कॉडलिंग मॉथ (पतंग)

लक्षणे

अळ्यांनी फळांत खाण्यामुळे नुकसान होते. फळांच्या सालीवर आत शिरण्याची उथळ छिद्रे दिसतात आणि जिथे अळ्या मेल्या किंवा त्यांना आत शिरता आले नाही आणि म्हणुन ती जागा सोडुन दुसरीकडे गेल्या ह्याच्याशी संदर्भित असतात. जर यशस्वीपणे आत शिरकाव झाल्यास अळ्या फळाच्या गरांत शिरतात आणि खात-खात गाभ्यातील बियांपर्यंत पोचतात. अशा आत शिरण्याच्या छिद्रांभोवती लाल कडा दिसतात ज्यावर अळ्यांची लालसर तपकिरी, ठिसुळ विष्ठा दिसते. जर फळांना कापले तर छोटे पांढरे सुरवंट काही वेळेस गाभ्याजवळ सापडतात. नुकसानित फळे अकाली पिकतात आणि गळतात किंवा बाजारात विक्रीयोग्य रहात नाहीत. जर नियंत्रण केले गेले नाही तर कोणते वाण लावले आहे आणि कोणत्या भागात लावले आहे ह्याप्रमाणे अळ्या फळांचे खूपच, काही वेळा २०-९०% नुकसान करु शकतात. साठवणीच्या काळात खोल शिरकाव झालेला असल्यास गंभीर समस्या होऊ शकते कारण त्या छिद्रात जंतु आणि बुरशी घर करतात ज्यामुळे कूज होते. लवकर तयार होणार्‍या वाणापेक्षा उशीरा पिकणार्‍या वाणात गंभीर नुकसान दिसुन येते.