पसरट पायाचे किडे

कशामुळे झाले

पसरट पायाच्या किड्यांचे मागचे पाय चपटे आणि पानाच्या आकाराचे असतात. हे मध्यम आकाराचे किडे सुमारे २० मि.मी. लांबीचे असतात. हे बहुधा तपकिरी किंवा हिरव्या रंगाचे असतात आणि झाड, फळे, भाज्या तसेच सुक्या मेव्याचा रस शोषण करतात. पसरट पायाच्या किड्यांचे जीवनचक्र मादीने झाडांवर अंडी घातल्याने सुरु होते. अंडी सुमारे १.४ मि.मी. लांबीची, अंडाकृती आकाराची, तांबट ते गडद तपकिरी रंगाची असुन ओळीने घातली जातात. अंडी ऊबुन छोट्या अळ्या बाहेर येतात ज्या प्रौढ किड्यांची छोटी प्रतिकृती असतात. अळ्या प्रौढ होण्यापूर्वी विविध संक्रमणातुन जातात, कात टाकुन नविन होऊन वाढतात. जशा त्या मोठ्या होत जातात तशा त्या अधिकाधिक प्रौढांसारख्या दिसतात आणि पंखही येतात. एकदा का पसरट पायाचे किडे प्रौढ झाले कि मग संभोग करतात आणि अंडी घालतात जिथुन परत नविन चक्र सुरु होते. हवामान आणि खाद्य उपलब्धता ह्याप्रमाणे एका वर्षात पसरट पायाच्या अनेक पिढ्या जन्म घेतात. जेव्हा भरपूर पाऊस पडतो तेव्हा ह्यांचा उपद्रवही भारीच होतो. जेव्हा हिवाळा थोडासा ऊबदार असतो तेव्हा बहुतेक प्रौढ किडे तग धरतात आणि अधिक उपद्रव करतात. काही प्रकारचे पसरट पायाचे किडे फक्त तणातच प्रजनोत्पादन करतात आणि फळधारणेच्या काळात हेच किडे सर्वाधिक उपद्रव करतात.