ಬಂಚಿ ಟಾಪ್ ವೈರಸ್

ರೋಗಲಕ್ಷಣಗಳು

ವೈರಸ್, ಎಲ್ಲಾ ಬೆಳವಣಿಗೆಯ ಹಂತಗಳಲ್ಲೂ, ಎಲ್ಲಾ ಸಸ್ಯ ಭಾಗಗಳ ಮೇಲೂ ಪರಿಣಾಮ ಬೀರಬಹುದು. ಆರಂಭಿಕ ರೋಗಲಕ್ಷಣಗಳೆಂದರೆ ಹೊಸ ಎಲೆಗಳ ಕೆಳ ಭಾಗದಲ್ಲಿ ತೊಟ್ಟುಗಳ, ಮಧ್ಯನಾಳಗಳ ಮತ್ತು ಸಿರೆಗಳ ಮೇಲೆ ಗಾಢ-ಹಸಿರು ಗೆರೆಗಳು ಗೋಚರಿಸುತ್ತವೆ. ನಂತರ ಎಲೆಗಳೂ ಕೂಡ ಈ ಸಣ್ಣ ಗಾಢ ಹಸಿರು ಚುಕ್ಕೆಗಳು ಮತ್ತು ಎಲೆಯ ಸಿರೆಗಳಿಗೆ ಸಮಾನಾಂತರವಾಗಿ ಗೆರೆಗಳನ್ನೂ (ಮೋರ್ಸ್ ಕೋಡ್ ಮಾದರಿ ಎನ್ನಲಾಗುವ) ತೋರಿಸಬಹುದು. ಬಾಧಿತ ಎಲೆಗಳ ಬೆಳವಣಿಗೆ ಕುಂಠಿತವಾಗಿರುತ್ತದೆ. ತೆಳ್ಳಗಿರುತ್ತವೆ ಮತ್ತು ನೆಟ್ಟಗಿರುತ್ತವೆ. ಸುರುಳಿಯಂತಹ, ಕ್ಲೋರೋಟಿಕ್ ಅಂಚುಗಳನ್ನು ಹೊಂದಿರುತ್ತವೆ. ಇವು ಮುಂದೆ ಕೊಳತಂತೆ ಆಗುತ್ತವೆ. ಮುಂದುವರಿದ ಸೋಂಕಿನ ಹಂತಗಳಲ್ಲಿ ಹೊಸ ಎಲೆಗಳಲ್ಲಿ ಈ ರೋಗಲಕ್ಷಣಗಳು ತುಂಬಾ ಹೆಚ್ಚಾಗಿರುತ್ತವೆ. ಗಿಡದ ಮೇಲ್ಭಾಗವು ಚಿಕ್ಕದಾದ ಹಸಿರು ಅಥವಾ ಹಳದಿ ಎಲೆಗಳನ್ನು ಗುಂಪಾಗಿ ಹೊಂದುವ ಮೂಲಕ "ಬಂಚೀ ಟಾಪ್ " ಲಕ್ಷಣ ತೋರಿಸುತ್ತವೆ. ಒಟ್ಟಾರೆ ಬೆಳವಣಿಗೆ ಕುಂಠಿತಗೊಂಡಿರುತ್ತದೆ ಮತ್ತು ಸಸ್ಯವು ಗೊನೆ ಅಥವಾ ಹಣ್ಣುಗಳನ್ನು ಉತ್ಪಾದಿಸುವುದಿಲ್ಲ. ಉತ್ಪಾದಿಸಿದರೂ ಕೂಡ, ಹಣ್ಣುಗಳು ವಿರೂಪಗೊಳ್ಳುತ್ತವೆ ಮತ್ತು ಸಣ್ಣದಾಗಿರುತ್ತವೆ.