திராட்சை
போட்ரியோஸ்பேரியா பின்கருகல் நோய் / பின் இறப்பு நோய்
Botryosphaeriaceae
பூஞ்சைக்காளான்
சுருக்கமாக
- வயல்பணியின் போது காயமடைந்த பட்டைகளின் சில பகுதிகளில் பெரும்பாலும் சொறி நோய்கள் அல்லது கோடுகள் உருவாகிறது.
- மரப்பட்டையை குறுக்காக வெட்டிப்பார்க்கும்போது, ஆப்பு வடிவ அடர் பழுப்பு நிற காயங்கள் தென்படும், இது மரத்தின் மையப்பகுதி வரை அடையும்.
- தளிர்கள், இலைத்திரள்கள் மற்றும் மொட்டுகளும் பாதிக்கப்படலாம்.
திராட்சை
அறிகுறிகள்
இது முக்கியமாக ஒரு மர நோயாகும், இதன் விளைவாக மரப்பட்டையில் சொறிநோய்கள் மற்றும் நுனியிலிருந்து பின்புறமாக கருகும்/இறந்துபோகும் அறிகுறிகள் உருவாகின்றன. வயல் பணியின்போது, உதாரணமாக சீர்திருத்தம் செய்யும்போது, காயமடைந்த பட்டைகளின் சில பகுதிகளில் சொறி நோய்கள் அல்லது கோடுகள் பெரும்பாலும் உருவாகும். மரப்பட்டையை குறுக்காக வெட்டிப்பார்க்கும்போது, ஆப்பு வடிவ அடர் பழுப்பு நிற காயங்கள் தென்படும், இது மரத்தின் மையப்பகுதிவரை படரும். தளிர்கள் குன்றிய தோற்றத்தைக் கொண்டிருக்கும், மேலும் இவை நுனியிலிருந்து பின்புறமாக கருகும் நோயால் பாதிக்கப்படலாம். உட்புற திசுக்கள் சிதைந்து கொண்டிருக்கும்போது, மொட்டு வளர்ச்சி தாமதமாகும் அல்லது நிறுத்தப்படும். பதியன் தோல்வியடைவது இந்த நோயின் சிறப்பியல்பு. இந்த அறிகுறிகள் எப்போதும் ஒன்றாக ஏற்படாது மற்றும் சில வகைகளில், இலைகளில் எந்த அறிகுறிகளும் தென்படாது. ஒட்டுமொத்தமாக, இந்த நோய் சாகுபடிகளின் உற்பத்தித்திறன் மற்றும் நீண்ட ஆயுளைக் குறைக்கிறது, விளைச்சலைக் குறைக்கிறது மற்றும் உற்பத்தி செலவுகளை அதிகரிக்கிறது.
பரிந்துரைகள்
இயற்கை முறையிலான கட்டுப்பாடு
டிரைக்கோடெர்மா பூஞ்சை இனங்களின் சூத்திரங்களைப் பயன்படுத்துவதன் மூலம் ஒரு குறிப்பிட்ட அளவிலான உயிரியல் கட்டுப்பாட்டை அடையலாம் (எடுத்துக்காட்டாக டி. ஸ்பெரெல்லம் மற்றும் டி. காம்ஸி ஆகியவற்றின் கலவை). இது சீர்திருத்தம் செய்வதனால் ஏற்படும் காயங்கள், பரப்பும் பொருட்களின் அடித்தள முனைகள் மற்றும் தொற்றுநோய்க்கு முன்பான பதியன்கள் ஆகியவற்றைப் பாதுகாக்க உதவுகிறது. சீர்திருத்தம் செய்வதால் ஏற்படும் காயங்களின் பாதுகாப்புக்கு ஏராளமான கரிம பொருட்கள் கிடைக்கின்றன.
இரசாயன கட்டுப்பாடு
உயிரியல் சிகிச்சைகள் கிடைக்கப்பெற்றால், தடுப்பு நடவடிக்கைகளுடன் ஒருங்கிணைந்த அணுகுமுறையை எப்பொழுதும் கருத்தில் கொள்ளுங்கள். டெபுகோனஸோல், சைப்ரோகோனஸோல், ஃப்ளூயலாஸோல் ஆகியவற்றைக் கொண்ட பூஞ்சைக் கொல்லிகள், வண்ணப்பூச்சுகள் மற்றும் பேஸ்ட்கள், சீர்திருத்தம் முடிந்தவரை விரைவில் பெரிய வெட்டுக்களில் பயன்படுத்தலாம். பிற பூஞ்சைக் கொல்லிகளில் ஃப்ளூடயோக்ஸோனில், ஃப்ளூயஸினம், ஃப்ளூசிலாஸோல், பென்கோனஸோல், இப்ரோடியோன், மைக்ளோபுடானில் மற்றும் பைராக்ளோஸ்ட்ரோபின் ஆகியவை அடங்கும்.
இது எதனால் ஏற்படுகிறது
போட்ரியோஸ்பேரியாசியே குடும்ப பூஞ்சை நோய்க்கிருமிகளின் குழுவால் அறிகுறிகள் ஏற்படுகின்றன. இவை ஏராளாமான புரவலன்களை பாதிக்கின்றன, ஆனால் இவை பொதுவாக மரத்தினை உடைய தாவரங்களுடன் தொடர்புடையவை. பாதிக்கப்பட்ட கொடிகள் அல்லது மரங்களின் பட்டைகளில் பூஞ்சை குளிர்காலத்தில் உயிர்வாழ்ந்து, வசந்த காலத்தில் வித்துக்களை உற்பத்தி செய்யத் தொடங்குகிறது. வித்துக்கள் காற்று மற்றும் மழை சாரல்கள் வழியாக மற்ற கொடிகளுக்கு பரவுகின்றன. இவை இயற்கையாக ஏற்படும் விரிசல், சீர்திருத்தம் செய்யும்போது ஏற்படும் காயங்கள் அல்லது வெட்டுகள் போன்ற இயற்கையான காயங்கள் வழியாக திசுக்களில் நுழைந்து, அங்கு அவை 5 ° செல்சியஸிற்கும் அதிகமான வெப்பநிலையில் முளைக்கக்கூடும். கொடியின் செயலற்ற காலகட்டத்தில் சீக்கிரமே மேற்கொள்ளப்படும் சீர்திருத்தம் காயத்தை நோயால் இன்னும் பாதிக்கச் செய்கிறது. இவை படிப்படியாக மரப்பட்டையின் கடத்து திசுக்களை படையெடுத்து, வேர்களுக்குச் செல்கின்றன. இதன் விளைவாக சொறிநோய்கள், மர சிதைவு மற்றும் மரப்பட்டைகள் பின்புறமாக இறத்தல் போன்றவை ஏற்படுகின்றன. கருவாலி, தக்கை கருவாலி, ஊசியிலை மரம் மற்றும் என்றும் பசுமையான புதர் செடி வகை உள்ளிட்டவை இவற்றின் மாற்று புரவலன்களில் அடங்கும்.
தடுப்பு முறைகள்
- குறைவான பாதிப்புக்குள்ளாகும் வகைகளை வளர்க்கவும்.
- திராட்சை தோட்டத்தில் தாவர குப்பைகள் மற்றும் இறந்த மரங்கள் ஏதும் இல்லாமல் பார்த்துக்கொள்ளவும்.
- ஈரமான வானிலையின் போது சீர்திருத்தம் செய்யப்படுவதை தவிர்த்து, காயங்களின் எண்ணிக்கையைக் குறைக்கவும்.
- நோயுற்ற மரத்தைக் குறித்து, கிளைகள் அல்லது முழு கொடிகளையும் அகற்றவும்.
- வித்து உற்பத்தியின் உச்சத்தைத் தவிர்க்க செயலற்ற காலத்தில் தாமதமாக சீர்திருத்தம் செய்யவும்.
- கூடுதல் நீர்ப்பாசனம் அறிகுறியின் தீவிரத்தை சமாளிக்க உதவும், ஆனால் மேல்நிலை நீர்ப்பாசனத்தைத் தவிர்க்கலாம்.
பகிரவும்
பிளான்டிக்ஸை பதிவிறக்கம் செய்க
