போரான் பற்றாக்குறை

அறிகுறிகள்

பயிர் மற்றும் வளர்ந்து வரும் நிலைமைகள் பொறுத்து அறிகுறிகள் மாறுபடும். ஆனால் பொதுவாக இவை புதிதாக வளருபவற்றில் மட்டுமே காணப்படும். ஆரம்ப அறிகுறிகளாக பொதுவாக இளம் இலைகளில் நிறமாற்றம் மற்றும் தடித்தல் ஆகியவை ஏற்படும். இலைகள் மஞ்சள் நிறமாகுவது நரம்புகளுக்கிடையே சீராகவோ, அல்லது பரவலாகவோ இருக்க கூடும், மேலும் முக்கிய நரம்பை நெருங்குகையில் இது படிப்படியாக மறையும். இலைகள் மற்றும் தளிர்களின் அருகே இருக்கும் தண்டுப்பகுதி நொறுங்க கூடியதாகவும், அதனை வளைத்தால் எளிதில் உடையக்கூடியதாகவும் காணப்படும். இலைகள் மடிப்பாக மாறக்கூடும் (நரம்புகளுக்கு இடையேயான பகுதிகளில் சற்று அதிகமாய் காணப்படும்). மேலும் நுனி மற்றும் குறுக்கு மடல்கள் கீழே சுருண்டு கொள்ளும். சில சந்தர்ப்பங்களில், இலை நரம்புகள் தடிமனாகவும், உயர்த்தப்பட்டதாகவும், இலை காம்புகள் சுருண்டும் காணப்படும். கணுவிடைப்பகுதி குட்டையாகவும், முகடுகளின் அருகே அடர்ந்த இலைகளையும் உருவாக்குகிறது. நோயின் தாக்கம் அதிகரிக்கும் போது, இதன் குறைப்பாடு வளரும் பகுதிகளில் சிதைவுகளை ஏற்படுத்தும். சேமிப்பு வேர்கள் பெரும்பாலும் குறுகிய மற்றும் மழுங்கிய முனைகளுடன் காணப்படும், மேலும் குறைபாடு அதிகரிக்கும் போது, பிளவுகளும் ஏற்படும்.