पपयीवरील पावडरीसारखी बुरशी (मिल्ड्यु)

लक्षणे

पाणी शोषल्यासारखे डाग पांढुरक्या पावडरी बुरशीने आच्छादिले जातात ते पहिल्यांदा पानांच्या खालच्या बाजुला पुष्कळदा पानांच्या शिरांच्या बाजुला, पानांच्या देठांजवळ आणि फुलांच्या मुळाशी दिसतात. कधी कधी फिकट हिरवे ते पिवळे डाग पानांच्या वरच्या बाजुलाही दिसतात, काही वेळा ते पांढर्‍या बुरशीने आच्छादिलेलेही असतात. हे डाग नंतर नेक्रोटिक तपकिरी होतात आणि पिवळी किनार असते. जास्त बाधीत पाने नंतर सुकतात आणि आतल्या बाजुला गुंडाळली जातात. फळांवर विविध आकाराचे पांढर्‍या बुरशीने आच्छादिलेले डाग दिसतात. संसर्ग बहुधा जुन्या फळे येणार्‍या झाडांना होतो. तरीपण कोवळ्या रोपांतही हा संसर्ग वाढणार्‍या भागांना मारु शकतो, पानगळती होऊ शकते, देठ आणि फळांवर व्रण येतात आणि महत्वाचे म्हणजे पिकाचे नुकसान होते.