ଆପେଲ

ସାନ- ଜୋସ କାତି ପୋକ

Comstockaspis perniciosa

ପୋକ

5 mins to read

ଫସଲକୁ ସୁସ୍ଥ କରନ୍ତୁ

ଏକ ଫୋଟ ନିଅନ୍ତୁ

ଡାଇଗ୍ନୋସିସ ଦେଖନ୍ତୁ

ଔଷଧ ପାଆନ୍ତୁ

ପ୍ଲାଣ୍ଟିକ୍ସ ଆପ ପ୍ରାପ୍ତ କରନ୍ତୁ

ସଂକ୍ଷେପରେ

ସାମାନ୍ୟ ଚେପା ଏବଂ ଲାଲ ରୁ ବାଇଗଣି ଦାଗ ଖାଇବା ସ୍ଥାନ ଚାରିପଟେ ଦେଖାଯାଏ। ଛୋଟ, ବିକୃତ ଏବଂ ନିସ୍ତେଜ ବର୍ଣ୍ଣର ଫଳ ଉତ୍ପନ୍ନ ହୋଇଥାଏ।.

ମଧ୍ୟ ଦେଖା ଯାଇପାରେ

4 ଫସଲ ଗୁଡିକ

ଆପେଲ

ଆପ୍ରିକଟ

ପିଚ

ନାସପାତି

ଆପେଲ

ଲକ୍ଷଣ

କାତି ପୋକ ଶାଖା, ପତ୍ର ଏବଂ ଫଳରୁ ରସ ଶୋଷଣ କରିଥାଏ। ଏହି ଖାଇବା ଅଭ୍ୟାସ ଯୋଗୁଁ ଫଳ ପୃଷ୍ଠରେ ଲାଲରୁ ବାଇଗଣୀ ବଳୟ ସହିତ ସାମାନ୍ୟ ଖାଲୁଆ ହୋଇଥାଏ। ଯଦିଓ ଏକକ କାତି ପୋକ ଅଧିକ କ୍ଷତି ପହଞ୍ଚାଇ ପାରିବ ନାହିଁ, ଗୋଟିଏ ମାଈ ଏବଂ ତାହାର ବଂଶ ଗୋଟିଏ ଋତୁରେ ଅନେକ ହଜାରେ କାତି ପୋକ ଉତ୍ପାଦନ କରିପାରନ୍ତି। ଏହି କୀଟ ବିଶେଷ ଭାବରେ ବଡ଼ ପୁରୁଣା ଗଛରେ ବାସ କରନ୍ତି ଯେଉଁଠାରେ ଭଲ ସ୍ପ୍ରେ କଭରେଜ୍ ହାସଲ କରିବା କଷ୍ଟକର, କିନ୍ତୁ ସ୍ପ୍ରେ ହୋଇଥିବା ଛୋଟ ଗଛଗୁଡିକ ମଧ୍ୟ ଅସୁରକ୍ଷିତ ହୋଇପାରେ। ଯଦିଓ ସେମାନେ ମୁଖ୍ୟତଃ ଗଛର ବକଳରେ, କାତି ତଳେ ଏବଂ ଫାଟ ମଧ୍ୟରେ ବଞ୍ଚନ୍ତି, ବଗିଚାରେ ପ୍ରଥମ ସୂଚକ ଫଳ ଏବଂ ପତ୍ରରେ ଛୋଟ ଲାଲ ଦାଗ ହୋଇପାରେ। ଫଳର କ୍ଷତି ସାଧାରଣତଃ ଫଳର ତଳ ଭାଗରେ ଥାଏ। ଯଦି ଋତୁ ପ୍ରାରମ୍ଭରେ ଆକ୍ରାନ୍ତ ହୁଏ, ଫଳ ଛୋଟ କିମ୍ବା ବିକୃତ ହୋଇପାରେ। ଏହା ଗଛର ହୃଷ୍ଟପୁଷ୍ଟତା, ଅଭିବୃଦ୍ଧି ଏବଂ ଅମଳର ସାମଗ୍ରିକ ହ୍ରାସ ଘଟାଏ।

Recommendations

ଜୈବିକ ନିୟନ୍ତ୍ରଣ

ଲେଡି ବିଟଲ କିମ୍ବା ସାଇବୋସେଫାଲସ କାଲିଫର୍ନିକସ୍ପ୍ରାକୃତିକ ଶତ୍ରୁମାନଙ୍କୁ ରଖନ୍ତୁ ଯାହାକି ସାନ-ଜୋସ କାତି ପୋକକୁ ଖାଇ ଥାଆନ୍ତି। ଅତିରିକ୍ତ ଭାବରେ, ଅଳ୍ପ କିଛି ଛୋଟ କାଲସିଡ୍ ଏବଂ ଆପେଲିନିଡ୍ ବିରୁଡି କାତି ପୋକର ପରଭକ୍ଷୀ ଭାବେ କାମ କରିଥାନ୍ତି। କଢ ଫୁଟିବା ପୂର୍ବରୁ କିମ୍ବା ଠିକ ସେହି ସମୟରେ 2% ଉଦ୍ୟାନ କୃଷି ତେଲ ସ୍ପ୍ରେ କରନ୍ତୁ, କିନ୍ତୁ ଫୁଲଗୁଡ଼ିକ ଫୁଟିବା ଆରମ୍ଭ କରିବା ପୂର୍ବରୁ ଏହା କରିବା ଉଚିତ। ଆଫାଇଟିସ ଜାତି, ଏର୍ନିକାସିଆ ପର୍ନିସିୟସି ଏବଂ କୋକ୍ସିନେଲା ଇନଫେର୍ନାଲିସ ମୁଲ୍ସାନ୍ତ ଆଦି ପରଭକ୍ଷୀ ଉପକାରୀ ଜୈବିକ ନିୟନ୍ତ୍ରକ କାରକ ଭାବରେ ସ୍ବୀକୃତି ଲାଭ କରିଛି। ଅଧିକ ପ୍ରାଦୁର୍ଭାବ ଅଞ୍ଚଳରେ ବସନ୍ତ ଋତୁରେ ଥରେ ଆକ୍ରାନ୍ତ ଗଛକୁ ଏର୍ନିକାସିଆ ପର୍ନିସିୟସି 2000 ଭଳି ପରଭକ୍ଷୀ ଛାଡନ୍ତୁ।

ରାସାୟନିକ ନିୟନ୍ତ୍ରଣ

ଯଦି ମିଳେ , ସର୍ବଦା , ଜୈବିକ ଉପଚାର ସହିତ ଏକ ସମନ୍ଵିତ ନିରାକରଣ ପଦ୍ଧତି ଗ୍ରହଣ କରନ୍ତୁ। ବିଳମ୍ବିତ ସୁପ୍ତ ଅବସ୍ଥାରେ ଏକ କୀଟନାଶକ ସହିତ ତେଲ ସ୍ପ୍ରେ ପ୍ରୟୋଗ କରି ବହୁ ସଂଖ୍ୟାକୁ ନିୟନ୍ତ୍ରଣ କରନ୍ତୁ। ଯେତେବେଳେ ଆପଣ ଫେରୋମୋନ ଜନ୍ତାରେ ପ୍ରଥମ ବୟସ୍କ କିମ୍ବା ଷ୍ଟିକ୍ ଟେପରେ ପ୍ରଥମ କ୍ରଲର୍ ପାଇଥା’ନ୍ତି କୀଟ ବୃଦ୍ଧି ନିୟନ୍ତ୍ରକ ଥିବା କୀଟନାଶକ ଯେପରିକି ପିରୋପ୍ରୋକ୍ସିଫେନ୍ କିମ୍ବା ବୁପ୍ରୋଫେଜିନ, ନିଓନିକୋଟିନଏଡ, ଅର୍ଗାନୋଫୋସଫେଟ୍ କିମ୍ବା ସ୍ପିରୋଟେଟ୍ରାମେଟ୍ ପ୍ରୟୋଗ କରନ୍ତୁ। 10 ଦିନ ପରେ ପରବର୍ତ୍ତୀ ସ୍ପ୍ରେ ପ୍ରୟୋଗ କରନ୍ତୁ ଯଦି ଆପଣ ସକ୍ରିୟ କ୍ରଲର୍ ପାଇଥାନ୍ତି।

ଏହାର କାରଣ କଣ

ଫଳ ଗଛରେ ସାନ-ଜୋସ କାତି ପୋକ ଦ୍ୱାରା କ୍ଷତି ଘଟିଥାଏ। ମାଈ ପୋକ ହଳଦିଆ, ଡେଣାହୀନ ଏବଂ ନରମ, ଆକୃତିର ଗୋଲାକାର ହୋଇଥାଏ। ସେଗୁଡ଼ିକ ପଛ ପଟେ ଏକ ଗାଢ ବ୍ୟାଣ୍ଡ ସହିତ ପ୍ରାୟ 1.5-2.2 ମିମି ଲମ୍ବ ହୋଇଥାଏ। ନିମ୍ଫ/ଛୁଆ କ୍ରଲର ବା ଗୁରୁଣ୍ଡିବା, ଧଳା ଟୋପି ଏବଂ କଳା ଟୋପି, ଏପରି ତିନୋଟି ପର୍ଯ୍ୟାୟ ଦେଇ ବଢିଥାଏ। ପ୍ରତିବର୍ଷ ଦୁଇ ପିଢୀର କୀଟ ସହିତ ଏହା ପ୍ରାୟ 37 ଦିନରେ ଏହାର ଜୀବନଚକ୍ର ସଂପୂର୍ଣ୍ଣ କରିପାରିବ। ତାପମାତ୍ରା 51 ° F ରୁ ଅଧିକ ହେଲେ ବସନ୍ତରେ କୀଟମାନଙ୍କର ବିକାଶ ଆରମ୍ଭ ହୁଏ। ଶୀତସୁପ୍ତିରେ ଥିବା ନିମ୍ଫଗୁଡିକ ମଧ୍ୟ-ମାର୍ଚ୍ଚରେ ସକ୍ରିୟ ହୋଇଯାଏ ଏବଂ ଏପ୍ରିଲରେ ଅଣ୍ଡିରାପୋକ ଉତ୍ପନ୍ନ ହୁଏ। ମାଇପୋକ ଶରୀର ମଧ୍ୟରେ ଅଣ୍ଡା ଫୁଟାଇ ଥାଏ ଏବଂ ମଇ ମାସର ମଧ୍ୟଭାଗରେ 200 ରୁ 400 ନିମ୍ଫ ପୁନଃ ଉତ୍ପାଦନ କରିପାରେ। ଏକ ସାଧାରଣ ଜୀବନଚକ୍ର 35-40 ଦିନ ମଧ୍ୟରେ ସମାପ୍ତ ହୁଏ, ଏବଂ ଫୁଲ ଅବସ୍ଥାରେ କୀଟ ବୃଦ୍ଧି ପାଇଥାଏ। ମାଈପୋକ ଗୋଲାକାର, କଳା ବ୍ରଣ ଭଳି ଦାଗ ସହିତ ସାମାନ୍ୟ ଉତ୍ତଳ ହୋଇଥିବାବେଳେ ଅଣ୍ଡିରା ରୈଖିକ ଅଟେ।

ସୁରକ୍ଷାତ୍ମକ ଉପାୟ

ବଗିଚାରେ ପରିମଳକୁ ଅଧିକ ପ୍ରାଥମିକତା ଦିଆଯିବା ଉଚିତ। ବିକଳ୍ପ ପୋଷକ, ବାଳୁଙ୍ଗା, ସାହାଯ୍ୟକାରୀ ଗଛ ଏବଂ ଫସଲ ଅବଶେଷର ସରଳ ଅପସାରଣ ଦ୍ଵାରା ସଂକ୍ରମଣ ସମ୍ଭାବନାକୁ ବହୁ ମାତ୍ରାରେ ହ୍ରାସ କରାଯାଇପାରେ। ଅତ୍ୟଧିକ ସଂକ୍ରମିତ ଶାଖାଗୁଡ଼ିକୁ ଛେଦନ/କାଣ୍ଟଛାଣ୍ଟ କରିବା, ପୋଡି ଦେବା ଏବଂ ନଷ୍ଟ କରିବା ଉଚିତ। ସଂକ୍ରମଣର ମାତ୍ରା ନିର୍ଣ୍ଣୟ କରିବା ପାଇଁ ସୁପ୍ତ ସମୟରେ ଗଛଗୁଡ଼ିକୁ ଭଲଭାବେ ପରୀକ୍ଷା କରନ୍ତୁ। ଶୀତଦିନରେ ପତ୍ର ରହିଥିବା ଗଛଗୁଡିକ ଉପରେ ଧ୍ୟାନ ଦିଅନ୍ତୁ କାରଣ ଏହା କୀଟଙ୍କ ଉପସ୍ଥିତିର ଏକ ଭଲ ସୂଚକ ଅଟେ। ଅଣ୍ଡିରା କୀଟର ଉପସ୍ଥିତି ଜାଣିବା ପାଇଁ ଫେରୋମୋନ ଜନ୍ତା ବ୍ୟବହାର କରନ୍ତୁ, ଛଅରୁ ସାତ ଫୁଟ ଉଚ୍ଚରେ ଉତ୍ତର ଏବଂ ପୂର୍ବ ପାର୍ଶ୍ୱରେ ଜନ୍ତା ରଖନ୍ତୁ ଏବଂ ସାପ୍ତାହିକ ଯାଞ୍ଚ କରନ୍ତୁ। ସଂଖ୍ୟା ହ୍ରାସ କରିବା ଏବଂ ସ୍ପ୍ରେ ଦ୍ରବଣ ଗ୍ରହଣରେ ଉନ୍ନତି ଆଣିବା ପାଇଁ ସଂକ୍ରମିତ ଶାଖାଗୁଡ଼ିକୁ ଛେଦନ କରାଯିବା ଉଚିତ। ଯେତେବେଳେ କଢ ସବୁଜ ଦେଖାଯିବା ସମୟରେ ଏବଂ ଗୋଲାପୀ ରଙ୍ଗ ହେବା ପୂର୍ବରୁ ଏକ ବିଳମ୍ବିତ ସୁପ୍ତ ତେଲ ସ୍ପ୍ରେ କରନ୍ତୁ। କୀଟନାଶକ ପ୍ରୟୋଗ ଗ୍ରୀଷ୍ମ ପ୍ରାରମ୍ଭରେ ନୂତନ ଭାବରେ ଉତ୍ପନ୍ନ ଲାର୍ଭାକୁ ନିୟନ୍ତ୍ରଣ କରିପାରିବ।.

ସାନ- ଜୋସ କାତି ପୋକ

ଫସଲକୁ ସୁସ୍ଥ କରନ୍ତୁ

ସଂକ୍ଷେପରେ

ମଧ୍ୟ ଦେଖା ଯାଇପାରେ

ଲକ୍ଷଣ

Recommendations

ଜୈବିକ ନିୟନ୍ତ୍ରଣ

ରାସାୟନିକ ନିୟନ୍ତ୍ରଣ

ଏହାର କାରଣ କଣ

ସୁରକ୍ଷାତ୍ମକ ଉପାୟ

ସେୟାର କରନ୍ତୁ

ପ୍ଲାଣ୍ଟିକ୍ସ ଡାଉନଲୋଡ୍ କରନ୍ତୁ