புகையிலை
பூஞ்சை கொசுப்பூச்சிகள்
Bradysia matogrossensis
பூச்சி
சுருக்கமாக
- சிறிய, கொசு போன்ற பூச்சிகள் தென்படும்.
- புகையிலைப் பயிர்களின் நாற்றுகள் வாடிப்போகும்.
- இது அடிக்கடி நாற்றுப் பண்ணைகளில் பிரச்சனையாக இருக்கிறது.
இதிலும் கூடக் காணப்படும்
புகையிலை
அறிகுறிகள்
உங்கள் புகையிலை நாற்றுப் பண்ணையில் பூஞ்சை கொசுக்கள் இருக்கிறதா என்று பார்க்க: நாற்றுகளுக்கு மேல் உங்கள் கையை மெதுவாக அசைத்தால் சிறிய கருப்பு நிற கொசு போன்ற பூச்சிகள் பறந்துபோகும். நாற்றுகளின் வேர் மண்டலத்தில் முட்டைப்புழுக்கள் உண்ணுவதால் சேதம் ஏற்படுகிறது. இவை நாற்றுகளின் வேர்களை உண்டு, இதனால் தாவரங்கள் மோசமாக வளரும், வாடிப்போகும், மஞ்சள் நிறமாக மாறும், இலைகள் உதிரும், இறுதியில் காய்ந்துவிடும்.
பரிந்துரைகள்
இயற்கை முறையிலான கட்டுப்பாடு
உங்கள் நாற்றுகளை பேசில்லஸ் துரிஞ்சியென்சிஸ் இஸ்ரேலென்சிஸ் கொண்டு நனைக்கவும். இது முட்டைப்புழுக்களைக் கட்டுப்படுத்த உதவும்.
இரசாயன கட்டுப்பாடு
முதிர்ந்த கொசுப் பூச்சிகளைப் பார்த்ததுடன் உடனடியாக அவற்றை வேதியியல் ரீதியாக கட்டுப்படுத்த வேண்டும் என்று அர்த்தமல்ல. சிறிய எண்ணிக்கையில் இருக்கும்போது இவை பெரிய பிரச்சனைகளை ஏற்படுத்தாது. இறந்த நாற்றுகளின் எண்ணிக்கை அதிகரித்து வருவதை நீங்கள் கவனித்தால் மட்டுமே இரசாயனங்களைப் பயன்படுத்துங்கள். தெளிப்புகள் முதிர்ந்த பூஞ்சை கொசுப் பூச்சிகளைக் கட்டுப்படுத்த உதவும். பொருத்தமான பூச்சிக்கொல்லிகளை ஊறவைப்பது முட்டைப்புழுக்களை கட்டுப்படுத்த உதவும். பூச்சிக்கொல்லிகள் அல்லது ஏதேனும் இரசாயனப் பொருட்களைப் பயன்படுத்தும்போது, பாதுகாப்பு ஆடைகளை அணிவது மற்றும் லேபிளின் வழிமுறைகளை கவனமாகப் படிக்க வேண்டியது அவசியம். நாட்டிற்கு ஏற்ப விதிமுறைகள் மாறுபடும், எனவே உங்கள் பகுதிக்கான குறிப்பிட்ட வழிகாட்டுதல்களைப் பின்பற்றுவதை உறுதிசெய்யவும். இது பாதுகாப்பிற்கு உத்தரவாதம் அளிக்கும் மற்றும் வெற்றிகரமாக பயன்படுத்துவதற்கான வாய்ப்புகளை அதிகரிக்கும்.
இது எதனால் ஏற்படுகிறது
தேங்கி நிற்கும் நீர் இருக்கும் இடங்களில், குறிப்பாக இறந்த இலைகள் மற்றும் கரிமப் பொருட்கள் தேங்கும் இடங்களில் இவை செழித்து வளரும். இதனால்தான் நாற்றுகள் தண்ணீரில் மிதக்கும் தட்டுகளில் வளரும் நாற்றுப்பண்ணைகளில் பூஞ்சை கொசுக்கள் பொதுவானதாகக் காணப்படுகின்றன. முதிர்ந்த கொசுப் பூச்சிகள் மிதவைத் தட்டுகளில் முட்டையிடும், பொதுவாக நாற்றுகள் இளமையாக இருக்கும்போது, விதை முளைத்த உடனேயே முட்டையிடும். முட்டைப்புழுக்கள் சிறிய, ஒளிபுகும் தன்மையுடையதாக இருக்கும் அல்லது வெள்ளை நிறத்தில் பளபளப்பான கருப்பு தலையுடன் இருக்கும். இவற்றை இயல்பானக் கண்ணால் கண்டறிவது எளிதல்ல, ஆனால் வேர் மண்டலத்தைச் சுற்றியுள்ள மண்ணில் குட்டி குட்டி புள்ளிகள் நகர்வதைக் காணலாம்.
தடுப்பு முறைகள்
- முதிர்ந்த பூச்சிகள் பறக்கிறதா அல்லது நாற்றுகள் சேதமடைந்துள்ளதா என நாற்றுப்பண்ணைகளை ஆரம்பத்திலேயே ஆய்வு செய்யத் தொடங்குங்கள்.
- கண்காணிப்பதற்கும் கூட்டமாகப் பிடிப்பதற்கும் நீங்கள் மஞ்சள் நிற ஒட்டும் பொறிகளையும் பயன்படுத்தலாம்.
- பூச்சிகள் சிறிய உடல் அமைப்புகளைக் கொண்டிருப்பதால், இது மிகவும் உதவியாக இருக்கும்.
- குட்டைகள் எதுவும் தேங்கி இருக்காமல் இருப்பதை உறுதிப்படுத்தவும்.
- மிதக்கும் தட்டுகளைக் கொண்ட குள அமைப்புகளில் தட்டுகளுக்கு இடையில் இடைவெளி இருக்கக்கூடாது, இது பாசியின் வளர்ச்சிக்கு சாதகமாக இருப்பதால், பூச்சிகளுக்கும் உணவாகின்றன.
- தண்ணீர் தேங்காத நாற்றுப்பண்ணைகளில், அதிகப்படியான நீர்ப்பாசனத்தைத் தவிர்க்கவும்.
- அதிகப்படியாக உரமிட வேண்டாம், ஏனெனில் இது அதிகப்படியான இறந்த கரிமப் பொருட்களின் தேக்கத்தை ஏற்படுத்தி, நோய்ப்பூச்சிகளைக் கவரும்.
பகிரவும்
பிளான்டிக்ஸை பதிவிறக்கம் செய்க
