आंब्यावरील मिजमाशी

लक्षणे

लक्षणे प्रामुख्याने पानांवर दिसतात पण क्वचित कळ्यांवर, फुलांवर आणि कोवळ्या फळांवरही दिसतात. या मिजमाशीने संक्रमित केलेल्या भागांवर अनेक छोटे, उंचावलेल्या गाठी किंवा फोड दिसतात. प्रत्येक मश्श्यासारखा दिसणारा फोड किंवा गाठ सुमारे ३-४ मि.मी. आकाराची असुन त्यात पिवळी अळी असते जी झाडाच्या पेशींना खाते. सुरवातीच्या टप्प्यांवर अंडी घातलेली जागा छोट्या लाल ठिपक्यांसारखी दिसतात. जास्त प्रभावित झालेली पाने विकृत होतात आणि त्यांचे प्रकाशसंश्लेषण कमी होऊन अकाली गळतात. संक्रमित फुल उमलत नाहीत. पानांच्या खालच्या बाजुला बाहेर पडण्याची बारीक छिद्रेच फक्त अळ्यांच्या असण्याचा संकेत देतात. या छिद्रातुन बुरशीचे दुय्यम संक्रमण होते. कोवळ्या फळात देखील देठाच्या बडाशी अशी बाहेर पडल्याची छिद्रे दिसतात. गंभीरपणे संक्रमित झालेल्या आंब्याच्या फुटव्यांना बहुधा फुलधारणा होत नाही, ज्यामुळे उत्पादनात मोठी घट होते.