ಸುಳಿ ನೊಣ

ಅದಕ್ಕೆ ಏನು ಕಾರಣ

ಆಥೆರಿಗೊನಾ ಕುಲಕ್ಕೆ ಸೇರಿದ ಹಲವಾರು ನೊಣಗಳ ಲಾರ್ವಾಗಳಿಂದ ಹಾನಿ ಉಂಟಾಗುತ್ತದೆ. ಈ ಸಣ್ಣ, ಬೂದುಬಣ್ಣದ ನೊಣಗಳು ವಿವಿಧ ಸಸ್ಯಗಳನ್ನು ತಿನ್ನುತ್ತವೆ ಮತ್ತು ಗೋಧಿ, ಮೆಕ್ಕೆ ಜೋಳ ಮತ್ತು ಹುಲ್ಲು ಜೋಳದಂತಹ ಪ್ರಮುಖ ಬೆಳೆಗಳ ಮೇಲೂ ದಾಳಿಮಾಡುತ್ತವೆ. ಮೆಣಸು, ಬೀನ್ಸ್ ಅಥವಾ ಮಸೂರಗಳಂತಹ ಇತರ ಸಸ್ಯಗಳ ಮೇಲೂ ಸಹ ಪರಿಣಾಮ ಬೀರಬಹುದು. ಹೆಣ್ಣುಗಳು ಒಂದು, ಗುಂಪಾಗಿ ಅಥವಾ ಅಪರೂಪಕ್ಕೆ ಜೋಡಿಯಾಗಿ ಕಾಂಡಗಳ ಮೇಲೆ ಅಥವಾ ಮಣ್ಣಿನ ಮೇಲೆ ಸಸಿಗಳ ತಳದಲ್ಲಿ (3-4-ಎಲೆಗಳ ಹಂತ ಅನುಕೂಲಕರ) ಮೊಟ್ಟೆಗಳನ್ನು ಇಡುತ್ತವೆ. ಹಟ್ಟಿ ಗೊಬ್ಬರದ ಬಳಕೆ ಹೆಚ್ಚು ಹೆಣ್ಣು ನೊಣಗಳನ್ನು ಆಕರ್ಷಿಸುತ್ತದೆ ಮತ್ತು ಮೊಟ್ಟೆ ಇಡುವಿಕೆಯನ್ನು ಹೆಚ್ಚಿಸುತ್ತದೆ. ಹೊಸದಾಗಿ ಹೊರಹೊಮ್ಮಿದ ಲಾರ್ವಾಗಳು ಕೊಳವೆಯಾಕಾರದಲ್ಲಿದ್ದು, ಬಿಳಿ ಬಣ್ಣದಲ್ಲಿರುತ್ತವೆ. ಅವು ಸಸ್ಯದ ಮೇಲಕ್ಕೇರಿ ಹೊಸ ಚಿಗುರಿನ ನವಿರಾದ ಭಾಗಗಳನ್ನು, ಸಾಮಾನ್ಯವಾಗಿ ಮೊದಲ ಎಲೆ ಕವಚಕ್ಕಿಂತ ಮೇಲಿನ ಭಾಗವನ್ನು ತಿನ್ನಲು ತಮ್ಮ ಬಾಯಿಕೊಕ್ಕೆಯನ್ನು ಬಳಸುತ್ತವೆ. ಕೋಶಾವಸ್ಥೆ ಕಾಂಡದ ತಳದಲ್ಲಿ ಸಾಮಾನ್ಯವಾಗಿ ಸಂಭವಿಸುತ್ತದೆ. ಈ ನೊಣಗಳು ಕೇಂದ್ರ ಮತ್ತು ಆಗ್ನೇಯ ಏಷ್ಯಾದ ಕೃಷಿಯಲ್ಲಿ ಬಹಳ ಹಾನಿಕಾರಕ ಕೀಟಗಳಾಗಬಹುದು.