ದ್ರಾಕ್ಷಿಯ ಎಲೆ ಸುರುಳಿ ವೈರಸ್

ರೋಗಲಕ್ಷಣಗಳು

ವಿವಿಧ ದ್ರಾಕ್ಷಿ ತಳಿಗಳು ವೈರಸ್ ಗಳಿಗೆ ಒಳಗಾಗುವ ಪ್ರಮಾಣವನ್ನು ಅವಲಂಬಿಸಿ ರೋಗಲಕ್ಷಣಗಳು ವ್ಯತ್ಯಾಸಗೊಳ್ಳುತ್ತವೆ ಮತ್ತು ಬೇಸಿಗೆಯ ಕೊನೆಯಲ್ಲಿ ಅಥವಾ ಶರತ್ಕಾಲದಲ್ಲಿ ಇವು ಅತೀ ಹೆಚ್ಚಾಗಿ ಕಂಡುಬರುತ್ತವೆ. ಕೆಂಪು-ಸಿಪ್ಪೆ ಪ್ರಭೇದಗಳಲ್ಲಿ, ನಾಳಗಳ ನಡುವಿನ ಎಲೆಯ ಅಂಗಾಂಶಗಳು ಕಡು ಕೆಂಪು ಮತ್ತು ನೇರಳೆ ಬಣ್ಣಕ್ಕೆ ತಿರುಗುತ್ತವೆ ಮತ್ತು ಅಂಚುಗಳು ಕೆಳಕ್ಕೆ ಮಡಚಿಕೊಂಡು, ಬಟ್ಟಲಿನ ಆಕಾರ ಪಡೆಯುತ್ತವೆ, ಬಿಳಿ ಪ್ರಭೇದಗಳಲ್ಲಿ, ಎಲೆಯ ಅಂಗಾಂಶವು ಹಳದಿ ಬಣ್ಣಕ್ಕೆ ತಿರುಗುತ್ತದೆ ಮತ್ತು ಎಲೆಯ ಅಂಚು ಸುರುಳಿ ಸುತ್ತಿ ಬಟ್ಟಲಿನಾಕಾರ ಪಡೆಯುತ್ತದೆ. ಸಾಮಾನ್ಯವಾಗಿ, ಮುಖ್ಯ ನಾಳ ಹಸಿರು ಬಣ್ಣದಲ್ಲೇ ಉಳಿಯಬಹುದು. ಅಥವಾ ಕೆಲವು ಸಂದರ್ಭಗಳಲ್ಲಿ ಸಂಪೂರ್ಣ ಎಲೆಯ ಅಂಗಾಂಶಗಳು ಬಣ್ಣ ಕಳೆದುಕೊಳ್ಳಬಹುದು. ಬಳ್ಳಿಗಳ ಬೆಳವಣಿಗೆ ಕುಂಠಿತವಾಗುತ್ತದೆ. ಗಿಡ್ಡ ಕಾಂಡಗಳು ಮತ್ತು ಸಣ್ಣ ಮೇಲ್ಚಾವಣಿಯನ್ನು ಹೊಂದಿರುತ್ತವೆ. ಕಾಲಾನಂತರ, ರೋಗದಿಂದ ಹಣ್ಣಾಗುವುದು ತಡವಾಗಬಹುದು ಮತ್ತು ಅಸಮವಾಗಬಹುದು. ಜೊತೆಗೆ, ಸಕ್ಕರೆ ಅಂಶದಲ್ಲಿ ಇಳಿಕೆ, ಹಣ್ಣು ಬಣ್ಣ ಕಳೆದುಕೊಳ್ಳುವುದು ಮತ್ತು ಆಮ್ಲೀಯತೆಯ ಹೆಚ್ಚಳಕ್ಕೆ ಕಾರಣವಾಗಬಹುದು. ವರ್ಷ ಕಳೆದಂತೆ, ದ್ರಾಕ್ಷಿಬಳ್ಳಿಗಳ ಸಂಖ್ಯೆ ಕುಸಿಯುವುದು ಸ್ಪಷ್ಟವಾಗಿ ಗೊತ್ತಾಗುತ್ತದೆ. ಇದರಿಂದಾಗಿ ದ್ರಾಕ್ಷಿತೋಟಗಳ ಜೀವಿತಾವಧಿ ಕಡಿಮೆಯಾಗುತ್ತದೆ. ಇದು ಪ್ರಪಂಚದಾದ್ಯಂತ ದ್ರಾಕ್ಷಿತೋಟಗಳನ್ನು ಕಾಡುವ ಗಂಭೀರ ರೋಗವಾಗಿದೆ.