लिंबुवर्गीयावरील काळी माशी

कशामुळे झाले

लिंबुवर्गीयावरील काळी माशी (अल्युरोकँथस वोग्लुमि) हा मूळ आशियाई किडा आहे आणि विविध यजमान झाडांना प्रभावित करतो. हे पांढरी माशीच्या कुटुंबातील आहे पण प्रौढ दिसायला गडद निळसर राखाडी असतात म्हणुन त्यांना काळी माशी म्हटले जाते. प्रौढ फार आळशी, छोटे किडे असतात जे छोट्या अंतरापर्यंतच उडतात पण संध्याकाळच्या वेळी सक्रिय असतात आणि दिवसा पानांच्या खालच्या पृष्ठभागावर विश्रांती घेतात. माद्या गोलाकार संरचनेत पानांच्या खालच्या बाजुला सुमारे १०० सोनेरी रंगाची अंडी घालतात. छोट्या अळ्या चपट्या, लंबगोलाकार असतात आणि खवल्यांसारख्या दिसतात. काळी माशी सोंडेने पानातुन रस शोषण करते आणि त्याचवेळी ती मोठ्या प्रमाणात मधाळ द्रव सोडते. २८-३२ अंश तापमान आणि ७०-८०% सापेक्ष आर्द्रता हे यांच्या विकासासाठी इष्टतम परिस्थिती असते. ही माशी थंड वातावरणात जिवंत राहू शकत नाही.