ಹತ್ತಿಯ ದುಂಡಾಣು ಅಂಗಮಾರಿ/ಬ್ಯಾಕ್ಟೀರಿಯಲ್ ಬ್ಲೈಟ್

ರೋಗಲಕ್ಷಣಗಳು

ಈ ರೋಗ ತಗುಲಿದ ಶುರುವಿನಲ್ಲಿ ಎಲೆಗಳ ಮೇಲೆ, ಕಾಂಡದಲ್ಲಿ ಮತ್ತು ಬೀಜಕೋಶಗಳಲ್ಲಿ ವಕ್ರವಾದ, ಮೇಣದಂತಹ ನೀರಲ್ಲಿ ನೆನೆಸಿದಂತಹ ಚುಕ್ಕೆಗಳು ಕಾಣಿಸಿಕೊಳ್ಳುತ್ತವೆ. ಈ ಚುಕ್ಕೆಗಳಿಗೆ ಕೆಂಪು ಅಥವಾ ಕಂದು ಬಣ್ಣದ ಅಂಚು ಇರುತ್ತದೆ. ಹತ್ತಿ ಎಲೆಯ ಸೂಕ್ಷ್ಮವಾದ ನಾಳಗಳು ಅಡ್ಡ ಇರುವ ಕಾರಣ ಗಾಯಗಳು ವಕ್ರವಾಗಿರುವಂತೆ ಕಾಣುತ್ತವೆ. ಕೆಲವು ಸಲ ಎಲೆಯ ದಳಗಳ ಮೇಲಿರುವ ಕಲೆಗಳು ಎಲೆಯ ಮುಖ್ಯ ನಾಳಗಳ ಉದ್ದಕ್ಕೂ ಹರಡಬಹುದು. ರೋಗ ಉಲ್ಬಣಿಸಿದಂತೆ ಈ ಗಾಯಗಳು ಕ್ರಮೇಣ ಕಂದು ಬಣ್ಣದ ನಿರ್ಜೀವ ಪ್ರದೇಶಗಳಾಗಿ ಬದಲಾಗುತ್ತವೆ. ಕಾಂಡಗಳಿಗೆ ತಗುಲಿದ ಸೋಂಕಿನಿಂದಾಗಿ ನಾಳೀಯ ಅಂಗಾಂಶಗಳ ಸುತ್ತ ಕಪ್ಪು ಕ್ಯಾಂಕರ್ ಬೆಳೆಯುತ್ತದೆ. ಇದರಿಂದಾಗಿ ಕ್ಯಾಂಕರ್ ಬಂದಿರುವ ಸ್ಥಳದ ಮೇಲಿನ ಭಾಗಗಳು ಸಾಯುತ್ತವೆ ಮತ್ತು ಅಕಾಲಿಕವಾಗಿ ಎಲೆಗಳು ಉದುರುತ್ತವೆ. ಬ್ಯಾಕ್ಟೀರಿಯಾವನ್ನು ಹೊಂದಿರುವ ಬಿಳಿ ಮೇಣದಂಥ ಪದರ ಹಳೆಯ ಕಲೆಗಳು ಅಥವಾ ಕ್ಯಾಂಕರ್ಗಳ ಮೇಲೆ ಮೂಡಬಹುದು. ಬೀಜಕೋಶಗಳು ಹಾನಿಗೊಳಗಾಗಬಹುದು, ಅದರಿಂದ ಬೀಜಕೋಶ ಮತ್ತು ಬೀಜಗಳು ಕೊಳೆಯುವುದು, ಮತ್ತು ಹತ್ತಿ ನಾರು ಬಣ್ಣಗೆಡುವುದು. ಸೋಂಕಿಗೆ ಒಳಗಾದ ಬೀಜಕೋಶಗಳಲ್ಲಿ ಆರಂಭದಲ್ಲಿ ನೀರಿನಲ್ಲಿ ನೆನೆಸಿದಂತೆ ಕಾಣುವ ದುಂಡಗಿನ ಗಾಯಗಳನ್ನು ಕಾಣಬಹುದು. ಸೋಂಕು ಹೆಚ್ಚಿದಂತೆ, ಬೀಜಕೋಶಗಳ ಗಾಯಗಳು ಗುಳಿಬಿದ್ದು ಗಾಢ ಕಂದು ಅಥವಾ ಕಪ್ಪು ಬಣ್ಣಕ್ಕೆ ತಿರುಗುತ್ತವೆ.