लिंबूवर्गीय पिकावरील पाने पोखरणारी अळी

कशामुळे झाले

फिलोक्नीस्टिस सिट्रेला ह्या लिंबूवर्गीय पिकावरील पाने पोखरणार्‍या अळ्यांच्या खाण्यामुळे लक्षणे दिसतात. प्रौढ हे छोटे, तपकिरीसर किंवा राखाडी पतंग असतात ज्यांच्या पंखांना झालर असते आणि पुढच्या पंखांवर वैशिष्ट्यपूर्ण गडद ठिपके असतात. ते बहुधा थंड तापमानात म्हणजे पहाटे आणि संध्याकाळी, सकाळी लवकर आणि रात्रीच्या वेळी जास्त कार्यरत असतात. वसंत ऋतुमध्ये माद्या पानांच्या खालच्या बाजुला अंडी घालतात. निघणार्‍या अळ्या हिरवट, किंवा पिवळ्या असतात आणि जरी त्या काही वेळा फळांवरही हल्ला करतात तरी मुख्यत: पाने खातात. त्या पानांच्या दोन बाजुंमध्ये बोगदे बनवितात, जे विशिष्ट रुपेरी रंगाचे सर्पाकृती असतात. अळ्यांच्या शेवटच्या टप्प्यावर त्या बोगद्यातुन बाहेर येतात व पानांना स्वत:भोवती गुंडाळुन घेऊन कोषावस्थेत जातात. हा लिंबूवर्गीय पिकांना होणारा सर्वात मोठा उपद्रव आहे, आणि बहुतेक सर्व लिंबूवर्गीय उत्पादक भागात सापडतो. ह्यामुळे इतर रोगांची जसे कि जंतुजन्य कँकरची संवेदनशीलता वाढते.