घेवड्याच्या पानावरील जिवाणूजन्य करपा

लक्षणे

वाढीच्या कोणत्याही काळात या रोगाचा प्रादुर्भाव होऊ शकतो. झाडाच्या वयाप्रमाणे लक्षणात थोडाफार फरक पडु शकतो. रोपाच्या शेंड्यांना इजा होणे आणि कोणात्मक पाणी शोषल्यासारखे ठिपके मुख्य पानांवर आणि खोडावर येणे ही लक्षणे फक्त संक्रमित बियाण्यांच्या वापरामुळे रोपांवर येतात. दिवसा झाडावर एक वैशिष्ट्यपूर्ण मरगळ दिसते. जर वाढीच्या नंतरच्या काळात प्रादुर्भाव झाल्यास पानांवर लहान, पाणी शोषल्यासारखे व पिवळीधमक कडा असलेले ठिपके तयार होतात. कालांतराने हे तपकिरी करपट ठिपक्यात बदलतात ज्यामुळे झाड करपल्यासारखे दिसते ज्यामुळे पानगळ देखील होऊ शकते. रोगग्रस्त झाडे खुजी राहुन खूप कमी शेंगा लागतात व त्यावर लालसर तपकिरी किंवा विटकरी रंगाचे ठिपके असतात. खोडावर लालसर रेषा येतात व त्या फुटुन त्यातुन पिवळसर पू बाहेर येतो. शेंगा वाढीच्या काळात प्रादुर्भाव झाल्यास, दाणे आक्रसलेले, सुरकुतलेले, सडलेले किंवा रंगहीन दिसु शकतात.