర్పడతాయి. ఈ మచ్చల మధ్య భాగం లేత గోధుమ లేదా బూడిద రంగులోకి మారి పేపర్ వలే అయిపోయి చివరకు రాలిపోతాయి. చాలా రోజుల వరకూ మబ్బులు మరియు తేమ వాతావరణం వున్న సమయంలో పొడవుగా వున్న నల్లని లేదా బూడిద రంగు పొక్కులు కాండంపైన కనపడతాయి. ఇక్కడ కూడా చిన్న చిన్న నల్లని పొక్కులు ఈ మచ్చలపైన కనిపిస్తాయి. కొన్నాళ్లకు ఈ పొక్కులు ఎండిపోయి చీలికలు ఏర్పడి కాండం చుట్టూ ఏర్పడతాయి. ఈ తెగులు పువ్వులపైన దాడి చేయదు. కానీ ప్రత్తి కాయలు సగం తెరుచుకుని లోపల ప్రత్తి బూడిద రంగులోకి మారిపోతుంది.

సిఫార్సులు

సేంద్రీయ నియంత్రణ

ఇప్పటివరకు ఈ తెగులుకు ఎటువంటి జీవన నియంత్రణ చికిత్స అందుబాటులో లేదు. బోర్డెయక్స్ మిశ్రమం వంటి కాపర్ ఆధారిత శీలింద్ర నాశినులు వాడి ఈ తెగులు విస్తరించకుండా చేయవచ్చు. గమనిక, ఇది మొక్కలలో విషపూరిత స్పందన కలగచేయవచ్చు.

రసాయన నియంత్రణ

వీలైనంతవరకు ఎల్లపుడూ నివారణ చర్యలతో కూడిన జీవపరమైన సమీకృత సమగ్ర సస్యరక్షణ విధానాన్నిపరిగణలోకి తీసుకోండి. నాటే ముందు తీరం లేదా తీరం + థియాబెండజోల్ తో విత్తన శుద్ధిని చేయవచ్చు. మొక్కలు అప్పటికే ఎదిగి ఉంటే నివారణ చర్యగా క్లోరోతలోనిల్ ఆధారిత ఆకుల పిచికారీను ఉపయోగించవచ్చు. ఈ తెగులును గుర్తించిన వెంటనే ఆకులపైన శీలింద్ర నాశినులను ఒకదాని తర్వాత ఇంకొకటి మార్చి మార్చి వాడడం సిఫార్స్ చేయబడినది. (బొస్కలిడ్, మాంకోజెబ్, పైరాక్లోస్ట్రోబిన్ + ఫ్లూక్సాపైరోక్సడ్). దిగుబడి నష్టాలను తగ్గించడానికి మొక్కల ఎదుగుదల దశ మొత్తం ఈ మందులను వాడవలసివుంటుంది.

దీనికి కారణమేమిటి?

అస్కోచ్యత ఎండు తెగులు ప్రత్తి పండించే చాలా ప్రాంతాలలో కనిపిస్తుంది. ఈ తెగులు అస్కోచ్యత గోస్సిప్పి అనే ఫంగస్ వలన కలుగుతుంది. అనుకూల పరిస్థితులలో ఇది పంట అవశేషాల పైన చాలా సంవత్సరాలవరకు జీవిస్తుంది. ఇది గాలి ద్వారా మరియు వర్షం ద్వారా వ్యాప్తి చెందే బీజాంశాలను కొన్ని కిలోమీటర్ల దూరం వరకు వ్యాపింపచేస్తుంది. చల్లని, మేఘాలతో కూడిన మరియు వర్షపు వాతావరణ పరిస్థితులు, అధిక తేమ, ఉదయం పూట మంచు. మరియు అధిక సమయం ఆకులపైన తేమ (2 గంటలు లేదా అంతకన్నా ఎక్కువ సమయం) ఈ తెగులు విస్తరించడానికి అనుకూలంగా ఉంటుంది. ఈ ఫంగస్ 5-30°C ఉష్ణోగ్రతల వద్ద కూడా బాగా వృద్ధి చెందుతుంది. కానీ 15-25°C మధ్యన దీని ఎదుగుదలకు బాగా అనుకూలమైన ఉష్ణోగ్రతగ ఉంటుంది. పరిస్థితులు అనుకూలంగా ఉంటే మొక్కలు ఎదిగే దశలో చాలా సార్లు ఈ తెగులు సంభవించే అవకాశం ఉంటుంది. దీనివలన చాలా వరకూ దిగుబడిలో నష్టం కలగదు. కానీ దీనికి అనుకూల పరిస్థితులలో దిగుబడి నష్టం కలిగే అవకాశం ఉంటుంది.

నివారణా చర్యలు

అందుబాటులో ఉంటే ఈ తెగులును తట్టుకునే రకాలను వాడండి.
ధ్రువీకరించబడిన తెగులు సోకని విధానాలను మాత్రమే వాడండి.
ప్రత్యామ్న్యాయంగా ఆరోగ్యకరమైన పొలంలో నుండి సేకరించిన విత్తనాలనే వాడండి.
మొక్కలు గుబురుగా పెరగకుండా ఉండడానికి సిఫార్స్ చేసిన మోతాదులలో విత్తనాలను వేయండి.
సీజన్లో ఆలస్యంగా విత్తనాలను నాటి ఈ తెగులు వలన మొక్కలు అధికంగా నష్టపోకుండా నివారించండి.
ఈ తెగులు లక్షణాలకోసం పొలాన్ని క్రమం తప్పకుండ గమనిస్తూ వుండండి.
పొలంలో మరియు పొలం చుట్టూ ప్రక్కల తెగులు సోకిన మొక్కలు, స్వచ్చందంగా వచ్చిన మొక్కలు మరియు కలుపు మొక్కలను తొలగించండి.
పొలంలో మంచి పరిశుభ్రతను పాటించండి ( ఉదాహరణకు పనిముట్లను శుభ్రం చేయడం, బట్టలు శుభ్రం చేయడం వంటివి) అధిక మోతాదులో మరియు పైనుండి నీరు పెట్టవద్దు.
ఆకులపైన తడిగా వున్నప్పుడు పొలంలో పనిచేయవద్దు.
ఎంత త్వరగా వీలైతే అంత త్వరగా పంట కోతలు పూర్తి చేయండి.
పంట అవశేషాలను పొలంలో బాగా లోతుగా పూడ్చిపెట్టండి లేదా వాటిని తొలగించి కాల్చివేయండి.
ఈ తెగులు సంక్రమించని పంటలతో 2 లేదా 3 సంవత్సరాలకు ఒకసారి పంట మార్పిడి చేయండి.

Demand Creation — reach farmers at diagnosis

Work in crop protection, seeds or fertilizer?

This page is powered by millions of live Plantix diagnoses. Reach farmers at the exact moment they diagnose తడి వాతావరణంలో ప్రత్తిలో ఎండు తెగులు with Demand Creation, part of Plantix Intelligence.