ಕ್ಯಾರೆಟ್‌ನ ಬ್ಲೈಟ್ ರೋಗ (ಕ್ಯಾರೆಟ್ ಎಲೆ ಮುದುಡು ರೋಗ)

ಅದಕ್ಕೆ ಏನು ಕಾರಣ

ಈ ರೋಗವು ಆಲ್ಟರ್ನೇರಿಯಾ ಡಾಸಿ ಎಂಬ ಶಿಲೀಂಧ್ರದಿಂದ ಉಂಟಾಗುತ್ತದೆ. ಇದು ರೋಗಪೀಡಿತ ಅಥವಾ ಕಲುಷಿತ ಬೀಜಗಳ ಮೂಲಕ ಹರಡಬಹುದು ಮತ್ತು ಕೊಯ್ಲಿನ ನಂತರ ಹೊಲದಲ್ಲಿ ಉಳಿಯುವ ಸಸ್ಯದ ತ್ಯಾಜ್ಯ ಹಾಗೂ ತಾನಾಗಿಯೇ ಬೆಳೆಯುವ ಕ್ಯಾರೆಟ್ ಗಿಡಗಳ ಮೇಲೆ ಚಳಿಗಾಲವನ್ನು ಕಳೆಯಬಲ್ಲದು. ಬದುಕಿರುವ ಸಸ್ಯದ ಭಾಗಗಳಿಲ್ಲದೆ ಈ ಶಿಲೀಂಧ್ರವು ಮಣ್ಣಿನಲ್ಲಿ ಬದುಕಲಾರದು. ಶಿಲೀಂಧ್ರದ ಬಿಜಕಗಳು ಗಾಳಿಯ ಮೂಲಕ ಹರಡುತ್ತವೆ ಹಾಗೂ ಮಳೆ ಅಥವಾ ಗಿಡಗಳ ಮೇಲಿಂದ ನೀರು ಹರಿಸುವಾಗ ಚಿಮ್ಮುವ ಹನಿಗಳ ಮೂಲಕ ಪಕ್ಕದ ಗಿಡಗಳಿಗೆ ಹರಡುತ್ತವೆ. ಇವು ಗಾಳಿ ಮತ್ತು ಕೃಷಿ ಉಪಕರಣಗಳ ಮೂಲಕ ಸುಲಭವಾಗಿ ದೂರದ ಪ್ರದೇಶಗಳಿಗೂ ಹರಡಬಲ್ಲವು. ಸಾಧಾರಣದಿಂದ ಬೆಚ್ಚಗಿನ ತಾಪಮಾನ (16-35°C) ಮತ್ತು ಎಲೆಗಳ ಮೇಲೆ ದೀರ್ಘಕಾಲದ ತೇವಾಂಶ ಇರುವುದು ಈ ಸೋಂಕು ಹರಡಲು ಅನುಕೂಲಕರ ವಾತಾವರಣವಾಗಿದೆ. ಸಾಮಾನ್ಯವಾಗಿ, ಬಿಜಕಗಳು ಮೊಳಕೆಯೊಡೆದು ಗಿಡಕ್ಕೆ ಸೋಂಕು ತಗುಲಿಸಲು ಕೇವಲ 8 ರಿಂದ 12 ಗಂಟೆಗಳ ಕಾಲ ಎಲೆಗಳ ಮೇಲೆ ತೇವಾಂಶ ಇದ್ದರೆ ಸಾಕು. ತಾಪಮಾನ ಹೆಚ್ಚಾದಂತೆಲ್ಲಾ, ಸೋಂಕು ಉಂಟಾಗಲು ಬೇಕಾಗುವ ತೇವಾಂಶದ ಸಮಯವು ಕಡಿಮೆಯಾಗುತ್ತದೆ. ಸರಿಯಾಗಿ ಗೊಬ್ಬರ ನೀಡದ ಮತ್ತು ಒತ್ತಡಕ್ಕೆ ಒಳಗಾದ ಗಿಡಗಳಲ್ಲಿ ಈ ರೋಗದ ತೀವ್ರತೆಯು ಸಾಮಾನ್ಯವಾಗಿ ಹೆಚ್ಚಾಗಿರುತ್ತದೆ.