निळे पट्टेदार नेटल अळी

कशामुळे झाले

निळ्या पट्टेदार नेटल अळीमुळे हानी होते. ह्या बहुधा उष्णकटिबंधीय प्रदेशात आढळतात आणि पूर्ण वर्षभर उपस्थित असतात. पतंग जीवनचक्राच्या अनेक टप्यातुन जातो. सुरवात अंड्यांपासुन होते जी झाडाच्या पानांवर घातली जातात. ऊबल्यानंतर, छोटे सुरवंट पाने खायला सुरवात करतात. वाढीच्या काळात ते पुष्कळदा कात टाकतात. अखेरीस स्वत:भोवती कोष निर्माण करुन कोषात जातात. काही काळानंतर त्या कोषातुन प्रौढ पतंग बाहेर येतात आणि चक्र पुन्हा सुरु करतात. ह्या किडीच्या अळ्यांचे शरीर हिरव्या रंगाचे असुन तीन फिकट निळे पट्टे असतात आणि ३-४ सें.मी. लांबीच्या असतात. कोष हे एखाद्या पुठ्ठ्याचे आवरण असलेल्या मोठ्या बियांना रेशमाच्या कपड्यात गुंडाळल्यासारखे दिसतात. माद्या आणि नर पतंगांवरील रंगाची रचना सारखीच असते. त्यांची डोकी पिवळसर हिरवी असुन शरीर लालसर तपकिरी असते तर पाय गडद तपकिरी असुन पंखांच्या बाहेरच्या किनारीही तपकिरी असतात.