ಕಲ್ಲಂಗಡಿ ಹಣ್ಣಿನ ನೊಣ

ಅದಕ್ಕೆ ಏನು ಕಾರಣ

ಎಳೆ ಹಣ್ಣುಗಳ ಚರ್ಮದ ಅಡಿಯಲ್ಲಿ ಮೊಟ್ಟೆಗಳನ್ನು ಗುಂಪುಗಳಾಗಿ ಇಡಲಾಗುತ್ತದೆ. ಮರಿಹುಳುಗಳು ಸಂಪೂರ್ಣವಾಗಿ ಬೆಳೆದಾಗ 10-12 ಮಿ.ಮೀ ಉದ್ದವಿರುತ್ತವೆ ಮತ್ತು ಹಣ್ಣುಗಳ ತಿರುಳಿನೊಳಗೆ ಕೊರೆದುಕೊಂಡು ಹೋಗುವ ಮೂಲಕ ಹಾನಿಯುಂಟುಮಾಡುತ್ತವೆ. ಪ್ಯೂಪೇಶನ್ 10 ದಿನಗಳವರೆಗೆ ಇರುತ್ತದೆ, ಸಾಮಾನ್ಯವಾಗಿ ಇದು ಮಣ್ಣಿನಲ್ಲಿ ನಡೆಯುತ್ತದೆ, ಆದರೆ ಕೆಲವೊಮ್ಮೆ ಹಣ್ಣುಗಳಲ್ಲಿ ಕೂಡ ಇರುತ್ತದೆ. ಪ್ಯೂಪಾಗಳು ಅಂಡಾಕಾರದ, ಕಂದು ಬಣ್ಣದ ಮತ್ತು 6-8 ಮಿಮೀ ಉದ್ದದ ಗೂಡುಗಳಲ್ಲಿ ಬೆಳೆಯುತ್ತವೆ. ಅತ್ಯಂತ ಒಣ ಪ್ರದೇಶಗಳಲ್ಲಿ ಪ್ಯೂಪಾ ಕುಂಠಿತ ವಿಕಾಸ(ಡೈಯಾಪಾಸ್) ಹಂತಕ್ಕೆ ಹೋಗಬಹುದು. ಪ್ರೌಢ ನೊಣಗಳು ಕಂದು ಬಣ್ಣದ ತಲೆ ಮತ್ತು ಹಿಂಭಾಗದಲ್ಲಿ ಮೂರು ಪ್ರಕಾಶಮಾನವಾದ ಹಳದಿ ಪಟ್ಟಿಯೊಂದಿಗೆ 8-10 ಮಿಮೀ ಉದ್ದವಿರುತ್ತವೆ. ಅವು ಮಕರಂದ, ಹಾನಿಗೊಳಗಾದ ಹಣ್ಣಿನ ರಸ ಮತ್ತು ಸಸ್ಯದ ರಸವನ್ನು ತಿನ್ನುತ್ತವೆ. ರೆಕ್ಕೆಗಳು 12-15 ಮಿಮೀ ಉದ್ದವಿದ್ದು ತುದಿಯಲ್ಲಿ ಗಾಢ ಕಂದು ಬಣ್ಣದ ಪಟ್ಟಿಯೊಂದಿಗೆ ಪಾರದರ್ಶಕವಾಗಿರುತ್ತವೆ. ಜೀವನ ಚಕ್ರವು 3-4 ವಾರಗಳನ್ನು ತೆಗೆದುಕೊಳ್ಳುತ್ತದೆ ಮತ್ತು ವರ್ಷಕ್ಕೆ ಹಲವು ಬಾರಿ ಪುನರಾವರ್ತಿಸುತ್ತದೆ.