பருத்தி
பருத்திக்காய்ச் செம்புழு
Pectinophora gossypiella
பூச்சி
சுருக்கமாக
- மலர் மொட்டுகளில் உண்ணும் சேதங்கள்.
- இதழ்களை ஒன்றாக சேர்க்கும் பட்டு நூல்கள்.
- பருத்தி காய்களில் உண்ணும் துளைகள்.
- பழுப்பு கலந்த நிறத்தில் சாம்பல் - பழுப்பு அந்துப்பூச்சிகள், முட்டைவடிவ இறக்கைகளுடன் காணப்படும்.
- இளம் உயிரிகள் வெள்ளை உடல் மற்றும் அகலமான இளஞ்சிவப்பு நிறப் பட்டைகளுடன் அடர் கருப்பாக தலைப்பகுதியினைக் கொண்டிருக்கும்.
இதிலும் கூடக் காணப்படும்
பருத்தி
அறிகுறிகள்
பருத்திக்காய் செம்புழு மொட்டுக்கள் திறந்து, விதை சிதறுவதை தோல்வியடையச் செய்து, பருத்திக்காய் மற்றும் விதைகளுக்கு சேதங்களை ஏற்படுத்தும். கோடைகால ஆரம்பத்தில், முதல் தலைமுறை முட்டைப்புழுக்கள் சதுக்கங்களை உண்ணும், இவை தொடர்ந்து வளர்ந்து பூக்களை உற்பத்தி செய்கின்றன. பாதிக்கப்பட்ட பூக்களின் இதழ்கள் முட்டைப்புழுக்களின் பட்டு நூல்களால் பிண்ணப்பட்டிருக்கும். . இரண்டாம் தலைமுறை முட்டைப்புழுக்கள் காய்களின் வழியாக விதைகளை அடைந்து, உண்ணுவதற்கு நெற்றுகளின் தோல்களை துளைக்கும். பஞ்சுக்காய்கள் பின்னர் வெடித்து, கறை படிந்து, அவற்றின் தரம் பெரிதும் குறைந்துவிடும். சேதங்கள் நெற்றுகளிலும் காணப்படும். கூடுதலாக, செம்புழுக்கள் நெற்றுகளை துளையிட்டு அதன் கழிவுகளை அதன் வெளிப்பகுதியில் விட்டு செல்வது போலல்லாமல், செம்புழுக்களின் முட்டைப்புழுக்கள் கழிவுகளை துளைகளின் வெளிப்பகுதிகளில் விட்டு செல்லாது. நெற்று அழுகல் பூஞ்சை போன்ற சந்தர்ப்பவாத உயிரினங்கள் முட்டைப்புழுக்களின் நுழைவு அல்லது வெளியேறும் துளை வாயிலாக நெற்றுகளை பாதிக்கும்.
பரிந்துரைகள்
இயற்கை முறையிலான கட்டுப்பாடு
பெக்டினோபோரா காசிப்பியெல்லாவிலிருந்து பெறப்பட்ட பாலின பெரோமோன்களை பாதிக்கப்பட்ட வயல்கள் முழுவதும் தெளிக்கலாம். இது பெண் புழுக்களை தேடி, இனப்பெருக்கம் செய்யும் ஆண்புழுக்களின் திறனை பெரிதும் பாதிக்கிறது.ஸ்பினோசாட் அல்லது பேசில்லஸ் துரிங்ஜென்சிஸ் ஆகியவற்றின் சூத்திரங்களை சரியான நேரத்தில் தெளிப்பதும் பயனுள்ளதாக இருக்கும். பெரோமோன் பொறிகளை விதைத்த 45 நாட்களில் இருந்து அல்லது பூக்கும் கட்டத்தில் இருந்து (ஏக்கருக்கு 8) நிறுவலாம் மற்றும் பயிர் காலம் முடியும் வரை இதனைத் தொடரலாம். 21 நாட்கள் இடைவெளியில் பொறிகளின் கவர்ச்சிப்பொருட்களை மாற்றவும்.
இரசாயன கட்டுப்பாடு
உயிரியல் சிகிச்சைகள் கிடைக்கப்பெற்றால், தடுப்பு நடவடிக்கைகளுடன் ஒருங்கிணைந்த அணுகுமுறையை எப்பொழுதும் கருத்தில் கொள்ளுங்கள். பருத்திக்காய் செம்புழுக்களின் அந்துப்பூச்சியை அழிக்க குளோர்பைரிபாஸ், எஸ்பென்வலேரெட் அல்லது இண்டோக்சாகார்ப் ஆகியவற்றை கொண்டிருக்கும் பூச்சிக்கொல்லிகளின் இலைவழி சூத்திரங்களை பயன்படுத்தலாம். காமா மற்றும் லாம்ப்டா-சைஹலோதிரின் மற்றும் பிபென்திரின் ஆகியவை பிற செயல்பாட்டு கோட்பாடுகளில் அடங்கும். முட்டைப்புழுக்கள் வழக்கமாக தாவரத் திசுக்களில் காணப்படுவதால், அவற்றுக்கு எதிராக எந்த சிகிச்சையும் பரிந்துரைக்கப்படவில்லை. பெரோமோன் பொறிகளை விதைத்த 45 நாட்களில் இருந்து அல்லது பூக்கும் கட்டத்தில் இருந்து (ஏக்கருக்கு 8) நிறுவலாம் மற்றும் பயிர் காலம் முடியும் வரை இதனைத் தொடரலாம்.
இது எதனால் ஏற்படுகிறது
பருத்தி பஞ்சுகள் மற்றும் விதைப்பைகளுக்கு ஏற்படும் சேதங்கள் பெக்டினோபோரா காசிப்பியெல்லா எனப்படும் பருத்திக்காய் செம்புழுவின் முட்டைப்புழுக்களால் ஏற்படுகின்றன. முதிர்ந்த பூச்சிகள் நிறத்திலும் வடிவிலும் மாறுபடும், ஆனால் பொதுவாக சாம்பல் நிறத்திலிருந்து சாம்பல் பழுப்பு நிறத்தில் பல வண்ண தோற்றத்தை கொண்டிருக்கும். அவை நீளமான மெல்லிய தோற்றத்தையும், பழுப்பு நிறத்தையும், வலுவான வரிகளை கொண்ட விளிம்புகளுடன் நீள் வட்ட வடிவிலான இறக்கைகளையும் கொண்டிருக்கும். பெண் பூச்சிகள் பஞ்சின் பூவடிச்செதில்களுக்குள் அல்லது பச்சைக் காய்களின் புள்ளிவட்டத்திற்கு அடியில் முட்டைகளை இடும். பொதுவாக 4 முதல் 5 நாட்களில் முட்டையிலிருந்து முட்டைப்புழுக்கள் வெளியேறி, பஞ்சுகள் அல்லது காய்களுக்கு உடனடியாக செல்லும். இளம் முட்டைப்புழுக்கள் கரும் பழுப்பு நிற தலையையும், வெள்ளை நிற உடலையும், அதன் முதுகுப்பகுதியில் குறுக்குவாட்டு இளஞ்சிவப்பு பட்டைகளையும் கொண்டிருக்கும். அவை முதிர்ச்சியடையும்போது, அவை படிப்படியாக இளஞ்சிவப்பு நிறத்தை பெறும். காய்கள் வெடித்து திறந்த நிலையில் இருக்கும்போது, அவற்றினுள் அந்தப் பூச்சிகள் உண்பதைக் காண முடியும். கூட்டுப்புழுவாக மாறுவதற்கு முன் பொதுவாக காய்களில் அல்லாமல் மண்ணில், முட்டைப்புழுக்கள் 10 முதல் 14 நாட்களுக்கு உண்ணும். மிதமானது முதல் அதிக வெப்பநிலை பருத்திக் காய்களின் செம்புழுக்களின் வளர்ச்சிக்கு உகந்ததாக இருக்கும். இருப்பினும், 37.5 டிகிரி செல்சியசிற்கு மேலே,அவற்றின் இறப்பு விகிதம் உயரும்.
தடுப்பு முறைகள்
- பருத்திக்காய்ச் செம்புழுக்களின் நோய்த்தொற்று பருவ காலத்தின் பிற்பகுதியில் ஏற்படுவதால், விரைவாக முதிர்ச்சியடையும் பருத்திகளை பயன்படுத்தவும்.
- நோய்ப்பூச்சியின் அறிகுறிகள் ஏதேனும் தென்படுகிறதா என பருத்தி தாவரங்களை தொடர்ந்து கண்காணிக்கவும்.
- பூச்சிகளின் எண்ணிக்கையை அனுமானிக்க பெரோமோன் பொறிகளை பயன்படுத்தவும்.
- நோய்ப்பூச்சியின் எண்ணிக்கையை குறைக்க, உதாரணமாக வயலில் வெள்ள நீர் பாய்ச்சுவதன் மூலம், குளிர்கால மற்றும் வசந்தகால நீர்ப்பாசனத்தை சரியாக திட்டமிடவும்.
- இரைப்பிடித்துண்ணிகளை பாதிக்காத வகையில் மற்றும் பூச்சிக்கொல்லிகளின் எதிர்ப்புத்திறன் வளர்ச்சியை குறைக்க எச்சரிக்கையுடன் பூச்சிக்கொல்லிகளின் பயன்பாட்டை மேற்கொள்ளுங்கள்.
- பூச்சியின் உச்சகட்ட எண்ணிக்கையை தவிர்க்க சீக்கிரம் அறுவடை செய்யவும்.
- அறுவடைக்குப் பின் உடனடியாக தாவர எச்சங்களை அழிக்கவும்.
- கோடைகாலங்களில் மண்ணை தரிசாக விடவும்.
- பயிர் சுழற்சி மேற்கொள்ளும் வயலில் பருத்தி செடிகள் இல்லாத 7 மாத காலங்களை பராமரிக்கவும் (உதாரணமாக சிறிய தானியங்கள் அல்லது மண புல் வகை).
பகிரவும்
பிளான்டிக்ஸை பதிவிறக்கம் செய்க
