पिवळ्या रेषांचा तांबेरा

लक्षणे

झाडाच्या संवेदनशीलतेवर या रोगाची गंभीरता अवलंबुन आहे. संवेदनशील रोपात छोट्या पिवळ्या ते नारिंगी ("तांबट") पुटकुळ्या पानातील शिरांच्या समांतर एका अरुंद रेषेत येतात. त्या अखेरीस एकमेकांत मिसळतात आणि पूर्ण पान ग्रासतात, ही लक्षणे कोवळ्या रोपात लवकर दिसतात. हे फोड (०.५ ते १ मि.मी. व्यासाचे) काही वेळेस खोड आणि ओंबीवरही दिसतात. रोगाच्या नंतरच्या टप्प्यात पानांवर लांब, करपट, फिकट तपकिरी पट्टे किंवा धब्बे दिसतात जे बहुधा तांबट पुटकुळ्यांनी भरलेले असतात. गंभीर संक्रमणात झाडाची वाढ चांगलीच खुंटते आणि पेशींना नुकसान होते. पानांचा भाग कमी झाल्याने उत्पादन कमी होते, ओंब्या कमी येतात आणि दर ओंबीत दाणेही कमी भरतात. एकूणच, या रोगामुळे उत्पादनात गंभीर नुकसान होऊ शकते.