பராமரிப்பு
கொண்டைக்கடலை உற்பத்தி மற்றும் நிலப்பரப்பளவு-ஏக்கரில் உலகளாவிய தலைவராக இந்தியா உள்ளது. கொண்டைக்கடலை பழமையான பருப்பு வகை பணப்பயிர்களில் ஒன்றாகும், இது பண்டைய காலங்களிலிருந்து இந்தியாவில் பயிரிடப்படுகிறது. இது முழுமையான புரதத்தின் ஆதாரமாக திகழ்கிறது, மேலும் நார்ச்சத்து மற்றும் பிற அத்தியாவசிய வைட்டமின்களையும் வழங்குகிறது. கொண்டைக்கடலையை உடைத்த பருப்பு (கடலை பருப்பு என்று அழைக்கப்படுகிறது), மற்றும் மாவு (பெசன்) ஆகவும் தயார் செய்யலாம். புதிய பச்சை இலைகள் காய்கறியாகப் பயன்படுத்தப்படுகின்றன, அதே நேரத்தில் கொண்டைக்கடலையின் வைக்கோல் கால்நடைகளுக்கு சிறந்த தீவனமாக இருக்கிறது.
மண்
கொண்டைக்கடலை செடிகளை பலவகையான மண்ணில் வளர்க்கலாம், ஆனால் மணற்பாங்கான பசளை மண் முதல் லேசான களிமண் வரை அவற்றுக்கு சிறந்ததாக இருக்கிறது. கொண்டைக்கடலை சாகுபடிக்கு நீர் நன்கு வடிந்திருக்க வேண்டும், ஏனெனில் நீர் தேங்கி நிற்பது அவற்றுக்கு ஏதுவாக இருக்காது. 5.5 முதல் 7.0 வரையிலான ஹைட்ரோஜென் அயனிச்செறிவு கொண்டைக்கடலை பயிர் செய்வதற்கு ஏற்றது. கொண்டைக்கடலைக்கு சொரசொரப்பான விதை படுக்கை தேவைப்படுகிறது, மேலும் கொண்டைக்கடலை மிகவும் நேர்த்தியான மற்றும் நெருக்கமான விதைப்படுகைகளில் சிறப்பாக செயல்படாது.
தட்பவெட்பநிலை
கொண்டைக்கடலை தாவரங்கள் நல்ல ஈரப்பதமான சூழலில் நன்றாக வளரும். 24º செல்சியஸ் முதல் 30º செல்சியஸ் வரையிலான வெப்பநிலை கொண்டைக்கடலையை பயிர் செய்வதற்கு உகந்த வெப்பநிலையாகும். தாவரங்கள் குறைந்த அளவிலான 15 டிகிரி செல்சியஸ் மற்றும் அதிகப்படியான 35 டிகிரி செல்சியஸ் வெப்பநிலையிலும் வாழக்கூடியவை என்றாலும், சுமார் 650 முதல் 950 மி.மீ வரையிலான மழைப்பொழிவு அவற்றுக்கு சிறந்ததாக இருக்கும்.
