कॉकशेफर (बीटल किडा)

कशामुळे झाले

मेलोलोंथा नावाच्या चेफर बीटलच्या प्रौढांमुळे नुकसान उद्भवते. ते रंगाने तपकिरी असुन डोके गडद असते. माद्या किडे त्यांची अंडी मातीच्या थराखाली सुमारे १०-२० सेंमी. खोलीवर घालतात. अळ्या पांढुरक्या पिवळ्या, पारदर्शक आणि सुमारे ५ मि.मी. लांबीच्या असतात. पूर्ण वाढ झालेल्या अळ्यांना सोंड असुन खालचा जबडा मजबूत असतो. त्यांचे डोके पिवळसर आणि शरीर पांढरे असुन त्या मांसल असतात तसेच 'C' आकाराच्या असतात. अळ्या ग्रब (जाडजूड होऊन सुस्तावलेल्या) म्हणुन जमिनीत विश्रांती घेतात आणि रोपांची मूळे खातात. त्यांचे जीवनचक्र सुमारे ३-४ वर्षांचे असते. अळीचा तिसरा टप्पा हा फार खादाड असतो ज्यामुळे रोपांना भारी नुकसान होते. मूळे खाल्ली तर जातातच पण त्यात बोगदेही केले जातात ज्यामुळे रोपाचा वरचा भाग मरगळतो आणि मरतो. प्रौढ बीटल्स दिवसा विश्रांती घेतात आणि संध्याकाळच्या सुमारास खाण्याच्या जागेकडे उडुन जातात.