வாழைப் பழம்
வாழைப்பழ கருப்பு இலைப்புள்ளி நோய்
Deightoniella torulosa
பூஞ்சைக்காளான்
சுருக்கமாக
- இலை விளிம்புகளில் வட்ட வடிவிலான, துல்லியமான, கருப்பு புள்ளிகள் முதலில் தோன்றும்.
- பின்னர் அவை இலைப்பரப்பு ஓரங்களுக்கு படர்ந்து, 'வி' வடிவ தோற்றத்துடன் காணப்படும்.
- பழங்களின் மீது கருப்பு நிறமாற்றம் காணப்படும்.
இதிலும் கூடக் காணப்படும்
வாழைப் பழம்
அறிகுறிகள்
இலை விளிம்புக்கு அருகில் உள்ள இலைகளின் பிரதான நரம்புகளில் வட்ட வடிவிலான, துல்லியமான, கருப்பு புள்ளிகள் முதலில் தோன்றும். படிப்படியாக, இந்த புள்ளிகளின் அளவு அதிகரித்து, குறுகிய மஞ்சள் நிற விளிம்புகளை உருவாக்கும். பெரிய புள்ளிகளின் நடுப்பகுதி உலர்ந்து, வெளிர் பழுப்பு பகுதிகள் மஞ்சள் விளிம்புக்கு அப்பால் உள்ள இலைப்பரப்பின் முனைகளுக்கு படரும். இவை தலைகீழான 'வி' வடிவத்தின் தோற்றத்தை புள்ளிகளுக்கு அளிக்கிறது. பழங்களில், கருப்பு நிறமாற்றம் பழங்களின் நுனியில் முதலில் தோன்றும், பின்னர் அவை படர ஆரம்பித்து பழங்களில் ஒழுங்கற்ற கரும் புள்ளிகள் அல்லது திட்டுக்களை உருவாக்கும், சில நேரங்களில் மஞ்சள் நிற விளிம்புகளும் உருவாகும். சில வகைகளில், கிட்டத்தட்ட சிவந்த பழுப்பு நிற புள்ளிகள் அல்லது கருப்பு மையங்களைக் கொண்ட புள்ளிகள் மற்றும் கரும் பச்சை, நீர் தோய்த்த ஒளிவட்டங்களும் காணப்படும்.
பரிந்துரைகள்
இயற்கை முறையிலான கட்டுப்பாடு
இந்த நோய்க்கான உயிரியல் கட்டுப்பாடு சிகிச்சைகள் அறியப்படவில்லை. கடுமையான நோய்த்தொற்றுகளில், கரிம செப்பு சூத்திரங்கள், உதாரணமாக 1% போரடாக்ஸ் கலவை தெளிக்கப்படுகின்றன.
இரசாயன கட்டுப்பாடு
உயிரியல் சிகிச்சைகள் கிடைக்கப்பெற்றால், தடுப்பு நடவடிக்கைகளுடன் ஒருங்கிணைந்த அணுகுமுறையை எப்பொழுதும் கருத்தில் கொள்ளுங்கள். கடுமையான நோய்த்தொற்றின் போது, 0.4% மான்கோசெப் அல்லது 0.2-0.4%. எண்ணெய் அடிப்படையிலான செம்பு ஆக்ஸிகுளோரைடு சூத்திரங்களை பயன்படுத்தவும். குளோரோத்தலோனில் அல்லது மான்கோசெப் போன்ற தொடர்பு பூஞ்சைக்கொல்லிகள் மற்றும் ஊடுருவும் பூஞ்சைக்கொல்லி எ.கா. டெபுகோனாசொல் அல்லது பிராப்பிகோனாசொல் பரிந்துரைக்கப்படுகிறது. நாம் பயன்படுத்துவது மேல் புற இலைகளையும் சென்றடைகிறதா என உறுதிபடுத்திக்கொள்ளவும்.
இது எதனால் ஏற்படுகிறது
இந்த நோய் டைட்டோநெல்லா டொருலோசா என்னும் பூஞ்சையால் ஏற்படுகிறது. இது இறந்த வாழை இலைகளில் காணப்படுகிறது, மேலும் மழை மற்றும் பனி காலங்களில் புதிய உட்செலுத்தும் பொருட்களை உற்பத்தி செய்கிறது. ஈரப்பதம் குறையும்போது, வித்துக்கள் பீறிட்டு வெளியாகி, இறுதியாக காற்று மூலம் பரவ தொடங்குகிறது. எனவே இது அதிக காற்று ஈரப்பதத்தை தொடர்ந்து வறண்ட காற்று கொண்ட காலங்களில் இந்த நோய் விரைவாக பரவுகிறது. மரங்கள் அருகருகே நடவு செய்யப்பட்ட தோட்டங்களும் இந்த நோய் கிருமி பரவுவதற்கு சாதகமாக உள்ளது. இந்த பூஞ்சை தாவர திசுக்களுக்கு சேதங்களை ஏற்படுத்தி, இதையொட்டி ஒளிச்சேர்க்கை பகுதி கணிசமான அளவு குறைந்து மற்றும் விளைச்சல் இழப்பும் ஏற்படுகிறது.
தடுப்பு முறைகள்
- உங்களுடைய பகுதியில் நெகிழ்வு திறன் கொண்ட தாவர வகைகள் கிடைக்கப்பெற்றால் (சந்தையில் பல கிடைக்கின்றன) அவற்றை பயன்படுத்தவும்.
- பரஸ்பர நிழல் மற்றும் இலைகளின் தொடர்புகளைத் தவிர்க்க மரங்களுக்கு இடையே சரியான இடைவெளி விடவும்.
- புதிய தோட்டங்கள் நோயுற்ற தோட்டங்களில் இருந்து சரியான தூரத்தில் இருப்பதை உறுதி செய்து கொள்ளுங்கள்.
- காற்றின் ஈரப்பதம் குறைக்க தெளிப்பான் நீர்ப்பாசனத்தை தவிர்க்கவும்.
- சொட்டுநீர் பாசனம் பரிந்துரைக்கப்படுகிறது.
- சமச்சீரான உரங்களை பயன்படுத்தவும், குறிப்பாக அதிக அளவு தழைச்சத்து கொண்ட உரங்களைத் தவிர்க்கவும்.
- பாதிக்கப்பட்ட இலைகளை அகற்றி அவற்றை எரிக்கவும்.
- பழைய உலர்ந்த தொங்கும் இலைகளை அகற்றுவதன் மூலம் வயலை துப்புரவாக வைத்துக்கொள்ளவும்.
- பாதிக்கப்பட்ட இலை பகுதிகள் மற்றும் பழங்களை நீக்கி அழிக்கவும்.
பகிரவும்
பிளான்டிக்ஸை பதிவிறக்கம் செய்க
