ஆப்பிள்

ஆப்பிள் பொருக்கு (தேமல்) நோய்

Venturia inaequalis

பூஞ்சைக்காளான்

உங்கள் பயிரைக் குணமாக்குங்கள்

புகைப்படம் எடுங்கள்

நோயறிதலைக் காணுங்கள்

மருந்தினைப் பெறுங்கள்

பிளான்டிக்ஸ் செயலியைப் பெற்றிடுங்கள்

சுருக்கமாக

  • இலைகளில் சிறிய, ஆலிவ்-பச்சை அல்லது பழுப்பு நிற புள்ளிகள் காணப்படும்.
  • பின்னர் பெரிய பழுப்பு நிற திட்டுகளை உருவாக்கும்.
  • இலை சிதைவு ஏற்படும், இலைகள் முன்கூட்டியே உதிரும்.
  • பழங்களில் அடர் பழுப்பு, உப்பிய, கடினமான பகுதிகள் காணப்படும்.
  • பழங்களில் சிதைவு மற்றும் விரிசல் ஏற்படும்.

இதிலும் கூடக் காணப்படும்

1 பயிர்கள்
ஆப்பிள்

ஆப்பிள்

அறிகுறிகள்

ஆப்பிள் தேமல் நோயின் முதல் புலப்படும் அறிகுறிகள் வசந்த காலத்தில் இலைகளில் சிறிய அளவில், வட்ட வடிவில், ஆலிவ் பச்சை புள்ளிகள் தோன்றும், பெரும்பாலும் ஒரு முக்கிய நரம்பு வழியாக. இவை பெரிதாகும்போது, பழுப்பு-கருப்பு நிறமாகி, இறுதியில் ஒன்றிணைந்து சிதைந்த திசுக்களின் பெரிய திட்டுகளை உருவாக்கும். பாதிக்கப்பட்ட இலைகள் அடிக்கடி சிதைந்து, முன்கூட்டியே உதிர்ந்து விடுவதால், கடுமையான தொற்று ஏற்பட்டால் இலை உதிர்ந்துவிடும். தளிர்களில், நோய்த்தொற்றுகள் கொப்புளங்கள் மற்றும் வெடிப்புகளை ஏற்படுத்துகின்றன, இது சந்தர்ப்பவாத நோய்க்கிருமிகளுக்கு நுழைவு பாதையை வழங்குகிறது. பழங்களில், பழுப்பு முதல் அடர் பழுப்பு நிறம் வரையிலான வட்டப் பகுதிகள் மேற்பரப்பில் தோன்றும். இவை மேலும் வளர்ச்சியடையும் போது, இவை அதிகம் ஒன்றிணைந்து, உப்பி, கடினமானதாகவும், துருப்பிடித்ததாகவும் மாறும். இது பழத்தின் விரிவாக்கத்தைக் கட்டுப்படுத்துகிறது. மேலும் தோலின் சிதைவு மற்றும் வெடிப்புகள் பழங்களின் சதை வெளியே தெரிவதற்கு வழிவகுக்கிறது. இலேசான தாக்குதல்கள் பழத்தின் தரத்தை கணிசமாக பாதிக்காது. இருப்பினும், தேமல்கள் சந்தர்ப்பவாத நோய்க்கிருமிகள் மற்றும் அழுகல் போன்றவற்றால் பழங்களை பாதிப்படையச் செய்யலாம், இது பழத்தை சேமித்து வைக்கும் திறன் மற்றும் தரத்தைக் குறைக்கிறது.

பரிந்துரைகள்

இயற்கை முறையிலான கட்டுப்பாடு

முந்தைய பருவத்தில் நோயின் தாக்கம் அதிகமாக இருந்தால், குளிர்காலத்தில் மரத்தில் பூஞ்சை வளர்ச்சியைத் தடுக்க திரவ செப்பு பூசண கொல்லிகளைத் தெளிக்கலாம். சல்பர் தெளிப்புகள் ஆப்பிள் தேமல் நோய்க்கு எதிராக ஓரளவு மட்டுமே பயனுள்ளதாக இருக்கும். இருப்பினும், வளரும் பருவத்தில் நோயை இயற்கை முறையில் கட்டுப்படுத்துவதற்கு சல்பர் மற்றும் பைரெத்ரின்கள் கொண்ட கரைசல்கள் கிடைக்கின்றன.

இரசாயன கட்டுப்பாடு

உயிரியல் சிகிச்சைகள் கிடைத்தால், தடுப்பு நடவடிக்கைகளுடன் ஒருங்கிணைந்த அணுகுமுறையை எப்போதும் கருத்தில் கொள்ளுங்கள். டோடின், கேப்டன் அல்லது டைனதியான் போன்ற பாதுகாப்பு பூஞ்சைக் கொல்லிகளை மொட்டு முறிவு ஏற்படும்போது தெளித்து நோயைத் தவிர்க்கலாம். தேமல் கண்டறியப்பட்டதும், பூஞ்சையின் வளர்ச்சியைக் கட்டுப்படுத்த டிஃபெனோகோனசோல், மைக்ளோபுட்டானில் அல்லது கந்தகம் ஆகியவற்றை அடிப்படையாகக் கொண்ட பூஞ்சைக் கொல்லிகளைப் பயன்படுத்தலாம். எதிர்ப்பின் வளர்ச்சியைத் தவிர்க்க பல்வேறு இரசாயனக் குழுக்களின் தேமல் பூஞ்சைக் கொல்லிகள் பயன்படுத்தப்படுவதை உறுதிசெய்யவும்.

இது எதனால் ஏற்படுகிறது

ஆப்பிள் தேமல் என்பது வென்டூரியா இனாக்வாலிஸ் என்ற பூஞ்சையால் ஏற்படும் ஒரு நோயாகும். இது குளிர்காலத்தில் முக்கியமாக தரையில் உள்ள பாதிக்கப்பட்ட இலைகளிலும், மொட்டு செதில்கள் அல்லது மரத்தின் மீது இருக்கும் காயங்கள் மீதும் உயிர்வாழும். வசந்த காலத்தின் துவக்கத்தில், பூஞ்சை மீண்டும் வளர்ச்சியைத் தொடங்குகி, வித்துகளை உற்பத்தி செய்யத் தொடங்கும், பின்னர் அவை காற்றினால் பரவி நீண்ட தூரத்திற்கு சிதறடிக்கப்படுகின்றன. இந்த வித்துகள் வளரும் இலைகள் மற்றும் பழங்களில் படிந்து புதிய தொற்றுநோயைத் தொடங்குகின்றன. மலராத பழ மொட்டுகளின் வெளிப்புற பகுதிகள் வடுவினால் மிகவும் எளிதில் பாதிக்கப்படுகின்றன. இருப்பினும், பழம் முதிர்ச்சியடையும் போது, ​​இது மிகவும் குறைவாக பாதிக்கப்படுகிறது. ஈரப்பதமான சூழல், இலைகள் அல்லது பழங்கள் ஈரமாக இருக்கும் காலம் தொற்றுக்கு அவசியம். மாற்று புரவலன்களில் கோட்டோனெஸ்டர், பைரகாந்தா மற்றும் சோர்பஸ் வகையைச் சேர்ந்த புதர்கள் அடங்கும். அனைத்து ஆப்பிள் வகைகளும் தேமல் நோய்க்கு ஆளாகின்றன, இதில் காலா என்ற வகை மிகவும் பாதிக்கப்படக்கூடியது.

தடுப்பு முறைகள்

  • சகிப்புத்தன்மை அல்லது எதிர்ப்புத்திறன் கொண்ட வகைகளைப் பயன்படுத்தவும்.
  • நோய்க்கான அறிகுறிகள் ஏதேனும் தென்படுகிறதா என பழத்தோட்டங்களை கண்காணிக்கவும்.
  • பாதிக்கப்பட்ட இலைகள், தளிர்கள் மற்றும் பழங்களை பறிக்கவும்.
  • அறுவடைக்குப் பிறகு உங்கள் மரத்தைச் சுற்றி இருக்கும் உதிர்ந்த அனைத்து இலைகளையும் அப்புறப்படுத்தி விடவும்.
  • மாற்றாக, இலைச் சிதைவு அதிகரிப்பு மற்றும் பூஞ்சையின் வாழ்க்கைச் சுழற்சியைத் தடுக்க இலையுதிர் காலத்தில் இலைகளுக்கு 5% யூரியாவை தடவவும்.
  • திசுக்களின் பிரிவை விரைவுபடுத்த அதிகப்படியான இலைக் குப்பைகளையும் அகற்றலாம்.
  • அதிக காற்று சுழற்சியை அனுமதிக்கும் வகையில் சீரமைப்பு முறையை உறுதிப்படுத்தவும்.
  • மாலை அல்லது அதிகாலை நேரங்களில் தண்ணீர் ஊற்றவும், மேல்நிலை நீர்ப்பாசனத்தைத் தவிர்க்கவும்.
  • நீர்ப்பாசனம் செய்யும் போது இலைகளை ஈரமாக்குவதைத் தவிர்க்கவும்.
  • மண்ணின் pH ஐ அதிகரிக்க இலை விழுந்த பிறகு சுண்ணாம்பு தடவவும்.
  • மரங்களுக்கு அடியில் தழைக்கூளத்தைப் பரப்பி, அவற்றை அடிமரத்திலிருந்து விலக்கி வைக்கவும்.

பிளான்டிக்ஸை பதிவிறக்கம் செய்க