மற்றவை
மத்திய தரைக்கடல் ப்ரோகேட் அந்துப்பூச்சி
Spodoptera littoralis
பூச்சி
சுருக்கமாக
- கம்பளிப்பூச்சிகள் தாவரத்தின் அனைத்து பாகங்களையும் உண்ணும்.
- பல பயிர்களைத் தாக்கும் வகையில் பல தீனிகளை மிகவும் உண்ணும் உயிரியாக இருக்கிறது.
- தாவர வளர்ச்சி தாமதமாகும்.
- சிறிய பழ உற்பத்தி இருக்கும் அல்லது பழ உற்பத்தியே இருக்காது.
இதிலும் கூடக் காணப்படும்
மற்றவை
அறிகுறிகள்
முட்டைப்புழுக்கள் அதிகம் உண்ணுவதன் மூலம் குறிப்பிடத்தக்க சேதத்தை ஏற்படுத்துகின்றன, இது பெரும்பாலும் தாவரங்களை முழுவதுமாக உதிர்த்துவிடும். இவை இளம், மென்மையான இலைகளை விரும்புகின்றன, ஆனால் வளரும் பகுதிகள், இளம் தளிர்கள், தண்டுகள், மொட்டுகள், பழங்கள் மற்றும் அனைத்துத் தாவர பாகங்களையும் உண்கின்றன. முட்டைப்புழுக்கள் தண்டுகளுக்குள் உள்ளவற்றை மெண்டு, துளைகளை உருவாக்கி மற்ற நோய்களை உள்ளே அனுமதிக்கின்றன. முட்டைப்புழுக்கள் இளம் செடியை அதிகமாக உண்ணும் பட்சத்தில், தாவரத்தின் வளர்ச்சி தாமதமாகி, சிறிய அளவிலான பழத்தை உற்பத்தி செய்யும் அல்லது பழத்தை தாமதமாக உற்பத்தி செய்யும்.
பரிந்துரைகள்
இயற்கை முறையிலான கட்டுப்பாடு
தடுப்பு நடவடிக்கைகளுடன் தொடங்கி முறையான ஒருங்கிணைந்த பூச்சி மேலாண்மை மிகவும் முக்கியமானது. நோய்ப்பூச்சியைக் பொறி வைத்து கொத்தாக பிடிப்பது, மற்றும் இனச்சேர்க்கைக்கு இடையூறு விளைவிப்பது ஆகியவற்றிற்கு பெரோமோன் பொறிகளின் பயன்பாடு மிகவும் முக்கியமானது.
இரசாயன கட்டுப்பாடு
இந்த நோய்ப்பூச்சி பல இரசாயன கலவைகளை எதிர்க்கும் திறன் கொண்டது. உயிரியல் சிகிச்சைகள் இருந்தால், தடுப்பு நடவடிக்கைகளுடன் ஒருங்கிணைந்த அணுகுமுறையை எப்போதும் கருத்தில் கொள்ளுங்கள்.
இது எதனால் ஏற்படுகிறது
குளிர்காலத்தில் பனி உறையும் சில பகுதிகளில் இது பொதுவானது. முட்டைகள் மற்றும் முட்டைப்புழுக்கள் இரண்டும் நடவுப் பொருட்கள் அல்லது நாற்றுகள் மூலம் வயலில் அறிமுகமாகலாம். முதிர்ந்த பூச்சி ஒரு சிறிய திராட்சை அளவு இருக்கும். இதன் இறக்கைகள் சாம்பல் கலந்த பழுப்பு நிறத்தில் வெள்ளைக் கோடுகளுடன் இருக்கும், பெண் அந்துப்பூச்சிகள் அவற்றின் பெரும்பாலான முட்டைகளை (20 முதல் 1,000 முட்டைகள்) இளம் இலைகளின் கீழ் இலை கீழ்பரப்பில் அல்லது தாவரத்தின் மேல் பகுதிகளில் இடும்: முட்டைகள் வெள்ளை கலந்த மஞ்சள் நிறத்தில், பெண் பூச்சியின் அடிவயிற்றில் இருக்கும் முடி செதில்களால் மூடப்பட்டிருக்கும். முட்டைப்புழுக்கள் ஒரு கட்டைவிரல் நீளம் வரை வளரும், இதற்கு முடி இருக்காது, பல நிறங்களில் இருக்கும் (அடர் சாம்பல் முதல் அடர் பச்சைநிறம் வரையில், பிந்தைய நிலைகளில் சிவப்பு கலந்த பழுப்பு அல்லது வெளிர் மஞ்சள் நிறமாக மாறும்).
தடுப்பு முறைகள்
- பூச்சியின் செயல்பாட்டைக் கண்காணிக்க, ஒரு ஏக்கருக்கு 1 பெரோமோன் பொறியை தரையில் இருந்து 1 முதல் 2 மீ உயரத்தில் வைத்திடுங்கள்.
- நோயப்பூச்சிகளின் எண்ணிக்கையைக் கட்டுப்படுத்தும் மற்றும் கட்டுப்பாட்டில் வைத்திருக்கக்கூடிய நன்மை பயக்கும் பூச்சிகளுக்கு ஆதரவாக சீரற்ற முறையில் தேவையற்ற பூச்சிக்கொல்லி தெளிப்பதைக் குறைத்திடுங்கள்.
- நடவு செய்வதற்கு முன் நாற்றுகளை பரிசோதித்து, முட்டை கொத்துகள் அல்லது கம்பளிப்பூச்சிகளை அகற்றுங்கள்.
பகிரவும்
பிளான்டிக்ஸை பதிவிறக்கம் செய்க
