நாரத்தையின் பசைக்கசிவு நோய்

அறிகுறிகள்

அடி அழுகல் அல்லது பசைக்கசிவு நோயின் அறிகுறிகள் பெரும்பாலும் மண்ணின் நிலைக்கு அருகிலிருந்து தோன்றும். மரப்பட்டைகளில், கருமையான, நீரில் தோய்ந்த பகுதிகள் தோன்றும். ஈரமான நிலைமைகளில், அவற்றில் இருந்து ஒரு புளித்த வாசனை வெளிவரும். குறிப்பாக வறண்ட காலநிலையில், பட்டையின் நீளமான பிளவுகளிலிருந்து, நீரில் கரையக்கூடிய பசை வெளிப்படுகிறது. மண்ணிற்குக் கீழே உள்ள மரப்பட்டை நீரில் நனைந்து, வழுவழுப்பாக, செம்பழுப்பிலிருந்து கருப்பு வரையான நிறமாக, இறுதியில் மாறிவிடுகிறது. பழுப்பு நிறத்தில் சிதைந்த பகுதிகள் மரத்தின் உள் திசுக்கள் வரை நீடிக்கக் கூடும். ஊட்டச்சத்துக் குறைபாடு காரணமாக இலைகள் மஞ்சள் நிறமாகின்றன. பின்னர் அடுத்த காலகட்டங்களில், இறந்த மரப்பட்டை உலர்ந்து, சுருங்கி, பிளவுபட்டு, திட்டு திட்டாக உதிர்ந்து விழுந்து, திறந்த அரிநோயாக மாறிவிடும். பூஞ்சைகள், பட்டைகளைச் சுற்றி வளைத்துவிட்டால், மரங்கள் சரிந்து இறந்து போகக்கூடும். பாதிக்கப்பட்ட பழங்களில் ஒரு மென்மையான பழுப்பு நிற அழுகல் ஏற்படுகிறது, இறுதியில் அதற்கே இயல்பான ஒரு காரமான வாசனையை உருவாக்குகிறது.