Fusarium virguliforme
बुरशी
5 mins to read
पानांवर फुले येण्याच्या सुमारास बारीक, फिकट हिरवे गोलाकार ठिपके उमटतात. पानांच्या शिरांमधील भाग पिवळे पडून करपतात. जसजसा रोग वाढतो, शिरांमधील करपट भाग वाळतात आणि गळतात ज्यामुळे पाने फाटल्यासारखी दिसतात. अखेरीस पाने वाळतात, गोळा होतात किंवा गळतात पण देठ मात्र फांदीलाच लटकुन रहातात. कूजीची लक्षणे (तपकिरी रंगहीनता) खालील फांद्या आणि मुख्य मुळांच्या पेशीत दिसतात. फुल गळ होते आणि शेंगा वाढत किंवा भरत नाहीत.
आजपर्यंत तरी या बुरशीविरुद्ध कोणतेही जैविक नियंत्रण ज्ञात नाही. जर आपल्याला काही माहिती असली तर आमच्याशी संपर्क साधा.
नेहमी एकात्मिक दृष्टीकोन ठेवा म्हणजे प्रतिबंधक उपायांबरोबरच उपलब्ध असल्यास जैविक उपचार पद्धतीचा वापर करा. ही बुरशी मुळात रहात असल्यामुळे बुरशीनाशकांची फवारणी परिणामकारक नाही. त्याऐवजी फ्ल्युपायरम सारखी खास बुरशीनाशकांची बीज प्रक्रिया करा.
फ्युसॅरियम व्हिरग्युलिफोर्म बुरशी बीजाणू म्हणुन जमिनीत किंवा संक्रमित पीकांच्या अवशेषात रहातात. वनस्पती वाढीच्या सुरवातीला ते मुळातुन रोपात शिरुन घर करुन संक्रमण करतात पण लक्षणे मात्र फुलोरा येण्याच्या वेळेसच दिसतात. संक्रमणास थंड आणि ओली जमीन अनुकूल असते. सुत्रकृमी, किटक व शेतीउपयोगी अवजारांमुळे झालेले जखमांमुळे या रोगाच्या संक्रमणाची जोखिम वाढते.