ಕೆಂಪು ಕೂದಲುಳ್ಳ ಕ೦ಬಳಿಹುಳು

ಅದಕ್ಕೆ ಏನು ಕಾರಣ

ಮಾನ್ಸೂನ್ ಮಳೆ ನಂತರ ತಕ್ಷಣವೇ ಮಣ್ಣಿನಲ್ಲಿ ವಯಸ್ಕ ಪತಂಗ ಹೊರಹೊಮ್ಮುತ್ತದೆ. ಇದರ ದೇಹದ ಮೇಲೆ ಬಿಳಿ ಗೆರೆಗಳಿರುವ ತಿಳಿ ಕಂದು ಬಣ್ಣದ ಮುಂಭಾಗದ ರೆಕ್ಕೆಗಳಿರುತ್ತವೆ ಮತ್ತು ಮುಂಭಾಗದ ಅಂಚಿನಲ್ಲಿ ಹಳದಿ ಬ್ಯಾಂಡ್ ಅನ್ನು ಹೊಂದಿರುತ್ತದೆ. ಅದರ ಹಿಂಬದಿಯ ರೆಕ್ಕೆಗಳು ವಿಶಿಷ್ಟವಾದ ಕಪ್ಪು ಚುಕ್ಕೆಗಳನ್ನು ಹೊಂದಿರುವ ಬಿಳಿ ಬಣ್ಣದಲ್ಲಿರುತ್ತವೆ. ಹೆಣ್ಣುಗಳು ಎಲೆಗಳ ಕೆಳಭಾಗದಲ್ಲಿ ಅಥವಾ ಮಣ್ಣಿನ ಉಳಿಕೆಗಳ ಮೇಲೆ ಸಮೂಹಗಳಲ್ಲಿ ಸುಮಾರು 1000 ಕೆನೆ ಹಳದಿ ಬಣ್ಣದ ಮೊಟ್ಟೆಗಳನ್ನು ಇಡುತ್ತವೆ. ತಿಳಿ- ಕಂದುಬಣ್ಣದ ಕಿರಿಯ ಲಾರ್ವಾಗಳು ಕೂದಲುರಹಿತವಾಗಿವೆ ಮತ್ತು ಎಲೆಗಳ ಮೇಲೆ ಗುಂಪಾಗಿ ಜೀವಿಸುತ್ತಾ ಆಹಾರವನ್ನು ತಿನ್ನುತ್ತವೆ. ಪ್ರೌಢ ಲಾರ್ವಾಗಳು ಕೆಂಪಾಗಿನ ಕಂದು ಬಣ್ಣದ್ದಾಗಿದ್ದು ಅವುಗಳ ಪಾರ್ಶ್ವದಲ್ಲಿ ಕಪ್ಪು ಬ್ಯಾಂಡ್ ಇರುತ್ತದೆ ಮತ್ತು ದೇಹದ ಮೇಲೆ ಉದ್ದನೆಯ ಕೆಂಪು ಕೂದಲುಗಳಿರುತ್ತವೆ. ಅವು ಹೆಚ್ಚು ಸಕ್ರಿಯವಾಗಿರುತ್ತವೆ ಮತ್ತು ವಿನಾಶಕಾರಿಯಾಗಿವೆ. ಅವುಗಳು ಮರಗಳು, ಪೊದೆಗಳು ಅಥವಾ ನೆರಳಿನ ಮೂಲೆಗಳಲ್ಲಿ ಮಣ್ಣಿನೊಳಗೆ 10 ರಿಂದ 20 ಸೆಂ.ಮೀ.ವರೆಗೂ ತೋಡುತ್ತವೆ ಮತ್ತು ಪ್ರೌಢತೆಯ ಮೊದಲು ಸುಮಾರು 10 ತಿಂಗಳುಗಳವರೆಗೆ ಅಲ್ಲಿ ಪ್ಯೂಪೆಯಾಗಿ ಉಳಿಯುತ್ತವೆ.