ಮಾವು
ಮಾವಿನ ಎಲೆ ಲೇಪ ಹುಳು
Cisaberoptus kenyae
ಹುಳು
5 mins to read
ಸಂಕ್ಷಿಪ್ತವಾಗಿ
- ಎಲೆಯ ಮೇಲಿನ ಮೇಲ್ಮೈಯಲ್ಲಿ ಬಿಳಿ ಲೇಪನ.
- ಎಲೆಗಳ ಬಣ್ಣಗೆಡುವಿಕೆ.
- ಎಲೆ ಉದುರುವಿಕೆ.
ಇವುಗಳಲ್ಲಿ ಸಹ ಕಾಣಬಹುದು
ಮಾವು
ರೋಗಲಕ್ಷಣಗಳು
ಹುಳಗಳು ಗುಂಪುಗಳಾಗಿ ವಾಸಿಸುತ್ತವೆ ಮತ್ತು ಎಲೆಯ ಮೇಲಿನ ಮೇಲ್ಮೈಯಲ್ಲಿ ಬಿಳಿ ಅಥವಾ ಮೇಣದ ಲೇಪನವನ್ನು ರಚಿಸುತ್ತವೆ. ಈ ಲೇಪನವು ಬಿಳಿಯ ಎಳೆಗಳಾಗಿ ಮತ್ತಷ್ಟು ಬೆಳೆಯುತ್ತವೆ ಮತ್ತು ಅದು ಇಡೀ ಎಲೆಯನ್ನು ಆವರಿಸುವ ಬೆಳ್ಳಿಯ ಪೊರೆಯಾಗಿ ಗಟ್ಟಿಯಾಗುತ್ತದೆ. ಹುಳಗಳು ಎಲೆಗಳಿಂದ ಸಸ್ಯದ ಸಾರವನ್ನು ಹೀರಿಕೊಳ್ಳುತ್ತವೆ. ಇದರಿಂದ ಎಲೆಗಳು ಬಣ್ಣಗೆಡುತ್ತವೆ. ತೀವ್ರವಾಗಿ ಮುತ್ತಿಕೊಂಡಿರುವ ಎಲೆಗಳು ಒಣ ಮತ್ತು ಕಂದು-ಕಪ್ಪು ಬಣ್ಣದಲ್ಲಿ ಕಾಣಿಸಿಕೊಳ್ಳುತ್ತವೆ. ಬಾಧಿತ ಎಲೆಗಳು ಹಳದಿ ಬಣ್ಣಕ್ಕೆ ತಿರುಗಿ ನಂತರ ಉದುರುತ್ತವೆ.
Recommendations
ಜೈವಿಕ ನಿಯಂತ್ರಣ
ಇದು ಸಣ್ಣ ಕೀಟವಾಗಿದ್ದು, ಹಣ್ಣಿನ ಇಳುವರಿಯನ್ನು ಕಡಿಮೆ ಮಾಡವುದಿಲ್ಲವಾದ್ದರಿಂದ ಅದನ್ನು ಜೈವಿಕವಾಗಿ ನಿಯಂತ್ರಿಸುವುದು ಅನಿವಾರ್ಯವಲ್ಲ. ಉತ್ತಮ ನಿರ್ವಹಣಾ ಅಭ್ಯಾಸಗಳನ್ನು ಬೆಳೆಸಿಕೊಂಡರೆ ಸಾಕು.
ರಾಸಾಯನಿಕ ನಿಯಂತ್ರಣ
ಲಭ್ಯವಿದ್ದರೆ ಜೈವಿಕ ಚಿಕಿತ್ಸೆಗಳೊಂದಿಗೆ ತಡೆಗಟ್ಟುವ ಕ್ರಮಗಳಿರುವ ಸಂಯೋಜಿತ ವಿಧಾನವನ್ನು ಯಾವಾಗಲೂ ಪರಿಗಣಿಸಿ. ಇದು ಸಣ್ಣ ಕೀಟವಾಗಿದ್ದು, ಹಣ್ಣಿನ ಇಳುವರಿಯಲ್ಲಿ ಇಳಿಕೆಗೆ ಕಾರಣವಾಗುವುದಿಲ್ಲವಾದ್ದರಿಂದ ಮುತ್ತಿಕೊಳ್ಳುವಿಕೆಗೆ ರಾಸಾಯನಿಕ ಮಿಟಿಸೈಡ್‌ಗಳನ್ನು ಬಳಸುವುದು ಅನಿವಾರ್ಯವಲ್ಲ.
ಅದಕ್ಕೆ ಏನು ಕಾರಣ
ಎಲೆ ಲೇಪನ ಹುಳುಗಳ ಎಲ್ಲಾ ಸಕ್ರಿಯ ಜೀವನ ಹಂತಗಳಿಂದ ಹಾನಿ ಉಂಟಾಗುತ್ತದೆ. ಹುಳು ತುಂಬಾ ಚಿಕ್ಕದಾಗಿದ್ದು, ಸಾಮಾನ್ಯವಾಗಿ ಸುಮಾರು 0.2 ಮಿ.ಮೀ ಇರುತ್ತದೆ. ಮತ್ತು ಅದನ್ನು ಬರಿಗಣ್ಣಿನಿಂದ ನೋಡಲು ಸಾಧ್ಯವಾಗುವುದಿಲ್ಲ. ಇದು ತಿಳಿ ಬಣ್ಣದಲ್ಲಿದ್ದು, ಸಿಗಾರ್ ಆಕಾರದಲ್ಲಿರುತ್ತದೆ. ಮೊಟ್ಟೆಗಳು ಮಸುಕಾದ ಬಿಳಿ ಬಣ್ಣದಲ್ಲಿದ್ದು, ದುಂಡಗೆ ಮತ್ತು ಚಪ್ಪಟೆಯಾಗಿರುತ್ತವೆ. ಎಲ್ಲಾ ಸಕ್ರಿಯ ಜೀವನ ಹಂತಗಳು ಎಲೆಗಳ ಲೇಪನದ ಕೆಳಗೆಯೇ ನಡೆಯುತ್ತವೆ ಮತ್ತು ಸಸ್ಯದಿಂದ ಸಾರವನ್ನು ಹೀರುತ್ತವೆ. ಹುಳಗಳು ಸಾಮಾನ್ಯವಾಗಿ ಬೆಳೆದ ಅಥವಾ ನಿರ್ಲಕ್ಷಿಸಲ್ಪಟ್ಟ ಮಾವಿನ ಮರಗಳಿಗೆ ಮಾತ್ರ ಸೋಂಕು ತರುತ್ತವೆ. ಹುಳಗಳ ಸಂಖ್ಯೆಯು ಮಾರ್ಚ್‌ನಲ್ಲಿ ಗರಿಷ್ಠ ಮಟ್ಟವನ್ನು ಮತ್ತು ಡಿಸೆಂಬರ್‌ನಲ್ಲಿ ಕನಿಷ್ಠ ಮಟ್ಟವನ್ನು ತಲುಪುತ್ತದೆ. ಬೇಸಿಗೆಯ ತಿಂಗಳುಗಳಲ್ಲಿ ಮುತ್ತುವಿಕೆ ತೀವ್ರವಾಗಿರುತ್ತದೆ.
ಮುಂಜಾಗ್ರತಾ ಕ್ರಮಗಳು
- ಸುಗ್ಗಿಯ ನಂತರ ಬಾಧಿತ ಚಿಗುರುಗಳನ್ನು ಕತ್ತರಿಸಿ.
- ಬಿಳಿ ಲೇಪನವಿರುವ ಎಲೆಗಳನ್ನು ತೆಗೆದುಹಾಕಿ ಮತ್ತು ನಾಶಮಾಡಿ.
- ಮುತ್ತುವಿಕೆಯನ್ನು ತಡೆಯಲು ಮತ್ತು ಕಡಿಮೆ ಮಾಡಲು, ಎಲೆಗಳನ್ನು ತಲುಪುವ ಬೆಳಕು ಮತ್ತು ಗಾಳಿಯ ಪ್ರಮಾಣವನ್ನು ಹೆಚ್ಚಿಸಲು ಸಸ್ಯಗಳನ್ನು ಸಮರಿ.
ಶೇರ್ ಮಾಡು
ಪ್ಲಾಂಟಿಕ್ಸ್ ಡೌನ್‌ಲೋಡ್ ಮಾಡಿಕೊಳ್ಳಿ
