डोळ्यांसारखे तपकिरी ठिपके

लक्षणे

पानांवर सुमारे १५ मि.मी. रुंदीचे गोलाकार, फिकट तपकिरी/राखाडी केंद्रांचे, सभोवताली जाड गडद तपकीरी वर्तुळ असलेले आणि पिवळ्या प्रभावळीचे तपकिरी ठिपके येतात. हे ठिपके बहुधा शिरांमध्ये असतात तसेच कडांपाशीही असतात. काहीवेळा ठिपके वाढुन मोठे धब्बे तयार होतात आणि पानावर करपा होतो. असे बहुधा सुमारे ६०० मी. उंचीवरील थंड, ओल्या भागात होते. फळांवरील संक्रमण बहुधा छोटे, सुमारे ५ मि.मी. रुंद असते पण काही वेळेस ते पूर्ण फळास झाकोळते. सामान्यपणे त्यांचा आकार हा पानांवरील आकारापेक्षा जास्त बेढब असतो आणि मुख्यकरुन सूर्यप्रकाश पडणार्‍या भागात दिसतो. गंभीर बाबतीत, अकाली पानगळ आणि खोडमरही होते.