पलाशाची कमतरता

लक्षणे

लक्षणे मुख्यत्वे जुन्या पानांवर दिसतात पण खूपच जास्त कमतरता भासल्यास नवीन पानांवर सुद्धा विकसित होण्यास सुरवात होतात. सौम्य पालाश कमतरतेचे वैशिष्ट्य म्हणजे पानांच्या कडा आणि टोकांमध्ये फिकट पिवळेपणा येऊन कालांतराने हे टोक करपतात. पानांच्या कडा काहीशा फिकट होतात पण मुख्य शिरा मात्र (शिरांमधील पिवळेपणा) हिरव्याच रहातात. जर वेळीच सुधारणा केली नाही तर हे पिवळे चट्टे कोरडे, जाड व खरखरीत किंवा गडद तपकिरी करपल्यासारखे होतात जे बहुधा पानांच्या कडेपासुन सुरु होऊन पानाच्या मध्याकडे पसरतात. तरीपण मुख्य शिरा मात्र हिरव्याच रहातात. पाने गोळा होतात आणि मुडपतात आणि अकालीच गळतात. नवी पाने लहान, निस्तेज, खोलगट वाट्यांसारखी दिसतात. पालाशाची कमतरता असलेल्या झाडांची वाढ खुंटते आणि रोग व दुष्काळ आणि दंव यांसारख्या अन्य तणावांसाठी अधिक संवेदनाक्षम बनतात. काही वेळा फळे खूपच बेढब आकाराची होतात.