வாழைப்பழ அந்துப்பூச்சி சுண்டு நோய்

இது எதனால் ஏற்படுகிறது

சேதங்களானது நகோலியா ஆக்டசிமா என்னும் வாழைப்பழ சுண்டு அந்துப்பூச்சியால் ஏற்படுகிறது. முதிர்ந்த பூச்சிகள் தனது இறக்கைகளில் கரும் புள்ளிகளுடன் வெளிர் பழுப்பு அல்லது மஞ்சள்-பழுப்பு நிறத்தில் காணப்படும். இந்த குறைந்த வாழ்நாள் கொண்ட அந்துப்பூச்சி (4-5 நாட்கள்) அந்தி ஒளி செயல்பாட்டு பழக்கத்தை உடையது, மேலும் இவை மாலை நேரத்தின் ஆரம்பத்தில் இனப்பெருக்கம் செய்யும். பகலில் அவை, கழிவுகள் மற்றும் முதிர்ந்த இலை கணுவிடுக்கில் ஒழிந்து கொள்ளும். பெண் பூச்சிகள் வளரும் குலைகள் அல்லது இலைகள் மற்றும் பூக்காம்புகளைச் சுற்றி முட்டையிடும். முட்டைப்புழுக்கள் வெளியே வந்த பிறகு, அவை தானே குலைகளுக்குச் சென்று உண்ண ஆரம்பிக்கும். முட்டை பொரித்ததிலிருந்து, முட்டை இடுவது வரை அதன் வாழ்க்கை சுழற்சி 28 நாட்களில் நிறைவு அடையும். ஈரமான மற்றும் வெதுவெதுப்பான காலநிலை வாழைப்பழ அந்துப்பூச்சிக்கு சாதகமாக அமைந்து, ஈரமான பருவத்தில் மோசமான சேதத்தை ஏற்படுத்துகிறது. குளிர்காலம் மற்றும் உலர் குளிர்கால மாதங்களில் பொதுவாக இந்த பூச்சிகள் இருக்காது, இந்த காலப்பகுதியில் பருவகாலம் அல்லாத மழை பெய்யாமல் இருந்தால் ஒழிய. குறைவான ஈரப்பதம் மற்றும் உலர் காலநிலைகளில் முதிர்ந்த பூச்சிகள் இனப்பெருக்கம் மற்றும் முட்டைகள் இடாது என ஆராய்ச்சிகள் தெரிவிக்கின்றன. இது வாழைச் சாகுபடியில் மிகவும் மோசமான பாதிப்புகளை ஏற்படுத்தும் பூச்சிகள் ஆகும். மேலும் இவற்றை கட்டுப்படுத்தவில்லை என்றால் 100% குலைகளில் சேதத்தை ஏற்படுத்தும்.