பூக்கோசு.
வெள்ளை துரு நோய்
Albugo candida
பூஞ்சைக்காளான்
சுருக்கமாக
- வெளிர் இலை புள்ளிகள் வெள்ளை, பளபளப்பான உப்பிய கொப்புளங்களாக உருவாகும்.
- இலை பரப்பின் கீழ்ப்பகுதியில் சிறிய தூள் போன்ற வித்துக்கள்.
- தண்டுகள் மற்றும் பூக்களும் பாதிக்கப்படும்.
- கடுமையாக பாதிக்கப்பட்ட தாவர பாகங்கள் சுருங்கி இறக்கும்.
இதிலும் கூடக் காணப்படும்
பூக்கோசு.
அறிகுறிகள்
வெள்ளை துரு நோய் செடியை உள்புறமாகவோ அல்லது முறையாகவோ பாதிக்கலாம். நோய்த்தொற்று வகையின் அடிப்படையில் அறிகுறிகள் மாறுபடும். உள்புற தொற்று கொப்புளங்களாகத் தோன்றுகிறது, இது ஆரம்ப கட்டங்களில் இலைகள், சிறிய தண்டுகள் மற்றும் மலர் பாகங்களின் அடிப்பகுதியில் காணப்படுகிறது. கொப்புளங்கள் சுமார் 1 முதல் 2 மிமீ விட்டம் கொண்டவை மற்றும் வெள்ளை அல்லது பாலாடை போன்ற மஞ்சள் நிறத்தில் இருக்கும். அறிகுறிகள் அதிகரிக்கையில், இலைகளின் கீழ் பக்கத்தில் உள்ள வெள்ளை கொப்புளங்களுடன் தொடர்புடைய வெளிர் பச்சை முதல் மஞ்சள் வரையிலான நிறமாற்றத்துடன் கூடிய வட்ட வடிவிலான திட்டுக்கள் இலையின் மேல் பக்கத்தில் காணப்படும். முறையான நோய்த்தொற்றுகளில், இந்த நோய் தாவரத்தின் திசு முழுவதும் வளர்ந்து, இதன் விளைவாக அசாதாரண வளர்ச்சி, பாதிக்கப்பட்ட தாவரங்களின் சிதைவு அல்லது கட்டிகள் உருவாகின்றன.
பரிந்துரைகள்
இயற்கை முறையிலான கட்டுப்பாடு
வேம்பு, வெங்காயம் மற்றும் பூண்டு ஆகியவற்றின் தாவர சாற்றைப் பயன்படுத்துங்கள். யூகலிப்டஸிலிருந்து பெறப்படும் அத்தியாவசிய எண்ணெய் பூஞ்சைக்கு எதிரான பரந்த செயல்பாடுகளைக் கொண்டுள்ளது, மேலும் இலை மற்றும் உச்சிப்பகுதி வளரும் கட்டத்தில் வெள்ளை துரு நோய்க்கு எதிராக இது சிறப்பாக செயல்படுகிறது.
இரசாயன கட்டுப்பாடு
உயிரியல் சிகிச்சைகள் கிடைக்கப்பெற்றால், தடுப்பு நடவடிக்கைகளுடன் ஒருங்கிணைந்த அணுகுமுறையை எப்பொழுதும் கருத்தில் கொள்ளுங்கள். விதை சிகிச்சைக்கு மான்கோசெப் அல்லது மெட்டலாக்ஸில்லைப் பயன்படுத்துங்கள். முதலில் இவை மண்ணில் பயன்படுத்தப்பட்டு, பின்னர் இலைத்திரள்களில் பயன்படுத்தப்பட வேண்டும். பயிரின் நீளம் மற்றும் பெய்யும் மழையின் அளவைப்பொறுத்து பயன்பாடுகளின் எண்ணிக்கை மாறுபடும். மிதமான வெப்பநிலை உடைய சூழலில், பயிர் சுழற்சியின்போது மண் பயன்பாடு மற்றும் குறைந்தபட்சம் 1-2 இலைத்திரள் பயன்பாடுகள் பரிந்துரைக்கப்படுகின்றன.
இது எதனால் ஏற்படுகிறது
இலைத்திரள் நோயானது அல்புகோ அல்லது பஸ்டுலாவின் பூஞ்சையால் ஏற்படுகிறது. பிராசிகாஸ் போன்ற சில தாவரங்களில் வெள்ளை கொப்புளம் மற்றும் அடிச்சாம்பல் நோய் ஆகியவை ஒன்றாக ஏற்படலாம். கொப்புளங்கள் வெள்ளை தூள் போன்ற வித்துக்களைக் கொண்டிருக்கின்றன, இவை வெளியேறும் போது காற்றினால் பரவுகின்றன. வெள்ளை துரு முளைப்பதற்கு தேவையான சூழ்நிலைகள் 13 ° செல்சியஸ் முதல் 25 ° செல்சியஸ் வரையிலான வெப்பநிலை, இரண்டு முதல் மூன்று மணி நேரம் இலை ஈரப்பதம் மற்றும் 90% க்கும் அதிகமான ஈரப்பதம், அதிக மண் ஈரப்பதம் மற்றும் அடிக்கடியான மழைப்பொழிவு ஆகியனவாகும். மண்ணில் இருக்கும் கருஉள்ளுறக்கநிலைச் சிதலகம் மற்றும் அருகிலுள்ள வற்றாத களை தாவரங்களின் சிதல்கள் நோய் முதன்மையாக பரவுவதற்கு ஆதரவாக இருக்கும். இரண்டாம் நிலை பரவலானது காற்றினால் பரவும் மற்றும் மழை துளியால் தெறிக்கப்படும் வளர் சிதலகம் அல்லது அண்டை தாவரங்களை பாதிக்கும் தானே இயங்கும் விலங்கினசிதல் (பூச்சிகள்) ஆகியவற்றால் ஊக்குவிக்கப்படுகிறது. இது பிராசிகா குடும்பத்தின் பல இனங்களை பாதிக்கிறது, மேலும் காய்கறி முட்டைக்கோஸ் இனங்கள், அலங்கார தாவரங்கள் மற்றும் ஏராளமான களைகளையும் பாதிக்கிறது. வித்துகள் குறைந்தது மூன்று வருடங்கள் மண்ணில் இருக்கும்.
தடுப்பு முறைகள்
- நோய் இல்லாத, சான்றளிக்கப்பட்ட விதைகளை நடவு செய்து, கிடைக்கப்பெற்றால் எதிர்ப்புத்திறன் கொண்ட வகைகளைப் பயன்படுத்துங்கள்.
- ஆழமான உழவு மற்றும் சீக்கிரம் விதைப்பதை பயிற்சி செய்யவும்.
- தாவரங்களுக்கு இடையே நெருக்கமான இடைவெளியை தவிருங்கள், இது அதிக ஈரப்பதம் மற்றும் தொற்றுநோயை ஊக்குவிக்கிறது.
- மாசுபடுவதற்கான அபாயத்தைக் குறைக்க நல்ல சுகாதார நடைமுறைகளை உறுதி செய்யுங்கள்.
- பாதிக்கப்பட்ட தாவர பாகங்களை அகற்றி, கடுமையாக பாதிக்கப்பட்ட தாவர பொருட்களை அப்புறப்படுத்துங்கள்.
- களைக் கட்டுப்பாடு மற்றும் பிற சுகாதார நடவடிக்கைகள் பயன்படுத்தப்பட வேண்டும்.
- முட்டைக்கோஸ் இனம் அல்லாத புரவலன் தாவரங்களை கொண்டு மூன்று ஆண்டு பயிர் சுழற்சி செய்வது பொதுவாக பயனுள்ளதாக இருக்கும்.
பகிரவும்
பிளான்டிக்ஸை பதிவிறக்கம் செய்க
