ಮೆಕ್ಕೆ ಜೋಳದ ಮಾರಕ ನೆಕ್ರೋಸಿಸ್ ರೋಗ

ರೋಗಲಕ್ಷಣಗಳು

ಆರಂಭಿಕ ಸೋಂಕಿನ ಹಂತಗಳಲ್ಲಿ ಎಲೆಗಳಲ್ಲಿ ಹಳದಿ-ಹಸಿರು ಬಣ್ಣದ ಮಚ್ಚೆ ಮಾದರಿಯನ್ನು ಕಾಣಬಹುದು. ಅವು ಸಾಮಾನ್ಯವಾಗಿ ನಾಳಗಳಿಗೆ ಸಮಾನಾಂತರವಾಗಿರುತ್ತವೆ ಮತ್ತು ತಳದಲ್ಲಿ ಪ್ರಾರಂಭವಾಗುತ್ತವೆ. ರೋಗವು ಮುಂದುವರೆದಂತೆ, ಸಾಮಾನ್ಯವಾಗಿ ಅಂಚುಗಳಿಂದ ಮಧ್ಯ ನಾಳದ ಕಡೆಗೆ ಎಲೆಗಳು ಒಣಗುತ್ತವೆ. ಸೋಂಕು ತೀವ್ರವಾಗಿದ್ದಾಗ, ಈ ರೋಗವು ನಿಧಾನವಾಗಿ ಸಸ್ಯದ ಉಳಿದ ಭಾಗಗಳಿಗೆ ಹರಡುತ್ತದೆ ಮತ್ತು ಕತ್ತರಿಸಿದ ಕಾಂಡ ಭಾಗಗಳಲ್ಲಿ ನಿರ್ಜೀವಗೊಂಡ ಕೋಶಗಳು ಗೋಚರಿಸುತ್ತವೆ. ಸೋಂಕಿತ ಸಸ್ಯಗಳ ಬೆಳವಣಿಗೆ ಕುಂಠಿತಗೊಳ್ಳುತ್ತದೆ, ಹೂಗೊಂಚಲುಗಳು ಬರಡಾಗುತ್ತವೆ, ಮತ್ತು ತೆನೆಗಳು ವಿರೂಪವಾಗಿರುತ್ತವೆ, ಚಿಕ್ಕದಾಗಿರುತ್ತವೆ ಮತ್ತು ಅವುಗಳೊಳಗೆ ಕಾಳುಗಳು ಸರಿಯಾಗಿ ಬೆಳೆದಿರುವುದಿಲ್ಲ. ಸೋಂಕಿತ ಸಸ್ಯಗಳು ದುರ್ಬಲಗೊಳ್ಳುತ್ತವೆ ಮತ್ತು ಅವಕಾಶವಾದಿ ಶಿಲೀಂಧ್ರಗಳು ಮತ್ತು ನೆಮಟೋಡ್ಗಳಿಗೆ ಗುರಿಯಾಗುತ್ತವೆ ಮತ್ತು ಇದರಿಂದ ಅಂಗಾಂಶಗಳಲ್ಲಿ ಕೊಳೆತವುಂಟಾಗುತ್ತದೆ ಮತ್ತು ಧಾನ್ಯದ ಪ್ರಮಾಣ ಮತ್ತು ಗುಣಮಟ್ಟ ಕ್ಷೀಣಿಸುತ್ತದೆ.