ஆப்பிள்
சான்-ஜோஸ் செதில் பூச்சி
Comstockaspis perniciosa
பூச்சி
சுருக்கமாக
- பூச்சிகள் உண்ணும் இடங்களைச் சுற்றி இலேசான பள்ளம் மற்றும் சிவப்பு முதல் ஊதா வரையிலான புள்ளிகள் காணப்படும்.
- சிறிய, சிதைந்த மற்றும் மந்தமான நிறமுள்ள வடிவங்களில் பழங்கள் உருவாகும்.
இதிலும் கூடக் காணப்படும்
ஆப்பிள்
அறிகுறிகள்
செதில் பூச்சி கிளைகள், இலைகள் மற்றும் பழங்களில் இருந்து சாற்றை உறிஞ்சும். இந்தப் பூச்சியின் உணவுப் பழக்கம் பழத்தின் மேற்பரப்பில் சிவப்பு முதல் ஊதா நிற ஒளிவட்டத்துடன் இலேசான குளிவை ஏற்படுத்தும். ஒரு தனி செதில் பூச்சியால் அதிக சேதத்தை ஏற்படுத்த முடியாது என்றாலும், ஒரு பெண் பூச்சியும் அதன் சந்ததியும் ஒரு பருவத்தில் பல ஆயிரம் செதில் பூச்சிகளை உருவாக்க முடியும். இந்தப் பூச்சிகள் குறிப்பாக பெரிய முதிர்ச்சியான மரங்களில் வாழ்கின்றன, அம்மரத்தின் எல்லா இடங்கள் மீதும் தெளிப்புகள் படுவது கடினம் ஆனால் இளம் பூச்சிக்கொல்லி தெளிக்கப்பட்ட மரங்களும் பாதிக்கப்படலாம். இவை முதன்மையாக மரத்தின் பட்டைகளில் வாழ்ந்தாலும், செதில்களின் கீழ் மற்றும் பிளவுகளில் உயிர் பிழைத்தாலும், பழத்தோட்டத்தில் உள்ள பழங்கள் மற்றும் இலைகளில் சிறிய சிவப்பு புள்ளிகள் காணப்படுவதே இதன் முதல் அறிகுறியாக இருக்கலாம். பழ சேதம் பொதுவாக பழத்தின் அடிப்பகுதியிலேயே காணப்படும். பருவத்தின் தொடக்கத்தில் இப்பூச்சியின் தொற்று ஏற்பட்டால், பழம் சிறியதாக காய்க்கும் அல்லது சிதைந்து காய்க்கும். இது தாவரங்களின் வீரியம், வளர்ச்சி மற்றும் மகசூல் ஆகியவற்றின் ஒட்டுமொத்த வீழ்ச்சிக்கும் வழிவகுக்கும்.
பரிந்துரைகள்
இயற்கை முறையிலான கட்டுப்பாடு
இரண்டு முறை குத்தப்படும் பெண் வண்டு அல்லது சைபோசெபாலஸ் கலிஃபோர்னிகஸ் போன்று சான் ஜோஸ் செதில் பூச்சிகளை உண்ணும் இயற்கை எதிரிகளை அறிமுகப்படுத்துங்கள். அத்துடன், சில சிறிய கால்சிட்கள் மற்றும் அபெலினிட் குளவிகளும் செதில் பூச்சி மீது ஒட்டுண்ணியாகப் பற்றிப் படர்ந்து அவற்றை அழிக்கும். 2% தோட்டக்கலைக்கு பயன்படுத்தும் எண்ணெயை மொட்டு வெடிப்பதற்கு முன்பு அல்லது அதற்குப் பிறகு, ஆனால் பூக்கள் மொட்டாக மாறுவதற்கு முன்பு தெளிக்கவும். அஃபிடிஸ் இனங்கள், என்கார்சியா பெர்னிசியோசி மற்றும் கோசினெல்லா இன்ஃபெர்னாலிஸ் முல்சண்ட் ஆகியவை வேட்டையாடுபவர்களாக பயன்பெறும் உயிரியல் கட்டுப்பாட்டு முகவர்களாக அங்கீகரிக்கப்பட்டுள்ளன. என்கார்சியா பெர்னிசியஸ் 2000 போன்ற ஒட்டுண்ணிகளை பாதிக்கப்பட்ட மரங்கள் இருக்கும் இடங்களில் ஒருமுறை வசந்த காலத்தில் விடுங்கள்.
இரசாயன கட்டுப்பாடு
உயிரியல் சிகிச்சைகள் கிடைத்தால், தடுப்பு நடவடிக்கைகளுடன் ஒருங்கிணைந்த அணுகுமுறையை எப்போதும் கருத்தில் கொள்ளுங்கள். பூச்சிகளின் தாமதமான செயலற்ற காலத்தில் பூச்சிக்கொல்லி மற்றும் எண்ணெயை தெளிப்பதன் மூலம் அவற்றின் அதிக மக்கள்தொகையைக் கட்டுப்படுத்தவும். ஃபெரோமோன் பொறிகளில் முதல் முதிர்ந்த பூச்சிகள் அல்லது ஒட்டும் நாடாக்களில் முதல் தவழும் பூச்சிகளை நீங்கள் கண்டால், பூச்சி வளர்ச்சிக் கட்டுப்பாட்டாளர்களான பைரிப்ராக்ஸிஃபென் அல்லது புப்ரோஃபெசின், நியோனிகோடினாய்டுகள், ஆர்கனோபாஸ்பேட்ஸ் அல்லது ஸ்பைரோடெட்ராமேட் போன்ற பூச்சிக்கொல்லிகளைப் பயன்படுத்துங்கள். செயலில் இருக்கும் தவழும் பூச்சிகளைக் கண்டறிந்தால், 10 நாட்களுக்குப் பிறகு அடுத்தடுத்து தெளிப்புகளை மேற்கொள்ளவும்.
இது எதனால் ஏற்படுகிறது
பழ மரத்து நோய்ப்பூச்சியான சான் ஜோஸ் செதில் பூச்சியால் இந்நோயின் சேதம் ஏற்படுகிறது. பெண் பூச்சிகள் மஞ்சள் நிறமாகவும், இறக்கை இல்லாமலும், மென்மையானதாகவும், கோள வடிவமாகவும் இருக்கும். இவை 1.5-2.2 மிமீ நீளம் கொண்டவை, இதன் பின்புறம் முழுவதும் அடர்நிற பட்டை இருக்கும். இதன் இளம் பூச்சியானது தவழும் பூச்சி, வெள்ளைத் தொப்பி பூச்சி மற்றும் கருப்புத் தொப்பி பூச்சி ஆகிய மூன்று நிலைகளைக் கொண்டுள்ளது. ஒவ்வொரு ஆண்டும் இரண்டு தலைமுறை பூச்சிகளுடன், சுமார் 37 நாட்களில் இப்பூச்சி அதன் வாழ்க்கைச் சுழற்சியை நிறைவு செய்யும். வசந்த காலத்தில் வெப்பநிலை 51 டிகிரி பாரன்ஹீட்க்கு அதிகமாக இருக்கும்போது பூச்சியின் வளர்ச்சி மீண்டும் தொடங்கும். குளிர் காலத்தில் செயலற்ற நிலையில் இருக்கும் இளம் பூச்சிகள் மார்ச் நடுப்பகுதியில் சுறுசுறுப்பாக செயல்படும் மற்றும் ஏப்ரல் மாதத்தில் ஆண் பூச்சிகள் வெளிவரும். பெண் பூச்சிகள் உடலுக்குள் முட்டை உற்பத்தி செய்து, அதில் குஞ்சு பொரிக்கின்ற வகையாகும், இவை மே மாதத்தின் நடுப்பகுதியில் இனப்பெருக்கம் செய்து ஒரு மாதத்தில் 200 முதல் 400 இளம் பூச்சிகளை உற்பத்தி செய்கின்றன. பொதுவான வாழ்க்கை சுழற்சி 35-40 நாட்களில் முடிவடைகிறது, மேலும் பூக்கும் காலத்தில் பூச்சிகள் வளர ஆரம்பிக்கின்றன. பெண் பூச்சிகள் வட்ட வடிவில் இருக்கும், சற்று குவிந்த நிலையில் கருப்பு கொப்புளம் போன்ற அமைப்புடன் இருக்கும், அதே வேளையில் ஆண் பூச்சிகள் நேராக இருக்கும்.
தடுப்பு முறைகள்
- பழத்தோட்டத்தின் சுகாதாரத்திற்கு முன்னுரிமை அளிக்க வேண்டும்.
- மாற்றுப் புரவலன்கள், களைகள், தன்னார்வத் தாவரங்கள் மற்றும் பயிர் எச்சங்கள் ஆகியவற்றை எளிமையாக அகற்றுவது, தொற்று ஏற்படும் சாத்தியத்தை வெகுவாகக் குறைக்கும்.
- கடுமையாக பாதிக்கப்பட்ட கிளைகளை கத்தரித்து, எரித்து அழிக்க வேண்டும்.
- பூச்சியின் செயலாற்ற காலத்தின்போது மரங்களை கவனமாகப் பரிசோதித்து தாக்குதலின் அளவைக் கண்டறியவும்.
- குளிர்காலத்தில் இலைகளைத் தக்கவைக்கும் மரங்களைக் கவனியுங்கள், ஏனெனில் இது பூச்சியின் இருப்புக்கான நல்ல அறிகுறியாகும்.
- ஆண் பூச்சிகளின் இருப்பைக் கண்டறிய பெரோமோன் பொறிகளைப் பயன்படுத்தவும்.
- ஆறு முதல் ஏழு அடி உயரத்தில் மரங்களின் வடக்கு மற்றும் கிழக்குப் பகுதியில் பொறிகளை வைத்து, வாரந்தோறும் கண்காணிக்கவும்.
- பூச்சிகளின் எண்ணிக்கையைக் குறைக்கவும், தெளிப்பு ஊடுருவலை மேம்படுத்தவும் பாதிக்கப்பட்ட கிளைகளை வெட்ட வேண்டும்.
- மொட்டுகள் பச்சை நிறத்தில் தோன்றும் போது தாமதமான செயலற்ற எண்ணெயைத் தெளிக்கவும், ஆனால் இளஞ்சிவப்பு நிறமாக மாறும் முன் தெளிக்க வேண்டும்.
- பூச்சிக்கொல்லி பயன்பாடுகள் கோடையின் தொடக்கத்தில் புதிதாகத் தோன்றிய இத்தவழும் பூச்சிகளைக் கட்டுப்படுத்தலாம்.
பகிரவும்
பிளான்டிக்ஸை பதிவிறக்கம் செய்க
