खताच्या जास्त प्रमाणामुळे पाने करपणे

कशामुळे झाले

खते जास्त दिल्याने लक्षणे उद्भवतात. जमिनीचा प्रकार, सिंचन पद्धत, क्षार पातळी आणि ठराविक झाडांची संवेदनशीलतेप्रमाणे नुकसान दिसुन येते. ऊष्ण कोरड्या वातावरणात भाजीपाल्याच्या झाडांना जास्त खते दिल्यास गंभीर नुकसान होते. खतातील क्षार हे दुष्काळ सदृष्य परिस्थितीत जमिनीत जास्त केंद्रित होते. यामुळे मुळांना थेट इजा होते, ज्यातुन झाडाच्या वरच्या भागातील पाने करपतात. तसेच, विरघळणारे क्षार झाडातुन पाण्याचे चलन शोधत असल्याने पानांत केंद्रित होतात जिथे उष्मायन किंवा बाष्पीभवनाद्वारे गरम, कोरड्या दिवसात ओलाव्याचे प्रमाण जलद गतीने कमी होते. थंड आणि ढगाळ हवामानात, जेव्हा जमिनीचा ओलावा पुरेसा असतो तेव्हा पानांची आर्द्रता कमी होण्याचा दर मंद असतो, ज्यामुळे बऱ्याच झाडांना वसंत ऋतूमध्ये उच्च क्षारच्या पातळीस सहन करण्याची मुभा मिळते, परंतु उन्हाळ्याच्या महिन्यांत ते शक्य होत नाही. म्हणून, हवामान कोरडे असताना दाणेदार खतांचा वापर न करणे आणि झाडाच्या करपण्यावर आळा घालण्यासाठी वापरल्यानंतर लगेच पाणी द्यावे अशी शिफारस करण्यात येते.