பருத்தியின் பாக்டீரியா கருகல் நோய்

அறிகுறிகள்

பாக்டீரியா கருகல் நோயின் அறிகுறிகள், இலைகள், தண்டுகள் மற்றும் காய்களில் சிவப்பு முதல் பழுப்பு நிற ஓரங்களுடன், கோணவடிவத்தில், மெழுகு போன்ற நீர்தோய்த்த இலை புள்ளிகளாக காணப்படும். கோண வடிவிலான தோற்றம், பருத்தி இலைகளில் நரம்புகள் சிதைவுகளை கட்டுப்படுத்துவதால் ஏற்படுகிறது. சில சந்தர்ப்பங்களில், இலை பரப்புகளின் மீதான புள்ளிகள் முக்கிய இலை நரம்புகள் வழியாக பரவக்கூடும். நோய் அதிகரிக்கும் போது, இந்த சிதைவுகள் படிப்படியாக பழுப்பு நிற சிதைந்த பகுதிகளாக மாறும். தண்டுகளில் ஏற்படும் நோய்த்தொற்றுகளால் கருப்பு நிற சொறிநோய் ஏற்படும். இவை கடத்து திசுக்களை சுற்றி வளர்ந்து, அவற்றை துளையிட்டு, சொறிநோய் தாக்கப்பட்ட பகுதிக்கு மேலே உள்ள பகுதியை இறக்கச் செய்து, தாவரம் முதிர்ச்சியுறும் முன்பே இலைகளை உதிர செய்கிறது. பழைய இலைப் புள்ளிகள் அல்லது சொறிநோய் ஏற்பட்ட பகுதியின் மீது பாக்டீரியாவைக் கொண்டிருக்கும் வெள்ளை மெழுகு போன்ற மேலோடு உருவாகும். காய்கள் பாதிக்கப்பட்டு காய்கள் அழுகிப்போதல், விதை அழுகல், பஞ்சுகளின் நிறமாற்றம் முதலியவற்றை ஏற்படுத்தும். பாதிக்கப்பட்ட காய்கள் கோணவடிவில் இல்லாமல், வட்ட வடிவிலும், சிதைவுகள் ஆரம்பத்தில் நீர் தோய்ததாகவும் காணப்படும். நோய் தொற்று அதிகரிக்கையில், காயில் உள்ள சிதைவுகள் மூழ்கி, கரும்பழுப்பு அல்லது கருப்பு நிறமாக மாறும்.