ਅੰਬ ਦਾ ਟੂਸੇ ਤੋਂ ਸੁੱਕਣਾ (ਝੁਲਸਣਾ/ ਡਾਈਬੈਕ)

ਇਸਦਾ ਕੀ ਕਾਰਨ ਸੀ

ਬੌਟ੍ਰਾਇਅਸਫ਼ੇਰੀਆ ਰੋਡੀਨਾ ਬੂਟੇ ਦੇ ਗਲ਼ੇ ਹੋਏ ਟਿਸ਼ੂਆਂ ਵਿੱਚ ਲੰਬੇ ਸਮੇਂ ਤੱਕ ਜਿਉਂਦੀ ਰਹਿੰਦੀ ਹੈ। ਬੂਟੇ ਦੇ ਤਣੇ ਅਤੇ ਟਾਹਣੀਆਂ ਦੇ ਜ਼ਖ਼ਮਾਂ ਵਿਚਦੀ ਦਾਖ਼ਲ ਹੋ ਕੇ ਇਹ ਬੂਟੇ ਦੇ ਨਾੜੀ ਢਾਂਚੇ ‘ਤੇ ਹਮਲਾ ਕਰਦੀ ਹੈ। ਲਾਗ ਦਾ ਢਾਂਚਾ ਹਾਲੇ ਪੂਰੀ ਤਰ੍ਹਾਂ ਸਮਝਿਆ ਨਹੀਂ ਜਾ ਸਕਿਆ। ਇਸਦੇ ਬੂਟੇ ਵਿੱਚ ਦਾਖ਼ਲੇ ਦੇ ਸੰਭਾਵਿਤ ਥਾਂ ਕੀੜਿਆਂ (ਭੂੰਡਾਂ) ਦੇ ਕੀਤੇ ਜ਼ਖ਼ਮ ਹਨ ਜਾਂ ਕੰਮ ਕਰਨ ਦੌਰਾਨ ਸੰਦਾਂ ਨਾਲ਼ ਲੱਗੀਆਂ ਟੱਕ ਆਦਿ। ਲਾਗ ਦਾ ਮੁੱਖ ਸਰੋਤ ਟਾਹਣੀਆਂ ਦੇ ਮਰੇ ਸੱਕ ਵਿੱਚ ਪਏ ਬਿਜਾਣੂ ਹਨ। ਇਹ ਵਾਧੇ ਵਾਲ਼ੇ ਮੌਸਮ ਵਿੱਚ ਬੂਟੇ ‘ਤੇ ਪਏ ਰਹਿੰਦੇ ਹਨ ਅਤੇ ਫਲ਼ ਦੀ ਤੁੜਾਈ ਦੇ ਮੌਸਮ ਵਿੱਚ ਫੈਲਦੇ ਹਨ। ਲੋਹੇ, ਜ਼ਿੰਕ ਅਤੇ ਮੈਂਗਨੀਜ਼ ਦੀ ਘਾਟ ਰੋਗ ਦੇ ਵਾਧੇ ਨੂੰ ਸਹਾਰਾ ਦੇ ਸਕਦੀ ਹੈ। ਪਾਣੀ ਅਤੇ ਠੰਢ ਦੇ ਨੁਕਸ ਵੀ ਇਸ ਰੋਗ ਨਾਲ਼ ਸਬੰਧਿਤ ਹਨ। ਇਹ ਰੋਗ ਸਾਲ ਦੇ ਕਿਸੇ ਵੀ ਵਕਤ ਹੋ ਸਕਦਾ ਹੈ ਪਰ ਵਿਕਾਸ ਦੇ ਆਖ਼ਰੀ ਪੜਾਵਾਂ ਦੌਰਾਨ ਇਹ ਸਭ ਤੋਂ ਵੱਧ ਸਪਸ਼ਟ ਹੁੰਦਾ ਹੈ।